តើការទទួលទានស្រាក្រហម ឬ Red Wine មានអត្ថប្រយោជន៍អ្វីខ្លះ?

តើស្រាក្រហមជាអ្វី?

ស្រាក្រហម គឺជាភេសជ្ជៈដែលមានជាតិអាល់កុល ពណ៌ក្រហមដែលវាផលិតចេញមកពីទំពាំងបាយជូរខ្មៅ។ ស្រាក្រហម មានអត្ថប្រយោជន៍ចំពោះសុខភាពជាច្រើនដែលអ្នកនឹកស្មានមិនដល់ ព្រោះវាមានសារធាតុប្រឆាំងអុកស៊ីតកម្ម ប្រឆាំងនឹងការរលាក ព្រមទាំងមានឥទ្ធិពលក្នុងការគ្រប់គ្រងជាតិខ្លាញ់ក្នុងខ្លួន។ ការសិក្សាមួយចំនួនបានបង្ហាញឱ្យឃើញថា ស្រាក្រហមក៏បានចូលរួមប្រឆាំងនឹងជំងឺមួយចចំនួនដូចជា ៖

• ជំងឺដាច់សរសៃឈាមបេះដូង
• ជំងឺ Atherosclerosis
• ជំងឺលើសឈាម
• ជំងឺមហារីក
• ជំងឺទឹកនោមផ្អែមប្រភេទទី 2

បង្កើនសុខភាពខួរក្បាល

ការសិក្សាជាច្រើនបានបង្ហាញថា ការទទួលទានស្រាក្រហមប្រចាំថ្ងៃ (ក្នុងកម្រិតមធ្យម) អាចជួយការពារជំងឺវង្វេង ជំងឺ Degenerative ជំងឺទាក់ទងជាមួយសរសៃប្រសាទផ្សេងៗទៀត។ ជាការពិត ស្រាក្រហមអាចព្យាបាលការរលាក ការពារជំងឺក្រិនសរសៃឈាម និងការពារការកកឈាម។

ទប់ទល់នឹងភាពអស់កម្លាំង

ស្រាក្រហមមានផ្ទុកនូវសារធាតុ Resveratrol ដែលចម្រាញ់ចេញពីផ្លែទំពាំងបាយជូរ ដោយសារធាតុនេះអាចជួយប្រឆាំងនឹងភាពទន់ខ្សោយនៃរាងកាយ អស់កម្លាំង នឿយហត់ និងស្មារតីស្ពឹកស្រពន់។

ជួយកាត់បន្ថយកូឡេស្តេរ៉ុល

ស្រាក្រហម សម្បូរទៅដោយសារធាតុ Polyphenols ច្រើនក្នុងការទប់ស្កាត់កូឡេស្តេរ៉ុល ហើយវាក៏មានសមត្ថភាពកាត់បន្ថយកំណកកូឡេស្តេរ៉ុលផងដែរ ដោយសារតែកម្រិតខ្ពស់នៃសារធាតុប្រឆាំងអុកស៊ីតកម្

ជួយប្រព័ន្ធសរសៃឈាមបេះដូង

ស្រាក្រហម សម្បូរទៅដោយវីតាមីន E ដែលចួលរួម សម្អាតចរន្តឈាម ការពារការកកឈាម និងការពារជាលិកាសរសៃឈាមផងដែរ។

កាត់បន្ថយហានិភ័យនៃជំងឺមហារីក

ដូចដែលបានបញ្ជាក់រួចមកហើយ ស្រាក្រហមមានផ្ទុកសារធាតុប្រឆាំងអុកស៊ីតកម្ម ហេតុនេះហើយទើបវាមានសមត្ថភាពក្នុងការទប់ស្កាត់ការលូតលាស់នៃកោសិកាមេរោគដែលបណ្តាលឱ្យកើតជំងឺមហារីកផ្សេងៗ រួមមាន មហារីកសុដន់ និងសួត។