ខ្មែរ
English
ផ្លែឈើទាំងអស់សុទ្ធសឹងតែមានអត្ថប្រយោជន៍ដល់សុខភាព ផ្តល់វីតាមីនច្រើន សម្បូរជាតិសរសៃ និងប្រឆាំងនូវសារធាតុអុកស៊ីតកម្ម។ ផ្លែឈើកំពូលៗមួយចំនួនរួមមាន ប៊្លូបឺរី ស្ត្របឺរី ក្រូច ផ្លែបឺរ និងផ្លែប៉ោម។ ផ្លែឈើទាំងនេះរួមចំណែកដល់សុខភាពបេះដូង ការរំលាយអាហារ ការគ្រប់គ្រងទម្ងន់ និងសុខភាពស្បែក។
ផ្លែប៊្លូបឺរី ផ្តល់អត្ថប្រយោជន៍ជាច្រើនដល់សុខភាព ដោយសារតែវាសារធាតុប្រឆាំងអុកស៊ីតកម្មខ្ពស់ ប្រភពដ៏សម្បូរបែបនៃសារធាតុចិញ្ចឹម។ ផ្លែប៊ឺរីត្រុវបានគេស្វែងរកនូវអត្ថប្រយោជន៍ជាថ្រើនរួមមាន ជំនួយសុខភាពល្អបេះដូង សុខភាពខួរក្បាល និងមានឥទ្ធិពលប្រឆាំងនឹងជំងឺមហារីកដែលអាចកើតមាន។ ផ្លែឈើប្រភេទនេះក៏រួមចំណែកដល់ប្រព័ន្ធរំលាយអាហារ និងជួយគ្រប់គ្រងកម្រិតជាតិស្ករក្នុងឈាមផងដែរ។
ការសិក្សាស្រាវជ្រាវមួយបង្ហាញថា ការទទួលទាន ផ្លែស្ត្របឺរី អាចជួយកាត់បន្ថយកម្រិតជាតិស្ករក្នុងឈាម ជំនួយខួរក្បាល ការពារពីជម្ងឺមហារីក ជាពិសេសនៅពេលទទួលទាន ២ ម៉ោងមុនពេលបរិភោគអាហារ។ លើសពីនេះ សារធាតុ Anthocyanins នៅក្នុងផ្លែស្ត្របឺរីអាចកាត់បន្ថយការរលាកពីផ្នែកណាមួយនៃសរីរាង្គ ប្រឆាំងសារធាតុអុកស៊ីតកម្ម និងអាំងស៊ុយលីន ដែលជាកត្តានាំមកនូវហានិភ័យទាំងអស់ចំពោះអ្នកមានជំងឺទឹកនោមផ្អែមប្រភេទទី 2 ។
ផ្លែក្រូច ផ្តល់អត្ថប្រយោជន៍ជាច្រើនចំពោះសុខភាព ដោយសារសម្បូរជាតិវីតាមីនC សារជាតិដែកច្រើន និងសម្បូរជាតិសរសៃដែលជួយប្រឆាំងសារធាតុអុកស៊ីតកម្ម។ អត្ថប្រយោជន៍ទាំងនេះរួមមាន បង្កើនប្រព័ន្ធការពាររាងកាយ ជួយដល់ការផលិតខូឡាជែនសម្រាប់សុខភាពស្បែក លើកកម្ពស់ប្រព៏ន្ធរំលាយអាហារ និងកាត់បន្ថយហានិភ័យនៃជំងឺរ៉ាំរ៉ៃ។ ផ្លែក្រូចក៏រួមចំណែកដល់សុខុមាលភាពទូទៅដោយផ្តល់សារធាតុចិញ្ចឹមសំខាន់ៗដូចជាប៉ូតាស្យូម ហ្វូឡាត និងវីតាមីនអា។
ផ្លែបឺរ គឺជាប្រភពនៃសារធាតុចិញ្ចឹមសំខាន់ៗ រួមទាំងខ្លាញ់ដែលមានសុខភាពល្អ និងជាតិសរសៃផងដែរ។ ពួកវាក៏មានសមាសធាតុប្រឆាំងនឹងការរលាក និងប្រឆាំងអុកស៊ីតកម្ម ហើយអាចជួយកាត់បន្ថយហានិភ័យនៃជំងឺបេះដូង។ ផ្លែបឺរ មានជីវជាតិច្រើននិងឆ្ងាញ់ ទើបក្លាយជាប្រភេទអាហារសំខាន់ក្នុងផ្ទះបាយ ដែលខ្វះមិនបាន។
ផ្លែប៉ោម ផ្តល់នូវអត្ថប្រយោជន៍ជាច្រើនចំពោះសុខភាព ដោយសារសម្បូរសារធាតុសរសៃខ្ពស់ និងសារធាតុចិញ្ចឹមផ្សេងៗទៀត ដើម្បីប្រយុទ្ធប្រឆាំងអុកស៊ីតកម្ម។ ពួកគេអាចជួយក្នុងការគ្រប់គ្រងទម្ងន់ ជំនួយដល់ប្រព័ន្ធរំលាយអាហារឲ្យដំណើរការល្អ កាត់បន្ថយកូឡេស្តេរ៉ុល កាត់បន្ថយហានិភ័យនៃជំងឺមហារីកមួយចំនួន និងអាចជួយដល់សុខភាពខួរក្បាល និងបេះដូង។
