ការលេងស្ទីលរបស់ Alexander Saint Mluex

"ប្រសិនបើ Pinterest ជាមនុស្សម្នាក់ នោះប្រាកដជានាង"។ - អ្នកបញ្ចេញមតិ

Formula 1 ជាកីឡាដែលមានអ្នកគាំទ្រកាន់តែច្រើនឡើងៗជុំវិញពិភពលោក។ ខណៈពេលដែលកីឡាមួយនេះផ្តល់នូវភាពរំភើបសប្បាយរីករាយអំឡុងពេលទស្សនាការប្រណាំងរថយន្តដែលមានល្បឿនលឿនមិនគួរឱ្យជឿ ជាផ្នែកមួយដ៏ធំនៃភាពទាក់ទាញរបស់វា ប៉ុន្តែវាក៏មាននូវភាពទាក់ទាញមួយទៀត ដែលជាភាពប្រណីតដែលបានភ្ជាប់មកជាមួយកីឡាមួយនេះ។ តាំងពីព្រឹត្តិការណ៍ដ៏ប្លែក និងម៉ាកយីហោនៃលំដាប់ខ្ពស់ៗ រហូតដល់បរិយាកាសដ៏អស្ចារ្យដែលនៅជុំវិញនៃការប្រណាំង Formula 1 ក៏បានផ្តល់នូវរបៀបរស់នៅដែលមានភាពទាក់ទាញ និងមានកិត្យានុភាពដូចកីឡាខផងដែរ។

ជាមួយនឹងកីឡាករត្រឹមតែ 20 នាក់ប៉ុណ្ណោះនៅលើក្រឡាចត្រង្គ F1 ភាពល្បីល្បាញនៃកីឡាមួយនេះបានពង្រីកដល់ដៃគូរបស់ពួកគេ រួមទាំង Alexandra Saint Mleux ដែលជាមិត្តស្រីរបស់ Charles Leclerc នៃក្រុម Ferrari ។ ចាប់តាំងពីត្រូវបានគេប្រទះឃើញនាងក្នុងឆ្នាំ 2023 ប្រជាប្រិយភាពរបស់នាងបានកើនឡើង ហើយស្ទីលរបស់នាងបានជំរុញចិត្តដល់ទាំងអ្នកគាំទ្រ F1 និងមិនមែនជាអ្នកគាំទ្រដូចគ្នា។

Alexander ទទួលបានការចាប់អារម្មណ៍ពីអ៊ីនធឺណិតយ៉ាងឆាប់រហ័ស ជាមួយនឹងស្ទីលដ៏លេចធ្លោរបស់នាង និងភាពជឿជាក់ដែលនាងបានបញ្ចេញនៅក្នុង paddock ។ អ្នកគាំទ្រ និងអ្នកដែលមានចំណាប់អារម្មណ៍លើការលេងម៉ូតត្រូវបានចាប់អារម្មណ៍ទៅលើឥរិយាបថ និងការដើររបស់នាង។ ភាពប៉ិនប្រសប់ និងទំនុកចិត្តលើខ្លួនឯងបានបង្កើននូវភាពទាក់ទាញកាន់តែខ្លាំងរបស់នាង រហូតដល់នាងក្លាយជាអ្នកលេងម៉ូតស្ទីលដ៏បុិនប្រសប់នៅក្នុងសហគមន៍ F1 ។ មិនថានាងទៅចូលរួមកម្មវិធី ឬនៅក្នុង paddock នោះទេ វត្តមានដ៏ឆើតឆាយរបស់នាងត្រូវបានគេកោតសរសើរគ្រប់ៗគ្នា។

ខណៈពេលដែល Instagram របស់នាងគឺដូចជា Pinterest ដែលស្រីៗគ្រប់រូបស្រមៃចង់បាន ពោរពេញទៅដោយសំលៀកបំពាក់ទាន់សម័យ ឆើតឆាយ និងរស់រវើក។ វាជាការលាយបញ្ចូលគ្នារវាងការស្ទីលម៉ូដ និងរបៀបនៃការរស់នៅ បង្ហាញពីជីវិតដែលមនុស្សជាច្រើនប្រាថ្នាចង់បាន។

នៅខែសីហា ឆ្នាំ 2023 Alexandra Saint Mleux បានក្លាយជាអ្នកតំណាងរបស់ប្រេន Rhode ដែលជាម៉ាកយីហោសម្រស់ដ៏ពេញនិយមមួយដែលត្រូវបានបង្កើតឡើងដោយ Hailey Bieber ។ ភាពជាដៃគូរបស់នាងជាមួយ Rhode បានកត់សម្គាល់នូវពេលវេលាដ៏សំខាន់មួយនៅក្នុងអាជីពរបស់នាង។

ទោះបីជាស្ទីលរបស់ Alexander មានការវិវឌ្ឍជាងឆ្នាំមុនក៏ដោយ ក៏វាមិនបានបន្ថយនៃការកោតសរសើរពីបង្តាញអ៊ីនធឺណិតចំពោះស្ទីលរបស់នាងដែរ។ វាច្បាស់ណាស់ថានាងកំពុងទទួលយកជម្រើសដ៏ក្លាហានមួយនៅក្នុងលេងស្ទីលរបស់នាង។ មិនថានាងស្លៀកសម្លៀកបំពាក់សាមញ្ញ ឬសម្លៀកបំពាក់ដ៏ល្អប្រណិតនោះទេ យើងទាំងអស់គ្នាកំពុងកត់សម្គាល់សម្រាប់យើងផ្ទាល់ផងដែរ។