ខ្មែរ
English
Lisa សមាជិកក្រុម Blackpink បានប្រែក្លាយឆាក Coachella ទៅជាផ្លូវដើរម៉ូតជាមួយនឹងសំលៀកបំពាក់ផ្ទាល់ខ្លួនដ៏អស្ចារ្យបង្ហាញពីចក្ខុវិស័យទំនើបនាអនាគត ដោយនាងបានស្លៀកនូវឈុតបំភ្លឺរូបរាងកាយភ្លឺឆ្វាច រំលេចលោហធាតុដែលមានបច្ចេកវិទ្យាខ្ពស់ អមជាមួយក្បាច់រាំពិសេសរបស់ខ្លួន។
ជាមួយនឹងកែវភ្នែករាប់ម៉ឺននាក់របស់ទស្សនិកជន Lisa សមាជិកក្រុម Blackpink បានយល់ថា Coachella មិនមែនគ្រាន់តែជាឆាកតន្រ្តីតែប៉ុណ្ណោះទេ ពោលគឺជាឆាកបង្ហាញម៉ូត សមស្របនឹងពេលវេលាដ៏មានតម្លៃ ដើម្បីអនុញ្ញាត្តដល់សិល្បករគ្រប់រូបបង្ហាញស្ទីលផ្ទាល់ខ្លួនរបស់ពួកគេ។ ដូច្នេះហើយ នាងបានសហការជាមួយអ្នករចនាម៉ូតទាន់សម័យ “Asher Levine” សម្រាប់ការបង្កើតនូវសម្លៀកបំពាក់ស្តង់ដារបង្ហាញអត្តសញ្ញាណផ្ទាល់ខ្លួនដ៏អស្ចារ្យមិនធ្លាប់មាន និងមិនអាចបំភ្លេចបាន។
ឈុតដំបូងរបស់នាង គឺជាឈុតដែលគ្របដណ្ដប់ដោយរូបចម្លាក់ វាយនភាពដូចមាត្រដ្ឋាន និងបន្ទះលោហធាតុមុតស្រួច មានឈ្មោះថា “មនុស្សអាក្រក់ Cyborg”។ Levine បាននិយាយថា ឈុតនេះត្រូវបានបំផុសគំនិតដោយ Cyborgs និងសារធាតុសត្វឈាមត្រជាក់ ដែលបំណែកផ្ទាល់ខ្លួនត្រូវបានបង្កើតឡើងដោយប្រើការស្កែន 3D និង AI-enhanced model។
បន្ទាប់មក នាងក៏បានងាកទៅរកអ្វីដែលប្លែកជាងនេះទៅទៀត គឺ “ឈុតពន្លឺភ្លឺផ្លេកមួយតួខ្លួនរហូតដល់ស្បែកជើង”។ ឈុតនេះត្រូវបានត្បាញដោយខ្សែប្រតិកម្មកាំរស្មីយូវី រំលេចពន្លឺចែងចាំង ហើយឈុតនេះទៀតសោត វាត្រូវបានរចនាឡើងសម្រាប់ការផ្លាស់ប្តូរយ៉ាងរហ័ស ជាមួយនឹងធាតុពន្លឺរួមបញ្ចូលយ៉ាងប៉ិនប្រសប់ជាមួយស្បែកជើងរបស់នាង ដើម្បីរក្សាចំណាប់អារម្មណ៍ក្នុងគ្រប់រូបភាព។ រូបរាងមួយទៀតដែលធ្វើឱ្យអ្នកគាំទ្រគ្រប់រូបមានការភ្ញាក់ផ្អើលបំផុតនោះគឺ សំពត់មីនី និងខោខូវប៊យពី Off-White បង្កប់ភាពរស់រវើកបែបយុវវ័យ។
ការបង្ហាញខ្លួនរបស់ Lisa នៅក្នុងមហោស្រពតន្រ្តី Coachella មិនមែនគ្រាន់តែជាទស្សនីយភាពធម្មតាទេ វាគឺជាការបង្ហាញអំពីម៉ូត ច្របាច់បញ្ចូលជាមួយបច្ចេកវិទ្យាទំនើបតាមរបៀបថ្មីៗដ៏គួរឱ្យចាប់អារម្មណ៍។
