គោលដៅទេសចរណ៍ថ្មី ក្នុងប្រទេសកម្ពុជា

កោះឫស្សី គឺជារមណីយដ្ឋានធម្មជាតិមួយដែលមានសម្រស់ស្រស់ស្អាត ស្ថិតនៅក្នុងខេត្តព្រះសីហនុ។ ដើម្បីទៅដល់កោះមួយនេះ អ្នកត្រូវចំណាយពេល 10-15 នាទីតាមទូកពីច្រាំងដីគោក។

កោះឫស្សី ជាកោះធម្មជាតិមួយ ដែលសំបូរទៅដោយធម្មជាតិពណ៌បៃតងផ្លែឈើផ្កា និងសត្វជាច្រើនប្រភេទរស់នៅ លើដីកោះនេះ។ ជាពិសេស កោះឫស្សីមានឆ្នេរខ្សាច់សដ៏ស្រស់ស្អាត និង ទឹកថ្លាដូចកញ្ចក់គួរឱ្យទាក់ទាញ។

នៅលើកោះដ៏ស្រស់ស្អាតនេះទៀតសោត ក៏មានរមណីយដ្ឋានឯកជនថ្មី ឈ្មោះ “JATI” ដែលអ្នកទេសចរគ្រប់រូបអាចមកទទួលយកនូវបទពិសោធន៍ បែបកោះឯកជន ម៉ាល់ឌីវ ជាមួយនឹងភាព ទាក់ទាញនៃបរិយាកាសទាំងមូលនៅក្នុងរមណីយដ្ឋាន។ JATI មានផ្តល់ជូននូវប្រភេទកូនវីឡាទោល ដែលមានបន្ទប់គេង 2 រហូតដល់ 82 វីឡា វីឡានីមួយៗត្រូវបានរចនាឡើងយ៉ាងប្រណីត មានអាងហែលទឹកផ្ទាល់ខ្លួន និងអមជាមួយម្លប់ដើមឈើជុំវិញ ដែលញ៉ាំងអារម្មណ៍ភ្ញៀវទេសចរគ្រប់រូបទទួលបានភាពស្រស់ស្រាយ បំបាត់រាល់ទុក្ខកង្វល់។

ទន្ទឹមនឹងនោះ នៅក្នុងរមណីយដ្ឋានក៏មានភោជនីយដ្ឋានឯកជន និងកន្លែងកំសាន្តផ្សេងៗ ដូចជា ក្លឹបហាត់ប្រាណ និងស៉្បា ស្ទីមសូណា ក្លឹបកីឡាវាយកូនហ្គោល កូនបាល់ រ៉ាកែត និងវាយសី។ បន្ថែមពីនេះ ក៏មានសកម្មភាពកំសាន្តជាច្រើនទៀត រួមមាន ស្នូកឃឺ ការជិះទូកកំសាន្ត ឬទូកកាយ៉ាក់ និងផ្លូវលំសម្រាប់ដើរលំហែអារម្មណ៍ ឬជិះកង់។ អ្នកក៏អាចអង្គុយកំសាន្តនៅលើឆ្នេរសមុទ្រឯកជនដែលលាតសន្ធឹងប្រវែង 1.2 គីឡូម៉ែត្រ មានម្លប់ដើមឈើប្របមាត់ឆ្នេរ ជាមួយខ្យល់បករំហើយត្រជាក់ប្រាណ។