ក្រុមហ៊ុន Vietjet ប្រកាសបញ្ចុះតម្លៃសំបុត្រ២០% សម្រាប់អ្នកធ្វើដំណើរពីប្រទេសកម្ពុជាទៅកាន់ប្រទេសវៀតណាម និងគោលដៅជាច្រើនទៀត រយៈពេលមួយខែចាប់ពីថ្ងៃនេះដល់ថ្ងៃទី១៥ ខែកញ្ញា ឆ្នាំ២០២៤

ក្រុមហ៊ុន Vietjet អបអរអ្នកដំណើរ ២០០ លាននាក់ ជាមួយនឹងការបញ្ចុះតម្លៃសំបុត្រ ២០% រយៈពេលមួយខែសម្រាប់ផ្លូវហោះហើរទាំងអស់ ដែលការផ្តល់ជូនដ៏អស្ចារ្យនេះ សម្រាប់អ្នកធ្វើដំណើរពីប្រទេសកម្ពុជាទៅកាន់ប្រទេសវៀតណាម និងគោលដៅជាច្រើនផ្សេងទៀត ចាប់ពីថ្ងៃនេះរហូតដល់ថ្ងៃទី ១៥ ខែកញ្ញា ឆ្នាំ ២០២៤។

ក្នុងឱកាសនៃការទទួលបានអ្នកដំណើរចំនួន ២០០ លាននាក់ ក្រុមហ៊ុនអាកាសចរណ៍ Vietjet ក៏បានផ្តល់ជូនសំបុត្រចំនួន ២ លានសំបុត្រ ដែលមានតម្លៃត្រឹមតែ ៧០ ដុល្លារក្នុងមួយជើង (រួមបញ្ចូលពន្ធ និងថ្លៃសេវា) នៅលើផ្លូវសៀមរាប-ហាណូយ និងផ្លូវផ្សេងទៀតក្នុងប្រទេសវៀតណាម និងអន្តរជាតិ។​ សម្រាប់តម្លៃបញ្ចុះតម្លៃទាំងនេះ អាចកក់ក្នុងអំឡុងពេល «ផ្តល់ជូនការបញ្ចុះតម្លៃដ៏ពិសេស» នេះ ចាប់ពីម៉ោង ១២:០០ ដល់ ១៤:០០ (UTC+7) ជារៀងរាល់ថ្ងៃរហូតដល់ថ្ងៃទី ៣១ ខែសីហា ឆ្នាំ ២០២៤ សម្រាប់ការធ្វើដំណើរចាប់ពីថ្ងៃទី ០៤ ខែកញ្ញា ឆ្នាំ ២០២៤ ដល់ថ្ងៃទី ២២ ខែឧសភា ឆ្នាំ ២០២៥។ នេះបើយោងតាមសេចក្ដីប្រកាសព័ត៌មានរបស់ក្រុមហ៊ុន Vietjet។

ក្នុងសេចក្ដីប្រកាសព័ត៌មានបានបញ្ជាក់ថា អ្នកដំណើរពីប្រទេសកម្ពុជា អាចទាញយកអត្ថប្រយោជន៍ពីតម្លៃមិនគួរឱ្យជឿក្នុងអំឡុងពេលបញ្ចុះតម្លៃនេះ ដើម្បីធ្ចើដំណើរនៅទីក្រុងហាណូយដែលជារដ្ឋធានីដ៏រស់រវើករបស់ប្រទេសវៀតណាម។ ទីក្រុងនេះ រួមបញ្ចូលគ្នានូវប្រវត្តិសាស្រ្តដ៏សម្បូរបែបជាមួយនឹងការទាក់ទាញបែបទំនើប ដោយធ្វើឱ្យទីក្រុងក្លាយជាគោលដៅទេស​ចរណ៍ ដែលត្រូវតែទៅទស្សនា។ បឹង Hoan Kiem ដ៏គួរឱ្យទាក់ទាញដែលជាកន្លែងបង្កប់នូវរឿងព្រេងនិទាន ផ្លូវដែលមានចរាចរណ៍ដ៏មមាញឹក Old Quarter ដែលពោរពេញទៅដោយហាងប្លែកៗ និងអាហារឆ្ងាញ់ៗក្នុងតំបន់។ ទីក្រុងហាណូយ ផ្តល់នូវបទពិសោធន៍វប្បធម៌ពិតប្រាកដដែលមិនគួររំលង។

