កំពូលតារាល្បីៗអន្តរជាតិ ដែលនឹងបង្ហាញវត្តមាននៅក្នុងព្រឹត្តិការណ៍ “Gumball 3000” រាជធានីភ្នំពេញ – សៀមរាប

ព្រឹត្តិការណ៍ដ៏មហាអស្ចារ្យបានបានពាំនាំ អ្នកគាំទ្ររាប់ពាន់នាក់មកជួបជុំគ្នានៅមុនសួនច្បារវត្តបទុមវត្តី រាជធានីភ្នំពេញកាលពីថ្ងៃទី 15 យ៉ាងច្រើនកោះកុញ រួចនឹងបន្តទៅកាន់ខេត្តសៀមរាបចំនួន 2ថ្ងៃទៀត ខណៈកម្មវិធី Gumball 3000 នេះមានការប្រមូលផ្តុំទៅដោយប្រភេទរថយន្ត Hypercar, Supercar, Sportcar និងរថយន្តប្រណីតៗជាច្រើនទៀត ចំនួន 102 គ្រឿង ដែលដឹកនាំដោយកំពូលតារាល្បីៗជាច្រើននាក់ ។

ប្រតិភូថ្នាក់ដឹកនាំកម្ពុជាដែលបានទទួលស្វាគមន៍យ៉ាងកក់ក្តៅបំផុតទៅកាន់ស្ថាបនិក Gumball 3000 “Maximillion Cooper” រួមមាន លោក គុជ បញ្ញាសារ រដ្ឋលេខាធិការតំណាង លោក សុខ សុខេន រដ្ឋមន្ត្រីក្រសួងទេសចរណ៍ លោក អ៊ុក សោភ័ណ្ឌ រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ លោក ប៉េង ពោធិសា។

មិនត្រឹមតែប៉ុណ្ណោះ នៅក្នុងមហាព្រឹត្តការណ៍បង្ហាញរថយន្តដ៏អស្ចារ្យនេះ ក៏មានវត្តមានកំពូលតារាល្បីៗអន្តរជាតិ និង Youtuber ក៏ដូចជា Streamer ចូលរួមផងដែរ ក្នុងនោះរួមមានដូចជា ៖

• កីឡាករលំដាប់ពិភពលោក : KEN GRIFFEY JR, PATRICE EVRA និង JIMMY GRAHAM

• កំពូល DJ និង Rapper ដ៏ល្បីល្បាញ : ANDY PURNELL, MARTIN 2 SMOOVE, BUN B និង CJ BEATZ

• កំពូល Youtuber និង Streamer : ISHOWSPEED, VIKKSTAR, LAZARBEAM, POG, MR JWW, NICO LEONARD និង LACHLAN

សូមបញ្ជាក់ថានៅក្នុងកម្មវិធី Gumball 3000 ក៏មានវត្តមាន Influencer ខ្មែរល្បីៗចូលរួមផងដែរ មានដូចជា ៖

• លោក រៀន ថត (REAN THORT)

• លោក ហេង វាសនា (HENG VEASNA)

• តារាចម្រៀង ចិត្ត កញ្ចនា (KANHCHNA CHET)

• លោក រីប៊ើ ភារីន (JUSTIN)

• លោក ហ្វុង សៀនទ័រ (FONG) និងលោក គ្រីស ឌីណា (CHRIS DYNA)

ព្រឹត្តិការណ៍ដែលរំពឹងទុកយ៉ាងខ្ពស់នេះ គឺជាខួបលើកទី 25 នៃការប្រមូលផ្តុំគ្នា បង្កើតឡើងក្នុងឆ្នាំ 1999 Gumball 3000 ដោយលោក Maximillion Cooper មិនត្រឹមតែត្រូវបានគេស្គាល់ថាកម្មវិធីនៃការប្រមូលផ្តុំរថយន្តប្រណីតទំនើបៗសម្រាប់អ្នកស្នេហាវិស័យរថយន្ត និងទាក់ទាញវប្បធម៌ប៉ុប (POP) ផងដែរ ព្រមទាំងទាក់ទាញការចាប់អារម្មណ៍ពីប្រព័ន្ធផ្សព្វផ្សាយមកកាន់ព្រះរាជាណាចក្រកម្ពុជា។