តើការប្រើប្រាស់វីតាមីន A កម្រិតណាទើបល្អចំពោះសុខភាព?

តើវីតាមីន A ជាអ្វី?

វីតាមីន A ដែលត្រូវបានគេស្គាល់ថាជាថ្នាំ Retinol ហើយវាគឺជាសារធាតុចិញ្ចឹមដ៏សំខាន់ដែលជួយដល់សុខភាពស្បែក សុខភាពកែវភ្នែក និងសុខភាពបន្តពូជ ព្រមទាំងគ្រប់មុខងារនៃប្រព័ន្ធភាពស៊ាំទាំងអស់ផងដែរ។

តើមានវិធីសាស្រ្តអ្វីក្នុងការទទួលបាន វីតាមីន A?

វីតាមីន A ត្រូវបានគេរកឃើញនៅក្នុងក្រុមអាហារដូចជា ៖
សារធាតុ Retinoids មាននៅក្នុង
• ត្រីសាម៉ុន
• ថ្លើមសាច់គោ
• ផលិតផលទឹកដោះគោ រួមមាន ប៊ឺ និងឈីស
• ស៊ុត
• សាច់ត្រី
• ប្រេងថ្លើម COD និងប្រភេទគ្រឿងសមុទ្រដូចជា បង្គា
សារធាតុ Carotenoids មាននៅក្នុង
• ការ៉ុត
• ប៉េងប៉ោះ
• ដំឡូងផ្អែម
• បន្លែស្លឹកបៃតង
• ផ្លែស្វាយ ផ្លែ apricots និង ផ្លែ plums

តើបរិមាណប៉ុន្មានៃវីតាមីនដែលរាងកាយត្រូវទទួលបាន?

បរិមាណវីតាមីន A សរុបនៃរបបអាហារជាធម្មតាត្រូវបានបង្ហាញជាមីក្រូក្រាម (µg) នៃសមមូល Retinol (RE) ។
ចំពោះមនុស្សពេញវ័យដែលមានអាយុពី 19 ទៅដល់ 64 ឆ្នាំត្រូវការបរិមាណប្រហែល ៖

• 700 μg ក្នុងមួយថ្ងៃសម្រាប់បុរស
• 600 μg ក្នុងមួយថ្ងៃសម្រាប់ស្ត្រី

ចំពោះបរិមាណខាងលើនេះអ្នកគួរតែទទួលបានមកពីការបរិភោគរបបអាហារប្រចាំថ្ងៃ។ ម្យ៉ាងនៅពេលដែលរាងកាយរបស់អ្នកទទួលបានវីតាមីន A វាមិនបានត្រូវការឬប្រើប្រាស់ភ្លាមៗទេ ពោលគឺវាត្រូវបានរក្សាទុកសម្រាប់ការប្រើប្រាស់នាពេលអនាគត… ដូច្នេះហើយទើបអ្នកត្រូវទទួលបានវីតាមីនមួយនេះជារៀងរាល់ថ្ងៃ ដើម្បីទ្រទ្រង់សុខភាពនាថ្ងៃខាងមុខ។

តើនឹងមានអ្វីកើតឡើង ប្រសិនបើអ្នកទទួលទានវីតាមីន A ច្រើនពេក?

ការស្រាវជ្រាវមួយចំនួនបានបង្ហាញថា ការទទួលទានវីតាមីន A ច្រើនជាងជាមធ្យមភាគ 1.5 mg (1,500 μg) ក្នុងមួយថ្ងៃ ក្នុងអំឡុងរយៈពេលជាយូរឆ្នាំអាចបង្កឱ្យមានផលប៉ះពាល់ធ្ងន់ធ្ងរដល់សុខភាពឆ្អឹងរបស់អ្នក ហើយធ្វើឱ្យឆ្អឹងងាយនឹងប្រេះស្រាំនៅពេលវ័យអ្នកកាន់តែជ្រេទៅតាមអាយុ។