ប្រទេសសិង្ហបុរី គឺជាដៃគូពាណិជ្ជកម្ម និងវិនិយោគដ៏សំខាន់មួយរបស់កម្ពុជា ដោយបានបណ្តាក់ទុនវិនិយោគសរុបប្រមាណ ៤០០លានដុល្លារ

ការវិនិយោគរបស់សិង្ហបុរី បានដើរតួនាទីយ៉ាងសំខាន់ក្នុងការអភិវឌ្ឍសេដ្ឋកិច្ចកម្ពុជា ពិសេសក្នុងវិស័យកម្មន្តសាល អចលនទ្រព្យ និងបដិសណ្ឋារកិច្ច។

ក្នុងពិធីបើកកម្មវិធីពិព័រណ៍ធុរកិច្ចសិង្ហបុរី ២០២៤ ដែលរៀបចំឡើងនៅផ្សារទំនើបអូឡាំព្យា នាព្រឹកថ្ងៃទី១៦ ខែសីហា ឆ្នាំ២០២៤ ក្នុងនោះ ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគ នៃក្រុមប្រឹក្សាអភិវឌ្ឍន៍កម្ពុជា បានគូសបញ្ជាក់ថា ប្រទេស​សិង្ហបុរី​គឺជា​ដៃគូ​ពាណិជ្ជកម្ម និង​វិនិយោគ​ដ៏​សំខាន់​មួយ​របស់​កម្ពុជា។ លោក​បាន​ដកស្រង់​​ទិន្នន័យ​CDC ដែល​បញ្ជាក់ថា ប្រភព​ទុន​វិនិយោគ​ពី​សិង្ហបុរី​ស្ថិត​ក្នុង​ចំណោម​ប្រភព​ទុន​វិនិយោគ​ផ្ទាល់​ពី​បរទេស​ឈានមុខ​ទាំង​១០ បាន​បណ្ដាក់ទុន​វិនិយោគ​សរុប​ប្រមាណ ៤០០​លាន​ដុល្លារ​អាមេរិក ក្នុង​រយៈពេល​៥​ឆ្នាំ​កន្លង​ទៅ​នេះ។ ការវិនិយោគរបស់សិង្ហបុរី បានដើរតួនាទីយ៉ាងសំខាន់ក្នុងការអភិវឌ្ឍសេដ្ឋកិច្ចកម្ពុជា ពិសេសក្នុងវិស័យកម្មន្តសាល អចលនទ្រព្យ និងបដិសណ្ឋារកិច្ច។

ការ​វិនិយោគ​របស់​សិង្ហបុរី បាន​ដើរ​តួនាទី​យ៉ាង​សំខាន់​ក្នុង​ការ​អភិវឌ្ឍ​សេដ្ឋកិច្ច​កម្ពុជា ជាពិសេស​ក្នុង​វិស័យ​កម្មន្តសាល អចលនទ្រព្យ និង​បដិសណ្ឋារកិច្ច។ វត្តមាន​ក្រុមហ៊ុន​ធំៗ ដូចជា Keppel Infrastructure និង Changi Airport International ក៏​ដូចជា​ម៉ាក​ល្បីៗ ដូចជា Charles & Keith, Ya Kun និង 800super បាន​បង្ហាញ​ថា ការ​វិនិយោគ​របស់​សិង្ហបុរី​ពិត​ជា​បាន​ជំរុញ​ការ​អភិវឌ្ឍ​របស់​កម្ពុជា។

រួមជាមួយនោះ ឯកឧត្តមអគ្គលេខាធិការ គូសរំលេចនូវចំណុចគន្លឹះមួយចំនួន ដែលបានទាក់ទាញវិនិយោគិនសិង្ហបុរីមកបោះទីតាំងនៅកម្ពុជា ដូចជា កត្តាមូលដ្ឋានសេដ្ឋកិច្ចដ៏រឹងមាំរបស់កម្ពុជា, កម្លាំងពលកម្មវ័យក្មេងនិងមានជំនាញ, ទីតាំងយុទ្ធសាស្ត្រដែលស្ថិតនៅចំកណ្តាលនៃមហាអនុតំបន់មេគង្គ និងតំបន់អាស៊ីអាគ្នេយ៍, កិច្ចព្រមព្រៀងពាណិជ្ជកម្មទ្វេភាគី និងពហុភាគី ជាមួយទីផ្សារធំៗ។ ជាមួយគ្នានោះ កម្ពុជា មានតំបន់សេដ្ឋកិច្ចពិសេសចំនួន២៦កន្លែង ដែលកំពុងដំណើរ ដោយបានស្រូបទាញគម្រោងវិនិយោគប្រមាណជាង ៧០០ ក្នុងទំហំទុនវិនិយោគសរុបប្រមាណជាង ២៨ប៊ីលាន ដុល្លារអាម៉េរិក និងបង្កើតការងារបានជាង ១៨០ពាន់កន្លែងផងដែរ។