សម្រាប់អ្នកធ្វើដំណើរមកពីប្រទេសកម្ពុជា​ អាចទាញយកអត្ថប្រយោជន៍ពីការផ្តល់ជូនពិសេសថ្មីរបស់ក្រុមហ៊ុន Vietjet ខណៈដែលក្រុមហ៊ុនអាកាសចរណ៍ប្រារព្ធព្រឹត្តិការណ៍ដ៏សំខាន់របស់ខ្លួន ជាមួយអ្នកដំណើរចំនួន ២០០ លាននាក់ ដោយបើកដំណើរការប្រូម៉ូសិនពិសេសរយៈពេលមួយខែ។ ចាប់ពីថ្ងៃនេះរហូតដល់ថ្ងៃទី ១៥ ខែកញ្ញា ឆ្នាំ ២០២៤ អ្នកដំណើរអាចទទួលបានការបញ្ចុះតម្លៃ ២០% (លក្ខខ័ណ្ឌផ្សេងៗត្រូវបានអនុវត្តន៍ និងចំនួនមានកំណត់) តាមផ្លូវហោះហើរ សៀមរាប-ហាណូយ និងជើងហោះហើរទាំងអស់នៅទូទាំងបណ្តាញដ៏ធំទូលាយរបស់ Vietjet ដោយប្រើលេខកូដ VJ200 នៅពេលកក់តាមរយៈ www.vietjetair.com ឬ Vietjet Air កម្មវិធីទូរស័ព្ទ។

ក្នុងសេចក្ដីប្រកាសព័ត៌មានបានឱ្យដឹងទៀតថា ការផ្តល់ប្រូម៉ូសិនពិសេសនេះ ត្រូវបានផ្តល់ជូនសម្រាប់សំបុត្រប្រភេទ Economic និងមានសុពលភាព សម្រាប់ការធ្វើដំណើរចាប់ពីពេលនេះរហូតដល់ថ្ងៃទី ១៥ ខែវិច្ឆិកា ឆ្នាំ ២០២៤។ នេះជាពេលវេលាដ៏ល្អឥតខ្ចោះ ដើម្បីទទួលយកបទពិសោធន៍រដូវស្លឹកឈើជ្រុះដ៏គួរឱ្យគយគន់នៅទូទាំងប្រទេសវៀតណាម និងគោលដៅអាស៊ីផ្សេងទៀត ឬដើម្បីស្វែងយល់ពីនិទាឃរដូវដ៏ស្រស់ស្រាយនៅក្នុងប្រទេសអូស្ត្រាលី។ បច្ចុប្បន្នក្រុមហ៊ុន Vietjet ប្រតិបត្តិការជាង ១៤៩ ផ្លូវ នៅទូទាំងប្រទេសវៀតណាម និងអន្តរជាតិរួមទាំងផ្លូវក្នុងស្រុកចំនួន៣៨ និងផ្លូវអន្តរជាតិចំនួន ១១១ ដែលផ្តល់ជម្រើសដ៏ច្រើនសម្រាប់អ្នកធ្វើដំណើរ​។

សូមជម្រាបជូនថា កាល​ពី​ខែ​ធ្នូ ឆ្នាំ​មុន ក្រុមហ៊ុន​អាកាសចរណ៍​ Vietjet បាន​បន្ថែម​ផ្លូវ​ហោះ​ហើរ​សៀមរាប-ហាណូយ ដោយ​ផ្តល់​ភាព​ងាយ​ស្រួល​ក្នុង​ការ​ចូល​ទៅ​កាន់​តំបន់​ទេសចរណ៍​សំខាន់ៗ​របស់​អាស៊ី៖ ខេត្តសៀមរាប​នៅប្រទេស​កម្ពុជា និង​ទីក្រុង​ហាណូយ​របស់ប្រទេស​វៀតណាម។ ជើង​ហោះ​ហើរ​ទៅ​មក​​រវាង​សៀមរាប​ទៅ​ហាណូយ​ត្រូវ​ចំណាយ​ពេល​តែ ​១​ម៉ោង​និង​៤០​នាទី។ បណ្តាញជើងហោះហើរដ៏ធំទូលាយរបស់ Vietjet ក៏ផ្តល់ជូនអ្នកធ្វើដំណើរ និងអ្នកទេសចរកម្ពុជាងាយស្រួលចូលទៅកាន់គោលដៅអាស៊ីប៉ាស៊ីហ្វិកផ្សេងទៀត រួមទាំង អូស្ត្រាលី ឥណ្ឌា ជប៉ុន កូរ៉េខាងត្បូង ចិន ឥណ្ឌូណេស៊ី សិង្ហបុរី និងប្រទេសជាច្រើនទៀត។

ក្រុមហ៊ុន Vietjet ប្តេជ្ញាជំរុញកងនាវាអាកាសចរណ៍របស់ខ្លួន ជាមួយនឹងការបន្ថែមយន្តហោះថ្មីចំនួន ១០ គ្រឿងដែលគ្រោងនឹងដឹកជញ្ជូននៅពាក់កណ្តាលទីពីរនៅឆ្នាំ ២០២៤ ។ យន្តហោះ ម៉ូដែល A321neo ACF ទាំងនេះ មានសមត្ថភាពកម្រិតខ្ពស់នឹងគាំទ្រដល់ការពង្រីកបណ្តាញហោះហើររបស់ក្រុមហ៊ុនអាកាសចរណ៍ និងបង្កើនបទពិសោធន៍អ្នកដំណើរទាំងក្នុងស្រុក និងផ្លូវអន្តរជាតិ៕