Justin និង Hailey Bieber ស្វាគមន៍ចំពោះកំណើតកូនដំបូងរបស់ខ្លួនពោរពេញដោយក្តីស្រឡាញ់

Justin និង Hailey Bieber បានបង្ហាញការស្វាគមន៍ចំពោះកំណើតកូនដំបូងតាមរយៈការបង្ហោះនៅក្នុងបណ្តាញសង្គម Instagram បង្កការភ្ញាក់ផ្អើលដល់សំណាក់ហ្វេនគ្រប់ៗរូប ហើយនេះគឺជាព្រឹត្តិការណ៍ដ៏សំខាន់មួយនៅក្នុងជីវិតរបស់គេ។
កាលថ្ងៃសៅរ៍ ទី 25 ខែ សីហា ឆ្នាំ 2024 គឺជាថ្ងៃដ៏វិសេសវិសាលសម្រាប់គូស្នេហ៍ Justin និង Hailey Bieber ដែលបានស្វាគមន៍កំណើតកូនរបស់ពួកគេដោយក្តីអំណរបំផុតក្នុងនាមជាឪពុកម្តាយថ្មីថ្មោង។

បន្ទាប់ពីមានការរំពឹងទុក និងទទួលរងនូវពាក្យចចាមអារ៉ាមជាច្រើនខែជុំវិញការមានផ្ទៃពោះរបស់ Hailey… ឥឡូវដំណឹងនេះត្រូវបានលាតត្រដាងយ៉ាងច្បាស់ការ និងបញ្ជាក់តាមរយៈបណ្តាញសង្គមរបស់គូស្នេហ៍មួយគូនេះផ្ទាល់តែម្តង ដែលពួកគេទាំងពីរធ្វើការចែករំលែកសុភមង្គលដ៏មានក្តីសុខយ៉ាងកក់ក្តៅ និងបង្ហោះបង្ហើបអំពីវត្តមានកូនរបស់ពួកទៅកាន់អ្នកគាំទ្ររាប់លាននាក់ជុំវិញពិភពលោក។

ជំពូកនៃរឿងស្នេហារបស់គូស្នេហ៍មួយគូនេះ

Justin Bieber អាយុ 30 ឆ្នាំ និង Hailey Bieber អាយុ 27 ឆ្នាំបានរៀបការជាផ្លូវក្នុងឆ្នាំ 2018 នៅទីក្រុងញូវយ៉ក បន្ទាប់មកក៏មានការប្រារព្ធពិធីក្តីស្រឡាញ់ពិសេសផ្ទាល់ខ្លួនបន្ថែមនៅរដ្ឋ South Carolina ក្នុងឆ្នាំ 2019 ។ ពួកគេគឺជាគូស្នេហ៍មួយគូក្នុងចំណោមគូស្វាមីភរិយាដែលទទួលបានការចាប់អារម្មណ៍ និងការកោតសរសើរយ៉ាងខ្លាំងក្នុងវិស័យនៃភាពល្បីល្បាញ។

ទំនាក់ទំនងរបស់ពួកគេជារឿយៗស្ថិតក្នុងការចាប់អារម្មណ៍ពីសំណាក់ហ្វេនៗ ហើយមានការវិវឌ្ឍដំណើរឆ្លងកាត់រឿងជាច្រើនទៅតាមពេលវេលា ពោលគឺ “របៀបនៃគូស្នេហ៍វ័យក្មេងរហូតទៅជាគូស្នេហ៍ដែលរឹងមាំត្រៀមនឹងបង្កើតគ្រួសារ”។ មិនត្រឹមតែប៉ុណ្ណោះការប្រកាសអំពី កំណើតកូនដំបូងរបស់ពួកគេ ត្រូវបានទទួលស្វាគមន៍យ៉ាងរីករាយពីអ្នកគាំទ្រទាំងអស់ពោរពេញទៅដោយក្តីស្រឡាញ់។

នៅក្នុងបណ្តាញសង្គម Instagram របស់ Justin បានបង្ហោះរូបថតដ៏គួរឱ្យចាប់អារម្មណ៍នៃជើងតូចនៃទារកទើបនឹងកើតរបស់ពួកគេ អមដោយ Caption ដ៏សាមញ្ញថា “ស្វាគមន៍មកកាន់ពិភពលោក កូនកំណប់តូច។ យើងស្រឡាញ់អ្នកជាងអ្វីៗទាំងអស់”។

ការចាប់ផ្តើមដំណើរជីវិតថ្មី

ជាមួយនឹងការស្វាគមន៍វត្តមានកូនដំបូង… Justin និង Hailey Bieber ហាក់កំពុងធ្វើការចាប់ផ្តើមដំណាក់កាលថ្មីនៃជីវិត ដោយ Justin តែងតែនិយាយអំពីបំណងចង់បង្កើតគ្រួសារ និងផ្តល់នូវសេចក្តីស្រឡាញ់ដល់កូនៗរបស់គាត់នូវភាពស្ងប់ស្ងាត់ឱ្យបានច្រើនជាងជីវិតកុមារភាពរបស់គាត់។ ទន្ទឹមនឹងនោះ Hailey ក៏បានបង្ហាញអំពីសេចក្តីរំភើបក្នុងការក្លាយជាអ្នកម្តាយ ហើយបានសង្កត់អត្ថន័យធ្ងន់នៃសារៈសំខាន់របស់គ្រួសារនៅក្នុងជីវិតរបស់នាង។

អ្នកគាំទ្រគ្រប់ៗរបស់គូស្នេហ៍មួយគូនេះ តែងតែរង់ចាំមើលថា តើការចាប់ផ្តើមនៃដំណើរជីវិតរបស់គ្រួសារថ្មីនេះនឹងមានឥទ្ធិពលបែបណាទៅលើជីវិតផ្ទាល់ខ្លួន (កាលលីវ) និងអាជីពរបស់ពួកគេយ៉ាងណាន ខណៈពេលដែល Justin នឹងបន្តធ្វើការលើគម្រោងតន្ត្រីថ្មី របស់ខ្លួន ហើយ Hailey នៅតែជាតារាដ៏មានឥទ្ធិពលនៅក្នុងពិភពម៉ូដ សម្រស់ និងបន្តអាជីពតារាដើរម៉ូដ។