តែម៉ាត់ឆា ឬ កាហ្វេ?

តែម៉ាត់ឆា និង កាហ្វេ ត្រូវបានគេធ្វើការជជែកវែកញែកនៅក្នុងពិភពនៃភេសជ្ជៈប្រភេទក្តៅនារដូវកាលនេះ។ រសជាតិនៃភេសជ្ជៈទាំងពីរគឺ មានភាពខុសគ្នា​។

តើ​ភេសជ្ជៈមួយ​ណាទើប​ជា​ជម្រើស​ល្អ​ជាង? រវាងភេសជ្ជៈទាំងពីរ តើមួយណាមានរសជាតិគួរឱ្យចាប់ចិត្តជាង?

នៅទីបំផុត ជម្រើសដែលល្អសាកសមគឺអាស្រ័យលើទៅតម្រូវការចាំបាច់ និងចំណង់ចំណូលចិត្តររបស់បុគ្គលម្នាក់ៗ។

ម៉ាត់ឆា គឺជាប្រភេទម្សៅតែបៃតងរបស់ប្រទេសជប៉ុន ដែលផលិតចេញពីស្លឹកតែល្អបំផុត និងត្រូវបានចម្រាញ់កិនយ៉ាងម៉ត់ចត់ឱ្យក្លាយទៅជាម្សៅតែដ៏ឈ្ងុយពោរពេញដោយរសជាតិប្រណិតគួរឱ្យចង់ទទួលទាន។ ភាពខុសគ្នារវាង ម៉ាត់ឆា (Matcha) និងតែបៃតងធម្មតាគឺស្ថិតនៅលើការរៀបចំវិធីក្នុងការឆុង និងការទទួលទាន។ ជាមួយនឹង ម៉ាត់ឆា (Matcha) អ្នកទទួលទានស្លឹកតែទាំងមូលដោយការកិនឱ្យម៉ត់ ខណៈពេលដែលតែបៃតងធម្មតា អ្នកគ្រាន់តែផឹកតែដែលចំរាញ់ប៉ុណ្ណោះ។ ម៉ាត់ឆា (Matcha) មានផ្ទុកជាតិកាហ្វេអ៊ីនតិចតួច។ ម៉ាត់ឆា​ (Matcha) ក៏សម្បូរទៅដោយសារធាតុប្រឆាំងអុកស៊ីតកម្ម ដែលអាចការពារកោសិកាក្នុងសារពាង្គកាយពីការបំផ្លិចបំផ្លាញ។ ម៉ាត់ឆា (Matcha) អាចមានតម្លៃថ្លៃ អ្វីដែលជាថ្នូរសំខាន់អ្នកត្រូវតែប្រាកដថាអ្នកទិញវាពីហាងដែលមានប្រភពច្បាស់លាស់ និងមានភាពល្បីល្បាញទៅលើ ការលក់ប្រភេទតែមួយនេះនៅក្នុងតតំបន់ជាក់លាក់ណាមួយ។

កាហ្វេត្រូវបានគេរាប់ចូលជាប្រភេទនៃសារធាតុរំញោចស្មារតី ព្រោះវាមានផ្ទុកជាតិកាហ្វេអ៊ីន។ ជាតិកាហ្វេអ៊ីនអាចដាស់ស្មារតីរបស់អ្នកកុំឱ្យស្ពឹកស្រពន់ បង្កើនអារម្មណ៍ក្នុងការប្រុងប្រយ័ត្នបន្ថែមមួយកម្រិត និងមានការផ្តោតអារម្មណ៍ខ្លាំងជាងមុន។ ម្យ៉ាងជាតិកាហ្វេអ៊ីនក៏អាចជួយបង្កើនសមត្ថភាពលំហាត់ប្រាណកីឡារបស់អ្នកផងដែរ។ ទោះជាយ៉ាងណាក៏ដោយ ការទទួលទានជាតិកាហ្វេអ៊ីនច្រើនពេកក៏អាចផ្តល់ផលប៉ះពាល់ជាច្រើនដល់សុខភាពដូចគ្នា វានាំឱ្យអ្នកមានអារម្មណ៍ថប់បារម្ភ គេងមិនលក់ និងផលប៉ះពាល់ផ្សេងៗជាច្រើនទៀត។ លើសពីនេះកាហ្វេ អាចធ្វើឲ្យបាត់បង់ជាតិទឹកនៅក្នុងខ្លួន។

ម៉ាត់ឆា (Matcha) មានផ្ទុកនូវជាតិកាហ្វេអ៊ីនដូចកាហ្វេដែរ។ ប៉ុន្តែទោះជាយ៉ាងណាក៏ដោយ បរិមាណជាតិកាហ្វេអ៊ីននៅក្នុង ម៉ាត់ឆា​ (Matcha) មានកម្រិតទាបជាងកាហ្វេ។ នៅទីនេះមានន័យថា ម៉ាត់ឆា (Matcha) បានផ្តល់ឱ្យអ្នកនូវកម្រិតថាមពលមួយដែលមានតុល្យភាព និងទទួលទានក្នុងរយៈពែលយូរដោយគ្មានការបារម្ភអំពីផលប៉ះពាល់ផ្សេងៗ។

ជម្រើសដែលល្អនិងសាកសមបំផុត ចំពោះអ្នកដែលមានការព្រួយបារម្ភទៅលើផលប៉ះពាល់នៃជាតិកាហ្វេអ៊ីន ឬ ប្រសិនបើអ្នកកំពុងស្វែងរកនូវភេសជ្ជៈដែលមានអត្ថប្រយោជន៍បន្ថែមចំពោះសុខភាពនោះគឺ ខ្ញុំសូមណែនាំឱ្យ អ្នកទទួលទាន តែម៉ាត់ឆា  (Matcha) ។

ជាចុងក្រោយ វិធីដែលល្អបំផុតក្នុងការសម្រេចចិត្តថា តើភេសជ្ជៈមួយណាដែលសាកសមចំពោះអ្នក គឺអ្នកអាចសាកល្បងទទួលទានទាំងពីរ ហើយចាំមើលថាតើអ្នកចូលចិត្តប្រភេទណាជាង?

វាជារឿងសំខាន់ដែលអ្នកត្រូវកត់សម្គាល់ថាយើងមិនមែនជាអ្នកជំនាញផ្នែកវេជ្ជសាស្រ្តនោះទេ ហើយព័ត៌មាននេះមិនគួរត្រូវបានយកមកធ្វើជាដំបូន្មានវេជ្ជសាស្រ្តនោះដែរ។ ប៉ុន្តែ វាគឺជាការចែករំលែកនូវចំណេះដឹងខ្លះៗដែលពួកយើងបានធ្វើការស្រាវជ្រាវយកមកចងជាបណ្តុំនៃមាតិកាល្អៗចំពោះអ្នក។ សូមពិនិត្យពិគ្រោះជាមួយវេជ្ជបណ្ឌិតរបស់អ្នកមុនពេលធ្វើការផ្លាស់ប្តូរណាមួយចំពោះរបបអាហារ ឬរបៀបរបបនៃរស់នៅរបស់អ្នក។