ជំងឺអង់ត្រាក់ Anthrax (ពិសធ្យូង)

យោងតាមនាយកដ្ឋានប្រយុទ្ធនឹងជំងឺឆ្លង CDC បានឱ្យដឹងថា នៅប្រទេសថៃ ក្នុងខេត្តមុកដាហាន បានរកឃើញវិជ្ជមាននៃជំងឺអង់ត្រាក់ (ពិសធ្យូង) លើមនុស្សចំនួនពីរករណី ហើយក្នុងនោះមានមួយករណីបានស្លាប់ អាយុ៥៣ឆ្នាំ ភេទប្រុស និងម្នាក់ទៀតកំពុងស្ថិតក្នុងការព្យាបាលនៅមន្ទីរពេទ្យ។

Anthrax គឺជាជំងឺឆ្លងមួយប្រភេទដែលបណ្តាលមកពី បាក់តេរី Bacillus Anthracis ។ ការឆ្លងជំងឺនេះគឺបណ្តាលមកពីការបរិភោគសាច់ឆៅ ឬក៏ប៉ះពាល់ផ្ទាល់នឺងប្រភេទសត្វស៊ីស្មៅ ដូចជាគោ ក្របី ដែលមានផ្ទុកបាក់តេរីអង់ត្រាក់។

ជំងឺបង្កឡើងដោយមេរោគបាក់តឹរីនេះមាន 3 ទម្រង់ជំងឺអង់ត្រាក់លើមនុស្ស ៖ ស្បែក (ស្បែក) ដង្ហើមចូល (សួត) និងក្រពះពោះវៀន។ ការព្យាបាលភ្លាមៗជាមួយនឹងថ្នាំអង់ទីប៊ីយោទិច គឺមានសារៈសំខាន់ណាស់សម្រាប់ការរស់រានមានជីវិត ។

រោគសញ្ញានៃជំងឺអង់ត្រាក់

• ទម្រង់ស្បែកខ្លួនប្រាណមានឡើងពងបែកតូចៗ និងមានអាការៈហើមជុំវិញ
• ឈឺទ្រូង
• ដំណកដង្ហើមខ្លីៗ
• ឈឺពោះ ក្អួតចង្អោរ ឬរាករូស
• គ្រុនក្តៅ

វិធីបង្ការការពារ

• ការចាក់ថ្នាំបង្ការជម្ងឺ Anthrax
• ទទួលការការព្យាបាលទាន់ពេលវេលា
• ការប្រើប្រាស់ថ្នាំអង់ទីប៊ីយោទិច Antibiotics និងថ្នាំ Antitoxin
• កុំទទួលទានសាច់សត្វ ដែលស្លាប់នឹងរោគនេះ
• ទទួលទានតែសាច់ឆ្អិនល្អ