ខ្មែរ
English
ពុំមាននរណាម្នាក់ដែលងាយនឹងទទួលបានជោគជ័យឡើយ ព្រោះជីវិតតែងមានឧបសគ្គ ឬជួបឧបទ្ទេវហេតុដោយចៃដន្យជានិច្ច។ ភាពជោគជ័យ ទាមទារឱ្យមានការរៀបចំជាគម្រោងការ និងផ្តោតទៅលើគម្រោងការនោះជាប់ជានិច្ច។
អព្ភូតហេតុនៃភាពជោគជ័យនៅក្នុងជីវិតរស់មនុស្ស គឺជាជំហានតូចៗដែលបានរៀបចំឡើងដើម្បីឆ្ពោះទៅរកវា និងមានកម្លាំងចិត្តក្នុងការធ្វើវាដោយមិនរុញរារ ហើយខាងក្រោមនេះឡេឌីស៍នឹងបង្ហាញជូនអំពីចំណុចខ្លះៗដែលជួយអ្នកទទួលយកបាននូវជោគជ័យក្នុងកម្រិតមួយខ្ពស់បំផុត ៖
1. ចូរអ្នកសម្លឹងមើលទៅក្នុងកញ្ចក់ អ្នកនឹងមើលឃើញមនុស្សម្នាក់នៅក្នុងនោះដែលគឺជារូបអ្នក រួចប្រាប់ខ្លួនឯងថា មនុស្សម្នាក់ហ្នឹងហើយដែលជាអ្នកទទួលខុសត្រូវចំពោះជោគជ័យផ្ទាល់ខ្លួន។
2. ការគោរពលើភាពវិជ្ជមានរបស់ខ្លួនឯង គឺជាគ្រឹះសម្រាប់ឆ្ពោះទៅរក “ភាពជោគជ័យ”។ អ្នកក៏ត្រូវតែមានអារម្មណ៍ប្រសើរអំពីខ្លួនរបស់អ្នក ព្រមទាំងភាពប៉ិនប្រសព្វរបស់ខ្លួនទាំងសមិទ្ធិកម្ម និងសក្តានុពល។ សូមកុំព្យាយាមដាក់បន្ទោសលើខ្លួនឯងក្នុងករណីមិនទទួលបានសម្ធិផលតាមដែលចិត្តចង់បាន… ត្រូវតែរំឭកសរសើរចំពោះខ្លួនឯងនូវអ្វីដែលអ្នកបានបំពេញបានយ៉ាងល្អកាលពីអតីតកាល។
3. ចូរអ្នកជឿជាក់មកលើខ្លួនឯង ថារូបអ្នកស្ថិតនៅទីនេះដោយមានគោលបំណង និងមានចេតនាពិតប្រាកដ។ អ្នកត្រូវតែស្វះស្វែងគិតរិះរកមធ្យោបាយដល់បេសកកម្មផ្ទាល់ខ្លួន និងចាប់ផ្តើមបំពេញកិច្ចការរបស់អ្នកយ៉ាងពេញលេញ។
4. ត្រូវតែតាំងចិត្តថាមានបំណងចង់ទទួលបានជោគជ័យ ហើយត្រូវប្រាប់ខ្លួឯងជារៀងរាល់ថ្ងៃឱ្យបានច្បាស់លាស់តាំងពីពេលដែលបានកំណត់គោលដៅរួចរាល់។
5. អ្នកក៏ត្រូវតែចូលរួមប្រាស្រ័យទាក់ទងជាមួយបុគ្គលទាំងឡាយដែលគេធ្លាប់ទទួលបានភាពជោគជ័យនៅក្នុងជីវិត ដើម្បីស្វែងយល់អំពីបទពិសោធន៍ និងដំណើរនៃការដោះស្រាយបញ្ហា ក៏ដូចជាការប្រឈមមុខដើម្បីឆ្ពោះដំណើរទៅកាន់គោលដៅជាក់លាក់របស់អ្នក។
6. អ្នកត្រូវចេះចៀសវាងចេញពីមនុស្សដែលមិនដែលទទួលបានភាពជោគជ័យនៅក្នុងឆាកជីវិតទាល់តែសោះ… ដោយធ្វើយ៉ាងណាកុំឱ្យខ្លួនស្ថិតនៅក្នុងការសេពគប់ជាមួយមនុស្សដែលមិនមានគោលដៅនៅក្នុងឆាកជីវិត។ ជនបរាជ័យក្នុងឆាកជីវិតតែងរស់នៅជាមួយនឹងសកម្មភាពអប្រក្រតីរបស់គេ ហើយសកម្មភាពទាំងនោះក៏អាចមានឥទ្ធិពលទាញយកថាមពលរបស់អ្នកដូចគ្នា។
7. អ្នកត្រូវតែធ្វើការកត់ត្រាទុកអំពីគោលដៅ ឬគោលបំណងពិសេសណាដែលអ្នកមានសេចក្តីប៉ងប្រាថ្នានាទីបំផុតនោះ។
