ខ្មែរ
English
អយស្ទ័រដែលមានលក្ខណៈល្អបំផុត និងតម្លៃថ្លៃ ព្រមទាំងមានរសជាតិឆ្ងាញ់ពិសា មានប្រភពមកពីតំបន់ផ្សេងៗគ្នានៅជុំវិញពិភពលោក។
អយស្ទ័រជាធម្មតាត្រូវបានគេចាត់ទុកជាប្រភេទអាហារដ៏ប្រណិតក្នុងការទទួលទាន រីឯតម្លៃទិញ-លក់ ក៏មានការកំណត់ទៅតាមប្រភព ដើមកំណើត និងវិធីក្នុងកាទទួលទានទៅតាមប្រភេទនៃអ៊យស្ទ័រនីមួយៗ មិនថានៅក្នុងសមុទ្រនៃប្រទេសអូស្ត្រាលី ប្រទេសបារាំង ឬអាមេរិកខាងជើង…។ ទោះយ៉ាងណាក៏ដោយ មានប្រភេទអយស្ទ័រមួយចំនួនដែលជាប់ឈ្មោះជាអយស្ទ័រមានតម្លៃថ្លៃខ្លាំង ប៉ុន្តែរសជាតិឆ្ងាញ់បំផុត ហើយប្រសិនបើអ្នកចូលចិត្តអយស្ទ័រស្រស់ៗ អ្នកគួរតែសាកល្បងប្រភេទទាំងនេះ ៖
Bluff
អយស្ទ័រ Bluff ត្រូវបានរកឃើញនៅក្នុងប្រទេសនូវែលសេឡង់ ជាពិសេសនៅចន្លោះទីក្រុង Bluff និងកោះ Stewart ដែលវានឹងចាប់ផ្តើបបង្ហាញខ្លួននៅចន្លោះខែមីនា ដល់ខែសីហា។ មូលហេតុដែលធ្វើឱ្យ Bluff ជាប់ឈ្មោះជាអយស្ទ័រថ្លៃ ព្រោះវាមានអាចរកបានតែនៅមួយកន្លែង និងមានរសជាតិឆ្ងាញ់។ វាត្រូវបានគេស្គាល់ថាជា ‘Bluffies’ ពួកគេត្រូវបានឱ្យដឹងថាជាសាច់ផ្អែមខ្លាំង និងទទួលទានដោយជាប់ចិត្ត។
Belon
អយស្ទ័រ Belon ត្រូវបានប្រមូលផលនៅទន្លេ Belon ប្រទេសបារាំង។ ថ្វីត្បិតតែវាជាប្រភេទអយស្ទ័រកម្រកាលពីសម័យអតីតកាលក៏ដោយ ប៉ុន្តែក្នុងរយៈពេលប៉ុន្មានឆ្នាំចុងក្រោយនេះ វាត្រូវការធ្វើការលក់យ៉ាងទូលំទូលាយនៅក្នុងភោជនីយដ្ឋានអាហារឆ្ងាញ់ៗ។
Kumamoto
ចាប់តាំងពីគ្រាប់អយស្ទ័រ Kumamoto បានមកដល់សហរដ្ឋអាមេរិក ប្រជាប្រិយភាពរបស់វាកាន់តែមានការកើនឡើងពីមួយថ្ងៃទៅមួយថ្ងៃក្នុងការទទួលទានជាប្រភេទអយស្ទ័រដ៏ឈ្ងុយឆ្ងាញ់។ កាលដើមឡើយ វាត្រូវបានប្រមូលផលនៅក្នុងខេត្ត Kumamoto ទើបគេដាក់ឈ្មោះឱ្យអយស្ទ័រប្រភេទនេះថា Kumamoto។ ‘Kumies’ គឺមានរសជាតិផ្អែមឆ្ងាញ់។
Coffin Bay
អយស្ទ័រ Coffin Bay ត្រូវបានរកឃើញនៅក្នុងប្រទេសអូស្ត្រាលី ហើយត្រូវបានគេស្គាល់ថាជាអយស្ទ័រដ៏ល្អបំផុតមួយ ដោយសារតែមានរសជាតិផ្អែម ប្រៃលាយបញ្ចូលគ្នា បង្កើតឱ្យមានឱជារសឆ្ងាញ់។
Fine de Claire
Fine de Claire គឺជាអយស្ទ័រដែលមានលក់នៅក្នុងភោជនីយដ្ឋានអាហារឆ្ងាញ់ៗជាច្រើន ព្រោះវាងាយស្រួលក្នុងការបរិភោគ… ជាមួយនឹងសាច់គ្មានខ្លាញ់ ព្រមទាំងរសជាតិស្រាលគឺពិតជាអស្ចារ្យណាស់។ វាត្រូវបានគេប្រមូលផលនៅ Marennes ប្រទេសបារាំង។
