ទស្សនៈវិទូដ៏ល្បី ជនជាតិឥណ្ឌា ដឹកនាំគណៈប្រតិភូអន្តរជាតិ ១៣០នាក់ មកទស្សនាប្រាសាទអង្គរត្ត

កាលពីពេលថ្មីៗនេះ ឯកឧត្តម  សុខ សុខេន រដ្ឋមន្ត្រីក្រសួងទេសចរណ៍ បានទទួលបដិសណ្ឋារកិច្ចយ៉ាងកក់ក្តៅចំពោះលោកសាស្ដ្រាចារ្យ Sadhguru ដែលជាទស្សនៈវិទូជនជាតិឥណ្ឌាដ៏ល្បីល្បាញទូទាំងពិភពលោក និងជាប្រធានមូលនិធិ ISHA Foundation នៃប្រទេសឥណ្ឌា។ លោកសាស្រ្តចារ្យ  Sadhguru ដែល​បាន​បង្រៀនផ្នែក​យូហ្គា ​តាំងពី​ឆ្នាំ ១៩៨២ ដោយលោកបាន​ដឹកនាំ​គណៈប្រតិភូ​អន្តរជាតិ​ប្រមាណ ១៣០ នាក់ ​មក​ទស្សនា​ប្រាសាទ​អង្គរវត្ត​ និងសម្រាប់ធ្វើយូហ្គា ​នៅក្នុង​ប្រទេស​កម្ពុជា។

មូលនិធិ ISHA Foundation របស់លោកស្ត្រាចារ្យ Sadhguru ត្រូវបានបង្កើតឡើងក្នុងឆ្នាំ ១៩៩២ ហើយសម្រាប់នៅក្នុងដំណើររបស់ការមជ្ឈមណ្ឌល អារាម (ashram) និង យូហ្គា(Yoga) ដែលបានអនុវត្តទៅលើសកម្មភាពអប់រំ និង ខាងវិញ្ញាណ។ លោកសាស្រ្តចារ្យ Sadhguru ក៏ជាអ្នកនិពន្ធសៀវភៅដ៏ល្បីឈ្មោះដែលបានលក់ដាច់បំផុតរបស់ New York Times ផងដែរ រួមមានដូចជា Inner Engineering, A Yogi’s Guide to Joy and Karma and A Yogi’s Guide to Crafting Your Destiny, និងមានសៀវភៅជាច្រើនទៀតដែលលោកបាននិពន្ធ។ ហើយលោកសាស្ត្រចារ្យ ក៏បានឡើងនិយាយនៅក្នុងវេទិកាអន្តរជាតិជាញឹកញាប់ផងដែរ។

សម្រាប់ យូហ្គា (Yoga) ដែលត្រូវបានអនុវត្តន៍យ៉ាងទូលំទូលាយនៅក្នុងប្រទេសកម្ពុជា ហើយដំណើរទស្សនកិច្ចរបស់ លោកស្ត្រាចារ្យ Sadhguru គឺដើម្បីរៀបចំព្រឹត្តិការណ៍សមាធិ Mystic Musing ដែលប្រព្រឹត្តទៅកាលពីថ្ងៃទី ២៧-២៩ ខែមេសា ឆ្នាំ២០២៤ នៅខេត្តសៀមរាប។​ លោកត្រូវបានជាប់ឈ្មោះជាបុគ្គលដែលមានឥទ្ធិពលបំផុតទាំង ៥០ របស់ប្រទេសឥណ្ឌា ផងដែរ។

លោកសាស្រ្តាចារ្យ Sadhguru ត្រូវ​បាន​គេ​ស្គាល់​ថា ចំពោះ​សមត្ថភាព​ពិសេស​របស់​គាត់​ក្នុង​ការ​ធ្វើ​ឱ្យ​វិទ្យាសាស្ត្រ​យោគ​បុរាណ​ទាក់ទង​នឹង​ចិត្ត​សហសម័យ ដោយ​ដើរតួ​ជា​ស្ពាន​ឆ្ពោះ​ទៅ​កាន់ការវិវត្តន៍​ដ៏​ជ្រៅ​នៃ​ជីវិត។ វិធីសាស្រ្តរបស់គាត់មិនសំដៅលើប្រព័ន្ធជំនឿណាមួយទេ ប៉ុន្តែផ្តល់នូវវិធីសាស្រ្តសម្រាប់ការផ្លាស់ប្តូរខ្លួនឯងដែលបានបង្ហាញឱ្យឃើញច្បាស់ពីសក្តានុពលនៃការគ្រប់គ្រងចិត្តរបស់ខ្លួនឯង។

ការបង្រៀនរបស់គាត់ គឺសម្រាប់ឲ្យបុគ្គលខ្លួនឯងនឹកគិតដល់សុខុមាលភាពផ្លូវកាយ ផ្លូវចិត្ត និងខាងវិញ្ញាណរបស់មនុស្ស។

លោកសាស្រ្តចារ្យ Sadhguru ត្រូវបានគេស្គាល់សម្រាប់ទស្សនវិស័យតែមួយគត់ដែលគាត់ប្រកាន់ក្នុងដំណើរជីវិតរបស់គាត់នោះ គឺការធ្វើការដើម្បីកែលម្អសុខុមាលភាពផ្លូវកាយ ផ្លូវចិត្ត និងខាងវិញ្ញាណរបស់មនុស្ស។ គំនិតរបស់គាត់បែបនេះហើយ ដែលបានបំផុសនូវចំណាប់ចាប់អារម្មណ៍ នឹងការយកចិត្តទុកដាក់ គិតគូរ ពីមនុស្សជាច្រើនក្នុងពិភពលោក។