ខ្មែរ
English
Gemstone Facial Roller គឹជាឧបករណ៍ថែរក្សាសម្រស់ធ្វើពីថ្មធម្មជាតិ ហើយត្រូវបានគេប្រើប្រាស់នៅក្នុងឱសថបុរាណចិនតាំងពីសតវត្សទី 7 មកម្លេះ។
ពួកវាត្រូវបានផលិតឡើងដោយថ្មធម្មជាតិដូចជា Jade ឬ Rose Quartz… វាអាចជួយជម្រុញដល់លំហូរឈាម បន្ធូរភាពតានតឹងនៃស្បែក កាត់បន្ថយការហើម និងពន្លឿនការជ្រាបចូលបៃផលិតផលថែរក្សាស្បែកស្រូបយកបានកាន់តែមានប្រសិទ្ធភាព។
ការម៉ាស្សាមុខដោយប្រើថ្មរំលីងផ្តល់អត្ថប្រយោជន៍ជាច្រើន ហើយវាក៏ជាការបន្ធូរអារម្មណ៍ផងដែរ រួមមានទាំងការដោះស្រាយបញ្ហារង្វង់ភ្នែកខ្មៅ ផ្តល់នូវសភាពស្បែកភ្លឺថ្លា កាត់បន្ថយការរលាក និងបំបាត់បញ្ហាថ្ពាល់ហើម។ ម្យ៉ាងទៀតការម៉ាស្សាមុខដោយ Gemstone Facial Roller អាចជម្រុញប្រព័ន្ធឡាំហ្វាទិច និងលំហូរឈាមដំណើរការបានរលូន វាក៏កម្រិត Cortisol ទាប ដែលជួយពន្យឺតភាពចាស់នៃស្បែក។
អ្នកអាចម៉ាស្សាមុខជាមួយ Gemstone Facial Roller រយៈពេល 5 នាទីជារៀងរាល់ថ្ងៃ ដើម្បីទទួលបានរូបរាងផ្ទៃមុខដ៏ស្រស់ស្អាត និងប្រកបដោយប្រសិទ្ធិភាពខ្ពស់។
របៀបក្នុងការជ្រើសរើស Gemstone Facial Roller
ជាទូទៅបំផុត វាមាន 2 ប្រភេទគឺ ៖ Rose Quartz និង Jade ដោយ Rose Quartz មានពណ៌ផ្កាឈូក រីឯ Jade មានពណ៌បៃតង… ប្រភេទទាំង 2 នេះមានលក្ខណៈ និងឥទ្ធិពលផ្សេងពីគ្នា។
ថ្ម Jade មានប្រសិទ្ធភាពខ្ពស់ក្នុងការកាត់បន្ថយ និងប្រឆាំងការបញ្ហារលាកលើស្បែក។ ផ្ទុយទៅវិញ ថ្ម Rose Quartz មានសមត្ថភាពចូលរួមកាត់បន្ថយភាពតានតឹងនៃស្បែក ដូច្នេះ ប្រសិនបើអ្នកចង់បានថ្មដែលអាចរក្សាសីតុណ្ហភាពបានយូរ សូមជ្រើសរើសប្រើ Rose Quartz។
អត្ថប្រយោជន៍នៃ Gemstone Facial Roller
• ពង្រឹងសាច់ដុំមុខ
• ជម្រុញការបន្សាបជាតិពុលដោយការបង្ហូរឡាំហ្វាទិច
• ជំនួយការស្រូបយកផលិតផលថែរក្សាសម្រស់
• កាត់បន្ថយការហើមក្រោមភ្នែក និងរង្វង់ភ្នែកខ្មៅ
• ធ្វើអោយអារម្មណ៍ស្រស់ថ្លា ស្បែកទន់រលោង
• កែលម្អរូបរាងនៃស្បែកឱ្យកាន់តែមានសភាពល្អ
• កាត់បន្ថយអាការហើមមុខ
