បណ្តុំអាហារសម្រាប់សុខភាពថ្លើមទាំង 7 ដែលអ្នកគួរបង្កើនការបរិភោគជាប្រចាំ

ថ្លើមពិតជាមានសារសំខាន់ណាស់នៅក្នុងរាងកាយមនុស្សយើង ព្រោះវាបានដើរតួនាទីក្នុងការបំបែកកាបូអ៊ីដ្រាត កម្ចាស់ជាតិពុល និងបង្កើតគ្លុយកូស។ ប្រសិនបើថ្លើមដំណើរការមិនប្រក្រតី ឬចុះខ្សោយ អ្នកអាចនឹងប្រឈមជាមួយជំងឺរ៉ាំរ៉ៃរួមមាន បញ្ហារំលាយអាហារ និងជំងឺទឹកនោមផ្អែមទី 2 ជាដើម។ ដូច្នេះដើម្បីឲ្យថ្លើមមានសុខភាពល្អ យើងត្រូវត្រួតពិនិត្យទៅលើរបបអាហារប្រចាំថ្ងៃ ហើយទាំងនេះគឺជាអាហារដែលអ្នកគួរទទួលទានក្នុងការទទួលបានសុខភាពថ្លើមល្អ ៖

1. កាហ្វេ

ការសិក្សាបានបង្ហាញ កាហ្វេពិតជាមានអត្ថប្រយោជន៍ដល់សុខភាពថ្លើម ហើយការផឹកកាហ្វេរាល់ថ្ងៃអាចកាត់បន្ថយហានិភ័យជំងឺថ្លើមរ៉ាំរ៉ៃ និងជួយការពារថ្លើមពីការខូចខាត។ ម៉្យាងទៀតកាហ្វេអាចកាត់បន្ថយការកើនឡើងជាតិខ្លាញ់ក្នុងថ្លើម និងបង្កើនសារធាតុប្រឆាំងអុកស៊ីតកម្មក្នុងថ្លើម ហើយសមាសធាតុក្នុងកាហ្វេក៏អាចជួយអង់ស៊ីមថ្លើមក្នុងការកំចាត់សារធាតុបង្កមហារីកដែរ។

2. តែបៃតង

តែបៃតងអាចជួយកាត់បន្ថយជាតិខ្លាញ់ ប្រឆាំងនឹងអាការៈ Oxidative Stress និងបន្ថយរោគសញ្ញាផ្សេងៗនៃជំងឺខ្លាញ់រុំថ្លើម។

3. ខ្លាញ់ត្រី

ការទទួលទានត្រីដែលមានខ្លាញ់ច្រើនសម្បូរអាស៊ីតខ្លាញ់អូមេហ្គា ជាខ្លាញ់ល្អអាចជួយបន្ថយការរលាកថ្លើម ការពារមិនឲ្យកើនជាតិខ្លាញ់ក្នុងថ្លើម និងរក្សាកម្រិតអង់ស៊ីមក្នុងថ្លើម។

4. ប្រេងអូលីវ

ការបន្ថែមប្រេងអូលីវទៅក្នុងរបបអាហារប្រចាំថ្ងៃក៏អាចចូលរួមកាត់បន្ថយអាការ Oxidative Stress និងជួយដំណើរថ្លើមឲ្យប្រសើរជាងមុន។

5. ខ្ទឹមស

ការបន្ថែមខ្ទឹមសទៅក្នុងរបបអាហារក៏អាចជួយដល់ថ្លើម។ ការសិក្សាមួយបង្ហាញថាការញ៉ាំខ្ទឹមសអាចសម្រកទម្ងន់ និងបន្ថយជាតិខ្លាញ់នៃអ្នកមានជំងឺខ្លាញ់រុំថ្លើមមិនមែនដោយសារការផឹកស្រា។ នេះដោយសារតែជំងឺខ្លាញ់រុំថ្លើមមិនមែនដោយសារការផឹកស្រាបង្កដោយការធាត់ជ្រុល។

6. ផ្លែបឺរី

ពពួកផ្លែបឺរី រួមមាន Blueberry, Raspberry និងCranberry ព្រោះវាមានផ្ទុកសារធាតុប្រឆាំងអុកស៊ីតកម្ម “Polyphenols” ដែលអាចការពារថ្លើមពីការខូចខាត។

7. ផ្លែក្រូចថ្លុង

ដោយវាមានផ្ទុកនូវសារធាតុប្រឆាំងអុកស៊ីតកម្ម Naringin និងNaringenin ក្នុងការជួយការពារថ្លើម បន្ថយការរលាកថ្លើម និងការពារកោសិកាថ្លើម។ សារធាតុទាំងនេះក៏អាចកាត់បន្ថយការកើននៃខ្លាញ់ក្នុងថ្លើម និងបង្កើនអង់ស៊ីមដុតបំផ្លាញជាតិខ្លាញ់។