នារីជនបទ និងជាអ្នកផលិតមាតិកាបណ្ដាញសង្គម ឆម ស្រីផាច បានកាដូខ្សែកពេជ្រពីព្រះនាងតូច ជេនណា

ឆម ស្រីផាច ដែលគេស្គាល់ថាជាអ្នកផលិតមាតិការវីដេអូល្បីឈ្មោះមួយរូបនៅលើបណ្ដាញសង្គម មានវាសនាខ្ពស់ ក្រោយទទួលការរាប់អាន និងកាដូជាខ្សែកពេជ្រ១ខ្សែពីព្រះនាងតូច នរោត្តម ជេនណា។

រឿងនេះបានល្បីខ្ទរខ្ទារនៅលើបណ្ដាញសង្គម ដោយប្រិយមិត្តរាប់ពាន់នាក់បានធ្វើការចែករំលែកបន្តគ្នា ក្នុងនោះពួកគេលើកសរសើរព្រេងវាសនាកញ្ញា ឆម ស្រីផាច ដែលជានារីជប៉ុនម្នាក់ តែទទួលបានមហាកិត្តិយសពីព្រះនាងតូចម្ដងហើយម្ដងទៀត។

ទំនាក់ទំនងរបស់សែស្រឡាយរាជវង្ស និងរាស្ត្រសាមញ្ញ បានផ្ទុះឡើងនៅប្រមាណ៣សប្ដាហ៍មុន បន្ទាប់ពីព្រះនាងតូចបង្ហាញខ្លួនចុះទៅលេងកញ្ញា ឆម ស្រីផាច ដល់ទីជនបទដែលជាកន្លែងកំណើតរបស់កញ្ញាតែម្ដង។

អ្នកទាំងពីរបានលេងកម្សាន្ត និងបង្កើតអនុស្សាវរីយ៍ជាមួយគ្នាយ៉ាងច្រើន ដូចជាជិះកង់ឌុបគ្នាដើរលេង ធ្វើអាហារទទួលទានជាមួយគ្នាជាដើម។ ថ្មីៗនេះទៀតសោត គេឃើញនារីជនបទ ឡើងមកជួបព្រះនាងតូច ជេនណា នៅរាជធានីម្ដង។

ចំណុចគួរកត់សម្គាល់ ដំណើររបស់ ស្រីផាច មកកាន់ដីរាជធានី ត្រូវបានរៀបចំដោយជើងហោះហើរមួយដែលចាត់ចែងដោយព្រះនាងតូចថែមទៀត។ ចុងក្រោយនេះ អ្នកទាំងពីរបានជួបគ្នាផ្ទាល់ ក្នុងបរិយាកាសដ៏សែនរីករាយ ពិសេស គឺនារីជនបទទទួលបានអំណោយជាខ្សែកពេជ្រមួយខ្សែពីមិត្តភ័ក្ដិខ្សែរាជវង្ស។

ប្រិយមិត្តជាច្រើន បាន និងកំពុងចូលរីករាយចំពោះចំណងមិត្តភាពនេះ និងថាពួកគេមើលទិដ្ឋភាពនេះ ពេញដោយស្នាមញញឹម៕