គុណសម្បត្តិដ៏អស្ចារ្យនៃសណ្តែកសៀងចំពោះសុខភាព.. ដែលអ្នកគួរចាប់យកការទទួលទានឱ្យបានញឹកញាប់

អាហារសណ្តែកសៀងត្រូវបានគេទទួលស្គាល់ជាយូរណាស់មកហើយថាជាប្រភពប្រូតេអ៊ីនដ៏ល្អ ជាពិសេសនៅតំបន់អាស៊ី អាហារសណ្តែកសៀងបែបប្រពៃណីរួមមាន តៅហ៊ូ ទឹកដោះគោសណ្តែក ម្សៅមី… វាបានផ្តល់នូវអាហាររូបត្ថម្ភជាច្រើនដល់សុខភាពរូបរាងកាយ។

សណ្តែកសៀងមានផ្ទុកនូវសារធាតុអាមីណូអាស៊ីតសំខាន់ៗសម្រាប់ផលិតប្រូតេអ៊ីនគ្រប់ប្រភេទដែលរាងកាយមនុស្សយើងត្រូវការ វាមានជាតិខ្លាញ់ឆ្អែតទាប និងមិនមានកូលេស្តេរ៉ុលខ្ពស់ឡើយ។ ការបន្ថែមអាហារសណ្តែកសៀងទៅក្នុងរបបអាហាររបស់អ្នក អាចបង្កើនការទទួលទានវីតាមីនដូចជា Folate វីតាមីន K និងសារធាតុរ៉ែដូចជាកាល់ស្យូម ម៉ាញេស្យូម និងជាតិដែក។

សណ្តែកសៀង មានអត្ថប្រយោជន៍ជួយសម្រួលដល់ប្រព័ន្ធរំលាយអាហារផងដែរ ដោយវាមានផ្ទុកនូវជាតិសរសៃខ្ពស់ សម្រួលដល់ការបន្ទោរបង់ និងបង្កើនសុខភាពពោះវៀន។

តើសណ្តែកសៀងមានគុណប្រយោជន៍ចំពោះសុខភាពយ៉ាងណាខ្លះ? 

ល្អសម្រាប់សុខភាពឆ្អឹង
សណ្តែកសៀងមានផ្ទុកនូវសារធាតុរ៉ែ និងវីតាមីនខ្ពស់ មានជាតិស័ង្កសី កាល់ស្យូម ទង់ដែង និងម៉ាញ៉េស្យូម អាចជួយក្នុងការរក្សាឆ្អឹងឱ្យរឹងមាំ និងមានសុខភាពល្អ ។ សារធាតុទាំងអស់នេះនៅក្នុងសណ្តែកសៀងអាចជួយឱ្យឆ្អឹងថ្មីលូតលាស់ ធ្វើឱ្យឆ្អឹងដែលមានស្រាប់កាន់តែរឹងមាំ និងបង្កើនល្បឿនដំណើរការព្យាបាលឆ្អឹង។

ប្រឆាំងនឹងជំងឺមហារីក
កម្រិតខ្ពស់នៃសារធាតុប្រឆាំងអុកស៊ីតកម្មនៅក្នុងសណ្តែកសៀងអាចជួយកាត់បន្ថយនៃជំងឺមហារីកបានយ៉ាងមានប្រសិទ្ធិភាព។ សារធាតុប្រឆាំងអុកស៊ីតកម្មមានតួនាទីក្នុងការបន្សាបរ៉ាឌីកាល់សេរី ដែលរ៉ាឌីកាល់សេរី គឺជាចំណែកដ៏គ្រោះថ្នាក់នៃកោសិការំលាយអាហារ វាអាចបង្កទៅជាដុំសាច់មហារីកផ្សេងៗ ។ ក្រៅពីការទប់ស្កាត់ការវិវត្តនៃកោសិកាដែលបង្កជំងឺមហារីក សណ្តែកសៀងក៏អាចជួយកាត់បន្ថយផលប៉ះពាល់នៃការព្យាបាលជំងឺមហារីកផងដែរ ។

រក្សាទម្ងន់
សណ្តែងសៀង មានប្រូតេអ៊ីនខ្ពស់ជួយដល់ការលូតលាស់សាច់ដុំគ្មានខ្ពស់ និងធ្វើឱ្យអ្នកឆ្អែតជាងមុន ដោយការពារអ្នកពីការញ៉ាំអាហារសម្រន់ផ្តេសផ្តាស់។ ម្យ៉ាង សណ្តែកសៀងក៏បានចូលរួមក្នុងការប្រឆាំងភាពធាត់ផងដែរ។

បង្កើនកម្លាំងប្រព័ន្ធការពាររាងកាយ
អាហារដែលធ្វើពីសណ្តែកសៀង ច្រើនសម្បូរទៅដោយ Saponins ហើយសារធាតុនេះមាននាទីជំរុញកម្លាំងប្រព័ន្ធការពាររាងកាយបានល្អ និងធ្វើឱ្យអ្នកមានកម្លាំង។