ខ្មែរ
English
ប្រទេសសិង្ហបុរីកំពុងទាក់ទាញអ្នកគាំទ្រមកពីជុំវិញអាស៊ីអាគ្នេយ៍ និងលើសពីនេះទៅទស្សនាកម្មវិធី Eras Tour របស់ Taylor Swift ជាច្រើន។ ការណ៍នេះ បានផ្ដល់ការមិនសប្បាយចិត្តដល់អ្នកជិតខាងខ្លះក្នុងតំបន់។
ការខឹងសម្បារនេះមិនមែនសំដៅទៅលើកំពូលតារានោះទេ ប៉ុន្តែគឺធ្វើឡើងចំពោះរដ្ឋាភិបាលសិង្ហបុរីសម្រាប់កិច្ចព្រមព្រៀងផ្តាច់មុខមួយជាមួយអ្នករៀបចំការប្រគំតន្ត្រីក្នុងគោលដៅ ធ្វើឲ្យសិង្ហបុរី គឺជាកន្លែងតែមួយគត់នៅក្នុងតំបន់អាស៊ីអាគ្នេយ៍ដែលនាងសម្តែង។
Swift បាននាំមកនូវភាពទាក់ទាញដូចព្យុះមកប្រទេសសិង្ហបុរី ដូចដែលនាងតែងតែធ្វើនៅគ្រប់ទីកន្លែងដែលនាងទៅ ខណៈដែលអ្នកគាំទ្រនាង សម្រុកទិញជើងហោះហើរ កន្លែងស្នាក់នៅ និងវត្ថុអនុស្សាវរីយ៍ក្នុងប្រទេសនេះ។
ជុំវិញបញ្ហានេះ បណ្តាប្រទេសនៅក្នុងតំបន់បានសម្តែងការមិនពេញចិត្តរបស់ពួកគេជាមួយមេធាវីជនជាតិហ្វីលីពីន Joey Salceda ដោយនិយាយថា “កិច្ចព្រមព្រៀងផ្តាច់មុខបែបនេះ មិនមែនជា “អ្វីដែលអ្នកជិតខាងល្អធ្វើទេ” ។
ឆ្លើយតបទៅនឹងការរិះគន់កាលពីថ្ងៃអង្គារដែលបានលើកថាសិង្ហបុរី មិនមានភាពរួសរាយរាក់ទាក់ចំពោះប្រទេសជិតខាងរបស់ខ្លួនដោយធ្វើកិច្ចព្រមព្រៀងជាមួយតារាឆ្នើមនោះ នាយករដ្ឋមន្ត្រី Lee Hsien Loong នៅក្នុងសន្និសីទសារព័ត៌មាននៅទីក្រុងមែលប៊ន ក្នុងដំណើរបំពេញទស្សនកិច្ចផ្លូវរដ្ឋទៅកាន់ប្រទេសអូស្ត្រាលីថ្លែងឲ្យដឹងថា អ្វីដែលដែលសម្រេចបាន គឺជាជោគជ័យដ៏ធំ តែលោកមើលមិនឃើញថា នេះជាកាយវិការមិនរួសរាយរាក់ទាក់ចំពោះអ្នកជិតខាងនោះទេ»។
នាយករដ្ឋមន្ត្រីថៃ ស្រេតថា ថាវីស៊ីន បានអះអាងក្នុងវេទិកាធុរកិច្ចនៅទីក្រុងបាងកក កាលពីថ្ងៃទី ១៦ ខែកុម្ភៈ ថា សិង្ហបុរីបានចំណាយប្រាក់ដល់ Taylor Swift ដល់ទៅ ៣ លានដុល្លារក្នុងមួយកម្មវិធី ក្រោមលក្ខខណ្ឌនៃការផ្តាច់មុខដើម្បីសម្តែងរបស់តារាហូលីដនៅលើទឹកដីពួកគេ។
ក្រុមការងាររបស់ Swift មិនបានធ្វើអត្ថាធិប្បាយលើភាពចម្រូងចម្រាសនេះទេ ហើយក៏មិនបានឆ្លើយតបទៅនឹងសាកសួររបស់ CNN ដូចគ្នា៕
