ខ្មែរ
English
Rolex Day-Date 40 in white gold, with mother-of-pearl dial and baguette diamond indexes
Rolex ត្រូវបានគេស្គាល់ថាជាក្រុមហ៊ុនផលិតនាឡិកាដៃដ៏ប្រណីត និងអស្ចារ្យបំផុត ហើយមានតម្លៃខ្ពស់ជាអតិបរមានៅលើសាកលលោកសមស្របទៅនឹងគុណភាពនៃផលិតផល។ នៅក្នុងឆ្នាំ 2024 Rolex បានចេញដាក់លក់នូវម៉ូតនាឡិកាដៃថ្មីមួយគ្រឿង ដែលផលិតឡើងអំពីមាសពណ៌ស 40mm Day-Date រួមបញ្ចូលនូវសារធាតុទាំងបី (លំនាំពពក ត្បូង ទម្រង់នៃសន្ទស្សន៍ពេជ្រ Baguette) ដែលជានាឡិកាដៃគុជខ្យងគួរឱ្យទាក់ទាញជាទីបំផុត។
Bulgari Octo Finissimo Ultra 2024
នេះគឺជាប្រភេទនាឡិកាដៃដែលមានទំហំស្ដើងបំផុតនៅលើពីភពលោក វាមានកម្រាស់ 1.7mm ហើយនេះគឺត្រូវបានបញ្ជាក់យ៉ាងច្បាស់ដោយ Contrôle officiel suisse des Chronomètres (COSC) ។ Bulgari អស្ចារ្យបំផុតដែលអាចផលិតណាឡិកាដៃដ៏ប្រណីតមួយគ្រឿងដែលអ្នកអាចធ្វើការពាក់ជាប្រចាំថ្ងៃបាន ហើយវាក៏ជានាឡិកាតែមួយគត់ដែលបង្កប់ខ្សែដៃរួមបញ្ចូលគ្នា។
Jaeger-LeCoultre Doumetrè Chronograph Moon
Jaeger-LeCoultre បានត្រឡប់មកបង្ហាញខ្លួក្នុងឆ្នាំ 2024 ជាមួយ Collection ថ្មីដ៏អស្ចារ្យ ដែលម៉ូតនាឡិកាដៃជាទម្រង់ជាក្បាលបំពង់ស៊ីឡាំង ទាក់ទាញគួរឱ្យចង់គយគន់យ៉ាងខ្លាំង។ នៅផ្នែកខាងក្នុងកញ្ចក់ក៏មានបង្កប់នូវរង្វង់ចំនួនបីកន្លែង បានបែងចែកយ៉ាងច្បាស់រវាង “ម៉ោង ទិស នាទី” ។
Van Cleef & Arpels Lady Arpels Brise d’Eté
Van Cleef & Arpels បានឆ្លាក់លក្ខណៈពិសេសផ្ទាល់ខ្លួនរបស់ខ្លួនក្នុងការផលិតនាឡិកាដៃជាមួយនឹង Poetic Complications ផ្តោតលើការបង្កើតអារម្មណ៍តាមរយៈការរួមបញ្ចូលគ្នាដ៏អស្ចារ្យនៃ Artisan Craftsmanship និង automatons ។ អមជាំមួយ Collection ថ្មីក្នុងឆ្នាំ 2024 នេះ ក្រុមហ៊ុននាឡិកាដៃដ៏ប្រណីតមួយនេះ បានបញចេញម៉ូតថ្មីដោយមានបំផុសរូបផ្កាយ៉ាំងស្រស់ស្អាត និងមានតំណាងសត្វមេអំបៅចង្អុលប្រាប់អំពីពេលវេលា។
Jacob & Co. Astronomia Regulator
Astronomia Regulator គឺជាប្រភេទនាឡិកាមានសូចនាករដាច់ដោយឡែកពីគ្នា រវាងម៉ោង នាទី និងវិនាទី។ នៅក្រោមផ្នែកនៃផ្ទាំងនាឡិកាធ្លាប់ត្រូវបានគេហៅថា “ស្រទាប់មេឃ” ប៉ុន្តែឥឡូវនេះត្រូវបានផ្លាស់ប្តូរទៅជាសូចនាករវិនាទី ហើយវានឹងធ្វើការបង្វិលច្រាសទ្រនិចនាឡិការៀងរាល់ 60 វិនាទី។
Parmigiani Fleurier Toric
នាឡិកាដៃនេះមានរាងមូលទំហំ 40.6mm ហើយវាមានទម្រង់ពណ៌ដ៏ស្រទន់គួរឱ្យភ្ញាក់ផ្អើលផលិតឡើងពីផ្លាទីនដែលមានពណ៌បៃតង Toric ។
Guido Terreni គឺជាស្ថាបនិកនៃក្រុមហ៊ុនមួយនេះ បានមានប្រសាសន៍ថា លោកចង់បង្កើតនាឡិកា Toric ថ្មីនេះ ដើម្បីក្លាយជានិមិត្តសញ្ញានៃវប្បធម៌សាមញ្ញ អស្ចារ្យ និងជានាឡិកាដៃដែលអាចពាក់បានគ្រប់ស្ថាភាពនៃម៉ូតសម្លៀកបំពាក់។
