ខ្មែរ
English
ស្ទើរតែពេញមួយរាត្រីកាល ការដែលធ្វើទំនាក់ទំនងពាសពេញពិភពលោកបានផ្លាស់ប្តូរ ជាមួយនឹងភាពរីកចម្រើននៃទូរសព្ទដៃ Smartphone ហើយការប្រើប្រាស់ឧបករណ៍ទាំងនេះ មានស្ទើរតែគ្រប់ទីកន្លែង។
ជាការពិតណាស់ទូរសព្ទដៃបានជះឥទ្ធិពលអវិជ្ជមានជាច្រើនទៅលើជីវិតប្រចាំថ្ងៃរបស់មនុស្ស ហើយមនុស្សក៏ត្រូវតែទទួលស្គាល់ថា ជីវិតដែលគ្មានទូរសព្ទដៃ ឬ Smartphone ក៏មិនអាចទៅរួចផងដែរ។ ប៉ុន្តែទោះបីជា ទូរសព្ទដៃមានប្រយោជន៍ច្រើនយ៉ាងណាក៏ដោយ យើងមិនគួរព្រងើយកន្តើយនឹងផលប៉ះពាល់អវិជ្ជមានរបស់ទូរសព្ទបានដែរ។
មួយក្នុងចំណោមរឿងទាំងអស់នោះ គឺយើងគប្បីដឹងថាការផ្ញើសារ ខណៈដែលកំពុងបើកបរ គឺជារឿងដ៏គ្រោះថ្នាក់មួយខ្លាំងបំផុត ដែលយើងអាចធ្វើទៅបានជាមួយទូរសព្ទដៃរបស់យើង។ នៅក្នុងប្រទេសមួយដែលមានច្បាប់ចរាចរណ៍ល្អបំផុត រួមទាំងមានការណែនាំផងនោះ ការបង្កើនការយកចិត្តទុកដាក់ខ្ពស់ពេលធ្វើដំណើរតាមដងវិថីគ្រប់ពេលវេលាជារឿងដ៏សំខាន់មួយ។ នៅពេលដែលយើងមិនបានសម្លឹងមើលឆ្វេងស្តាំ ហើយផ្តោតអារម្មណ៍តៅលើតែទូរសព្ទដៃ មិនថាការហៅចេញ ឬផ្ញើសារនោះទេ នោះអ្នកទាំងអស់គ្នាហាក់កំពុងធ្វើឱ្យខ្លួនប្រឈមនឹងគ្រោះថ្នាក់ហើយ។
យ៉ាងណាមិញ គ្រោះថ្នាក់ទាំងឡាយក៏អាចចៀសបាន ប្រសិនបើអ្នកអែបចូលទៅខាងចិញ្ចើមផ្លូវមុននឹងទាញយកទូរសព្ទដៃចេញមកប្រើប្រាស់។
គ្រោះថ្នាក់ដ៏ចម្បងមួយទៀតនោះ គឺផលប៉ះពាល់ដោយសារតែការប្រើប្រាស់ទូរសព្ទដៃជាប្រចាំថ្ងៃ។ ទោះបីជាទូរសព្ទមិនផ្តល់ទុក្ខទោសធ្ងន់ធ្ងរខ្លាំងក្តី ក៏មុខងារទូរសព្ទបានបញ្ជូនរលកវិទ្យុសកម្ម ដែលអាចផ្តល់ផលប៉ះពាល់ដល់ខួរក្បាល និងសុខភាពរាងកាយយ៉ាងខ្លាំង។ យោងតាម Medical Daily បានរាយការណ៍ថា “សហព័ន្ធគណៈកម្មការទំនាក់ទំនង (FCC) ស្នើឱ្យអ្នកប្រើប្រាស់ទូរសព្ទដៃទាំងអស់ រក្សាចម្ងាយយ៉ាងហោចណាស់ ២០ សង់ទីម៉ែត្រពីទូរសព្ទដៃរបស់អ្នក ដើម្បីកាត់បន្ថយផលប៉ះពាល់ដោយសារវិទ្យុសកម្ម”។ ដូច្នេះ សូមចាប់យកកាសែត សៀវភៅ ឬនិយាយគ្នាផ្ទាល់តែម្តង… ចៀសវាងការប្រើប្រាស់ទូរសព្ទជាប្រចាំ និងញឹកញាប់។
ដោយឡែក ការប្រើប្រាស់ទូរសព្ទដៃយូរៗពេក ក៏អាចបង្កផលប៉ះពាល់ដល់សុខភាពរាងកាយដូចគ្នា តួយ៉ាងដូចជា ការឈ្ងោកចុះទៅក្រោម សម្លឹងមើលអេក្រង់ទូរសព្ទរាល់តែថ្ងៃក្នុងរយៈពេលយូរៗម៉ោងពេក គឺបង្កឱ្យឈឺចាប់ដល់សាច់ដុំ និងគ្រោងឆ្អឹងទាំងមូល។ ការឈឺចាប់ឆ្អឹងខ្នង គឺបង្កឡើងដោយសារតែអាកប្បកិរិយាមិនត្រឹមត្រូវ ហើយបន្តឈឺចាប់ដល់មេដៃ និងកដៃដោយសារតែការចុចទូរសព្ទដៃច្រើនពេកផងដែរ។
សូមធ្វើឱ្យប្រាកដថាអ្នកសម្រាក ឬផ្អាកលេងទូរសព្ទខ្លះ ដើម្បីកាត់បន្ថយភាពឈឺចាប់ទាំងនោះ លើសពីនេះទៅទៀត សូមលាតសន្ធឹងរាងកាយរបស់អ្នកជាប្រចាំ ដើម្បីកាត់បន្ថយភាពឈឺចាប់ និងភាពតានតឹងទាំងឡាយ។ ចាប់តាំងពីយើងប្រើប្រាស់ប្រព័ន្ធឌីជីថលតាំងពីវ័យក្មេងមក យើងត្រូវតែមានការប្រុងប្រយ័ត្នខ្ពស់ ដើម្បីការពារសុខភាពរបស់យើង ខណៈដែលនៅពេលដែលអ្នកចង់បន្តកម្សាន្តសប្បាយជាមួយឧបករណ៍ដ៏ទំនើបទាំងនោះ ដែលហៅបានថា ពិភពនៃប្រព័ន្ធបច្ចេកវិទ្យា។
