ដំណើរកំសាន្តទស្សនកិច្ចទៅកាន់ទីក្រុង “Istanbul”… ប្រទេសទួរគី

Istanbul ជាទីក្រុងធំជាងគេនៃប្រទេសទួរគី ដែលមានប្រជាជនរស់នៅជាង 15លាននាក់ ហើយប្រជាជននៅតែកើនឡើងជាលំដាប់ ព្រោះប្រជាជនដែលនៅជនបទចំណាកស្រុកមកកាន់ទីក្រុងដើម្បីស្វែងរកការងារ។ Istanbul ជាប់ឈ្មោះជាទីក្រុងដ៏ស្អាតមួយក្នុងចំណោមទីក្រុងស្អាតៗជាច្រើននៅក្នុងពិភពលោក ដែលមានភ្ញៀវទេសចរមកពីប៉ែកខាងអឺរ៉ុប និងតំបន់អាស៊ីធ្វើដំណើរកំសាន្តទស្សនកិច្ចយ៉ាងច្រើនកុះករ។

ទីក្រុងមួយនេះ មានទីតាំងភូមិសាស្រ្តល្អ ដែលផ្តល់ជូនដល់ភ្ញៀវទេសចរទាំងអស់នូវទិដ្ឋភាពប្លែកភ្នែក ជាមួយនឹងសម្បត្តិបេតិកភណ្ឌប្រវត្តិសាស្ត្រ និងវប្បធម៌ដ៏សម្បូរបែប ព្រមទាំងរួមបញ្ចូលនូវភាពទំនើបទាន់សម័យផងដែរ។

ភូមិសាស្ត្រទីក្រុង Istanbul ភាគច្រើនជាកំពូលភ្នំ និងតាមបណ្តាផ្នែកជាច្រើនទៀតសុទ្ធតែវិថីចាស់ៗ។ ទីក្រុងនេះលេចចេញនូវកំពូលភ្នំចំនួន 7 និងត្រូវបានហ៊ុំព័ទ្ធដោយទន្លេចំនួន 3 ដោយនេះជាមូលហេតុធ្វើឱ្យ Istanbul ក្លាយទៅជាទីក្រុងដ៏ស្រស់ស្អាតបំផុត។

ទីក្រុង Istanbul ត្រូវបានបែងចែកជា 2 តំបន់ដោយ មានតំបន់ប៉ែកអឺរ៉ុប និងតំបន់ប៉ែកអាស៊ី… កាលណាគេនិយាយអំពីប៉ែកខាងអឺរ៉ុប គឺគេសំដៅទៅលើ ផ្នែកមជ្ឈមណ្ឌលពាណិជ្ជកម្ម និងឧស្សាហកម្មដ៏សំខាន់បំផុតដែលជាទីក្រុងបុរាណ និងព្រះវិហារអ៊ី ដ៏ល្បីល្បាញ ព្រមទាំងព្រះបរមរាជវាំង និងសារមន្ទីរបុរាណ។ ចំណែកឯប៉ែកខាងអាស៊ីវិញ បានរំលេចចេញនូវសំណង់អគារក្បូរក្បាច់រចនាបស្ចឹមប្រទេស ដែលលាតសន្ធឹងតាមជាយក្រុងរហូតដល់តំបន់ស្រុកស្រែ។

ជាមួយនឹងទីតាំងយុទ្ធសាស្ត្រនៅលើឧបទ្វីប Bosphorus រវាង Balkans និង Anatolia… រវាងសមុទ្រខ្មៅ និងសមុទ្រមេឌីទែរ៉ាណេ Istanbul ត្រូវបានផ្សារភ្ជាប់ជាមួយនឹងព្រឹត្តិការណ៍នយោបាយ សាសនា និងសិល្បៈសំខាន់ៗអស់រយៈពេលជាង 2,000 ឆ្នាំមកហើយ។

តាមប្រវត្តិសាស្ត្រទីក្រុង Istanbul បានកកើតមានមុនអគារកំពង់ផែបុរាណ Lygos នៅអំឡុងសតវត្សទី 13 និងសតវត្សទី 11 មុនគ.ស.។ ក្រោយមកត្រូវបានស្គាល់ថាជា Byzantium ហើយបន្តមកទៀត ទីក្រុងមួយនេះក៏បានធ្លាក់ស្ថិតនៅក្រោមការគ្រប់គ្រងរបស់ចក្រភពរ៉ូម និងបានក្លាយជារាជធានីនៃចក្រភពរ៉ូម។

Emperor Constantine ទី1 ហើយត្រូវបានស្គាល់ជា Constantinople។ ក្នុងឆ្នាំ 395 ចក្រភពរ៉ូមបានបំបែកជា ចក្រភពរ៉ូមខាងលិច និងចក្រភពរ៉ូមខាងកើត ដែលមានតំបន់ Constantinople ជារាជធានីចក្រភពរ៉ូមខាងលិច ហើយក៏ត្រូវបានគេហៅឈ្មោះថា Byzandine Empire។