គ្រូបង្វឹករបស់ Man UTD ប្រាប់ថា Antony ត្រូវពង្រឹងសមត្ថភាពបន្ថែមទៀត ដើម្បីបានឱកាសលេង ជាមួយក្រុមឡើងវិញ

លោក Erik Tang Hag គ្រូបង្វឹករបស់ក្លឹបបីសាចក្រហម Manchester United បាននិយាយថាខ្សែរបំរើរស្លាប Antony ត្រូវតែពង្រឹងសមត្ថភាពខ្លួនឡើងវិញ ទើបរូបគេទទួលបានសិទ្ធិលេងលើទីលានជាមួយនឹងមិត្តរួមក្រុមសារជាថ្មី។

សម្រាប់កីឡាករប្រេស៊ីលរូបនេះ ដែលជាកីឡាករដែលថ្លៃបំផុតទី២ក្នុងប្រវត្តសាស្រ្តរបស់ក្លិបបិសាចក្រហម បន្ទាប់ពីខ្សែបម្រើ Paul Pogba ដោយការផ្ទេរចូលរបស់គេពីក្លិប Ajax ក្នុងឆ្នាំ ២០២២ ដែលមានតម្លៃខ្លួនរហូតដល់ ៨២លានផោនឯណោះ។

ខ្សែបម្រើរូបនេះបានស៊ុតបញ្ចូលទីបានត្រឹមតែ៥គ្រាប់ និង assist ៣ដងប៉ុណ្ណោះក្នុងការបង្ហាញខ្លួន៥៥ប្រកួតនៅ Premier League ហើយកាលពីរដូវកាលមុនបានរួមចំណែកមួយគ្រាប់ និង assist មួយ ខណៈដែល United បានបញ្ចប់ក្នុងចំណាត់ថ្នាក់លេខ៨។

អ្នកចាត់ការ United បានអះអាងថា “គាត់អត់ធ្មត់ គាត់ចង់លេង ប៉ុន្តែនៅក្នុងបាល់ទាត់កំពូលមានច្បាប់។ អ្នកជ្រើសរើសក្រុមដែលមានឱកាសឈ្នះការប្រកួតច្រើនបំផុត ក្រុមដែលមានថាមពលល្អបំផុត គីមីសាស្ត្រល្អបំផុត។ អ្នកលេងត្រូវតែតស៊ូដើម្បីតំណែងរបស់ពួកគេ។ អ្នកលេងផ្សេងទៀតកំពុងធ្វើបានយ៉ាងល្អ ពួកគេកំពុងរួមចំណែក។​ គាត់ត្រូវតែយកឈ្នះពួកគេ គាត់ត្រូវតែទទួលបានសិទ្ធិក្នុងការហ្វឹកហាត់។

Rashford, Garnacho និង Amad បានស៊ុតបញ្ចូលទីទាំងអស់នៅរដូវកាលនេះ ដែលបង្កើនសម្ពាធលើ Antony ដែលត្រូវបានផ្សារភ្ជាប់ជាមួយនឹងក្លិបទួរគី Fenerbahce មុនពេលទីផ្សារដោះដូរកីឡាករបិទ ៕