បង្ហាញម៉ូត កម្មវិធី Cruise 2025 គឺជាសំបុត្រស្នេហ៍ ផ្ញើទៅកាន់ទីក្រុងឡុងដ៍

Sabato De Sarno ត្រលប់ទៅប្រភពដើមនៃផ្ទះម៉ូដដែលត្រូវបានបង្កើតឡើងនៅដើមសតវត្សទី 20 ដោយ Guccio Gucci ។

 

គ្រប់​គ្នា​ដឹង​ថា Gucci ជា​ផ្ទះ​ម៉ូដ​អ៊ីតាលី ប៉ុន្តែ​តាម​ពិត ឫស​របស់​វា​បាន​ដុះ​ពន្លក​នៅ​ទីក្រុង​ឡុងដ៍ឯណោះទេ។ ខណៈពេលដែលស្ថាបនិក Guccio Gucci បានបើកហាង G. Gucci & Co ដំបូងរបស់គាត់នៅឆ្នាំ 1921 ពេលដែលគាត់មានអាយុ 40 ឆ្នាំនៅទីក្រុង Florenceនោះ Guccio ធ្លាប់និយាយទៅកាន់កូនរបស់គាត់ថា មូលដ្ឋានគ្រឹះនៃ Gucci មានអាយុកាលជាងពីរទសវត្សរ៍។

នៅពេលអាយុ 16 ឆ្នាំប្រឆាំងនឹងបំណងប្រាថ្នារបស់គ្រួសាររបស់គាត់ Guccio បានទៅទីក្រុងឡុងដ៍។ គាត់​គ្មាន​លុយ ហើយ​មិន​ចេះនិយាយ​ភាសា​អង់គ្លេសទៀត។ ទោះ​ជា​យ៉ាង​ណា គាត់​បាន​រក​ឃើញ​ការងារ​ជា​អ្នក​បើក​ទ្វារ​នៅ​សណ្ឋាគារ Savoy ។

 

នៅកន្លែងនោះហើយ ជាកន្លែងដំបូងគេដែលបានសាងសង់នៅទីក្រុងឡុងដ៍ ហើយជាកន្លែងដែល Guccio ជួបជាមួយពួកអភិជន និងសិល្បករ អ្នកចម្រៀងអូប៉េរ៉ា និងប្រធានក្រុមនៃឧស្សាហកម្មម៉ូតជាច្រើន។

 

ដោយសិក្សាពីរបៀបរស់នៅរបស់មនុស្សទាំងនេះ គាត់មិនត្រឹមតែអាចបង្កើតវត្ថុដែលប្រើប្រាស់បានយូរ និងសម្របតាមតម្រូវការរបស់ពួកគេប៉ុណ្ណោះទេ ប៉ុន្តែថែមទាំងបង្កើតវត្ថុដែលមានលក្ខណៈពិសេសផ្ទាល់ខ្លួន និងលេខកូដសោភ័ណភាពច្បាស់លាស់ផងដែរ។

 

“យើងនឹងតែងតែមានទីក្រុងឡុងដ៍” អានចំណងជើងនៃកម្មវិធីបង្ហាញម៉ូដ Gucci’s Cruise 2025 គឺការវិលត្រឡប់ទៅកាន់រដ្ឋធានីអង់គ្លេស។ នេះជាអ្វី ដែលជាការចង់បានយ៉ាងខ្លាំងបំផុតរបស់ នាយកច្នៃប្រឌិត Sabato De Sarno។

 

តស់ ឥឡូវទៅមើល Collection ភ្ជាប់អនុស្សាវរីយ៍ជាមួយទីក្រុងឡុងដ៍ របស់ Sabato De Sarno ទាំងអស់គ្នា៖