កែប្រែខ្លួនអ្នកជាថ្មី

នៅក្នុងជីវិតរស់នៅរបស់ មនុស្សស្រី នាពេលខ្លះតែងមានអារម្មណ៍ថាចង់ផ្លាស់ប្តូរនូវបរិបទមួយចំនួន ចង់ចាប់ផ្តើមអ្វីៗ​​ឡើងវិញ​ នឹងបង្កើតភាពស្រស់ស្រាយសាជាថ្មី ដើម្បីឱ្យពួកគេទទួលបាននូវអារម្មណ៍ប្រសើរ សេចក្តីសុខផ្លូវចិត្តនឹងនរ។ តោះសាកក្រឡេក ពិនិត្យមើលគ្រប់យ៉ាងជុំវិញខ្លួន រួចធ្វើការសម្រេចចិត្តថានឹងកែប្រែខ្លួនឯងឱ្យបានល្អប្រសើរសាជាថ្មី។

អារម្មណ៍មួយដែលរចង់ផ្លាស់ប្តូរបរិបទរស់នៅប្រចាំថ្ងៃឱ្យមានភាពប្រសើរឡើងជាងមុន គឺតែងតែកើតឡើងរឿយៗនៅក្នុងចិត្តមនុស្សស្រី។ តាមពិតទៅ អ្នកមិនចាំបាច់ទាល់តែធ្វើការផ្លាស់ប្តូរអ្វីធំដុំ ឬកែប្រែរបបជីវិតទាំងស្រុងនោះទេ។ អ្នកអាចដាក់គោលដៅដើម្បីផ្លាស់ប្តូរក្នុងស្ថានភាពយូរអង្វែងមួយ ដោយគួរតែចាប់ផ្តើមឡើងពីជំហានដំបូង នោះគឺទស្សនៈរបស់អ្នកចំពោះជីវិតខ្លួនយើងផ្ទាល់ហ្នឹងអែង… យើងកំពុងដើរដល់ទីណាមិនសំខាន់ អ្វីដែលសំខាន់គឺថាយើងចំណាយពេលវេលារបស់យើងយ៉ាងដូចម្តេច?

ចូរផ្លាស់ប្តូរខ្លួនអ្នកដោយចាប់ផ្តើមពីចិត្តគំនិតខាងក្នុងជាមុនសិន!

ខាងក្រោមនេះជាគំនិតខ្លះៗ អាចជួយឱ្យអ្នកធ្វើការផ្លាស់ប្តូរជីវិតដោយមិនចាំបាច់ប្រើកម្លាំងខ្លាំង និងថវិការច្រើន ឬ ត្រូវរងចាំរហូតដល់វេលាសក្តិសមណាមួយ។ វាមិនត្រឹ​មតែអាចឲ្យអ្នកអាចអនុវត្តបានយ៉ាងងាយស្រួលប៉ុណ្ណោះទេ តែវាក៏ជួយជំរុញផ្លូវវចិត្តរបស់អ្នក ឲ្យសម្លឹងមើលជីវិតក្នុងផ្លូវវិជ្ជមានបានកាន់ច្រើនផងដែរ។

ដំបូងចាប់ផ្តើមក្រោកពីដំណេកនៅម៉ោង៦ព្រឹកជារៀងរាល់ថ្ងៃដើម្បីធ្វើសមាធិ និងព្យាយាមលើកទឹកចិត្តខ្លូនឯងជាមួយពាក្យលួងលោមល្អៗ។ រៀនពាក្យថ្មីៗដែលផ្តល់ថាមពលវិជ្ជមានដល់ជីវិតអ្នក និងចែករំលែកនូវពាក្យទាំងនោះទៅកាន់មនុស្សជុំវិញខ្លួន។

ចុះឈ្មោះរៀនយូហ្គា (YOGA) ឬ​ ធ្វើកាយលំហាត់ប្រាណជារៀងរាល់ថ្ងៃ។ សរសេរគំនិតវិជ្ជមាននៅក្នុងសៀវភៅកត់ត្រាទំព័រជីវិតប្រចាំថ្ងៃរបស់អ្នក ដើម្បីទទួលបាននូវអារម្មណ៍ដែលពិតប្រាកដមួយ ដើម្បីធ្វើជាមនុស្សមានសំណាង នឹងសម្រេចកិច្ចការនានាប្រកបដោយជោគជ័យ។

​​មានភាពស្មោះត្រង់ – ពោលតែពាក្យណាដែលជាការពិត មិនភូតភរ អ្នកអាចសាកល្បងមិននិយាយពាក្យកុហកទៅមនុស្សជុំវិញខ្លួនក្នុងរយៈពេល ៣០ថ្ងែជាប់ៗគ្នា (វាអាចនឹងលំបាកជាងអ្នកគិត) ក្រោយមកអ្នកនឹងមានភាពសុំាជាមួយការមិននិយាយពាក្យកុហកជារៀងរហូត។ ព្យាយាមក្លាយខ្លួនជាមនុស្សម្នាក់ដែលស្ពាយភាពស្មោះត្រង់ក្នុងដំណើរជីវិតរបស់ខ្លួនអែង។

ចាត់ទុកពេលវេលារាល់ថ្ងៃ ជាអំណោយដ៏មានតម្លៃដោយផ្តោតទៅលើទៅលើទម្លាប់ប្រចាំថ្ងៃ សកម្មភាពតូចតាច សាមញ្ញៗ ។ល។  អ្នកនឹងមានអារម្មណ៍ថាជីវិតរបស់អ្នកនឹងកាន់តែប្រសើរឡើង​ នៅពេលដែលអ្នកដឹងថាខ្លួនសម្រេចបាននូវអ្វីមួយ បើទោះបីជាវាតូចតាចក៏ដោយ។

“ឥរិយាបទរបស់យើងប្រព្រឹត្តចំពោះជីវិតរបស់យើងប្រចាំថ្ងៃ គឺអាចកំណត់ពីជីវិតដែលយើងនឹងត្រូវរស់នៅពេញមួយជីវិត។”