ទម្លាប់រស់នៅទាំង 6 របស់ជនជាតិជប៉ុន អាយុយឺនយូរ និងពោរពេញដោយក្តីសុខ

1. ស្វែងយល់អំពី “IKIGAI” ផ្ទាល់ខ្លួន

តើ “IKIGAI” ជាអ្វី?

IKIGAI គឺជាគំនិតរបស់ជនជាតិជប៉ុន ដែលតំណាងឱ្យចំណុចប្រសព្វនៃធាតុជាមូលដ្ឋានចំនួន 4 រួមមាន ៖
• ស្វែងយល់អំពីអ្វីដែលខ្លួនស្រឡាញ់ ចូលចិត្ត និងចង់ធ្វើវា (Passion)
• ស្វែងយល់អំពី ជំនាញ វិជ្ជាជីវៈ ទេពកោសល្យ និងភាពខ្លាំងរបស់ខ្លួន (Vocation)
• ស្វែងយល់អំពីតម្រូវការរបស់សង្គម និងពិភពលោកទាំងមូល (Mission)
• ស្វែងយល់អ្វីដែលអ្នកអាចធ្វើបាន ដើម្បីរកប្រាក់ចំណូលប្រចាំថ្ងៃ (Profession)

ចូរសួរខ្លួនឯងនូវសំណួរទាំង 4 ខាងក្រោមនេះ ៖

• តើខ្ញុំស្រលាញ់អ្វី?
• តើខ្ញុំពូកែខាងអ្វី?
• តើពិភពលោកត្រូវការអ្វីពីខ្ញុំ?
• តើខ្ញុំអាចទទួលបានប្រាក់ចំណូលអ្វីខ្លះ?

2. សន្សឹមៗ កុំបំបោល!

បំពេញការងារ តាមសមត្ថភាព.. កុំព្យាយាមបង្ខំ ឬដាក់សម្ពាធលើខ្លួនឯងខ្លាំងពេក
អ្នកត្រូវឆ្លៀតពេលសម្រាក និងព្រមរីករាយជាមួយអ្វីដែលអ្នកមានរាល់ថ្ងៃ មានសេចក្តីអំណរសាទរ បើទោះបីវាជាការសម្រេចនូវបំណងប្រាថ្នាតូចតាចក្នុងជីវិតក៏ដោយ។

3. កុំចម្អែតក្រពះរបស់អ្នកជ្រុល

ចម្អែតក្រពះត្រឹម 80% បានហើយ កុំទទួលទានអាហារទាល់តែហល់ខ្លាំង

សាកល្បងតិចនិកនេះ ៖
• ទទួលទានអាហារយឺតៗ
• ផ្តោតសំខាន់លើអាហារ
• ហាន់ជាចំណិតតូចៗ ងាយស្រួលទទួលទាន

4. មានកល្យាណមិត្តល្អ

កល្យាណមិត្តអាចជះឥទ្ធិពលដល់ផ្លូវចិត្ត ជាងគ្រួសារ ព្រោះពួកគេតែងចំណាយពេលនៅក្បែរគ្នា ដូច្នេះហើយ សូមអនុញ្ញាត្តឱ្យខ្លួនឯង ហ៊ុំព័ទ្ធដោយកល្យាណមិត្តដែលមានសណ្តានចិត្តល្អៗ នាំមកនូវផលវិជ្ជមានចូលក្នុងជីវិត។
គន្លឹះសំខាន់នោះ គឺមានកល្យាណមិត្តល្អ 3 ឬ 4 នាក់ ដែលអាចមើលថែគ្នាទៅវិញទៅមក។

5. ចូរញញឹមឱ្យបានច្រើន

អាថ៌កំបាំងដ៏សំខាន់នៃអាយុយឺនយូរ រស់នៅដោយមានក្តីសុខនោះ គឺ ការញញឹម។
អាកប្បកិរិយារីករាយ គឺពិតជាសំខាន់ មនុស្សដែលស្នាមញញឹមមើលទៅគួរឱ្យទុកចិត្ត ហើយត្រូវបានគេវាយតម្លៃនៅឋានៈខ្ពស់ចំផុតក្នុងចិត្តសប្បុរស ស្រស់ថ្លា។

6. មានទំនាក់ទំនងជាមួយធម្មជាតិ

ប្រាស្រ័យទាក់ទងជាមួយបរិយាកាសធម្មជាតិឱ្យបានច្រើន… អ្នកអាចដាំសួនផ្កាជុំវិញផ្ទះ ដាំដំណាំរុក្ខជាតិបន្តិចបន្តួច រស់នៅក្នុងបរិយាកាសធម្មជាតិស្ងប់ស្ងាត់ ដើម្បីបង្កើតអារម្មណ៍វិជ្ជមាន និងផ្តល់សេចក្តីសុខដល់ផ្លូវចិត្ត។