ខ្មែរ
English
នៅពេលដែលឈានចូលឆ្នាំ 2025 វាហាក់ដូចជា ដល់ពេលដែលត្រូវធ្វើការទស្សន៍ទាយអំពីនិន្នាការពណ៌សម្រាប់តុបតែងមុខ និងធាតុផ្សំដែលពេញនិយមសម្រាប់មួយឆ្នាំពេញ។
It Girls “Hailey Bieber” បានព្យាយាមបកស្រាយអំពីការតុបតែងមុខដោយពណ៌ក្រហមស្រាល បែបផ្លែ (Strawberry) សម្រាប់ឆ្នាំ 2025 ក៏ប៉ុន្តែការតុបតែងមុខដោយពណ៌ក្រហមរៀងដិត (Cherry) នៅឆក់យកចិត្តស្រ្តីគ្រប់រូប ព្រោះពណ៌នេះនៅតែទទួលបានការពេញនិយមជានិច្ច និងបញ្ចេញភាពលេចធ្លោខ្លាំងបំផុត។
View this post on Instagram
ភាពពេញនិយមនៃពណ៌ក្រហម Cherry ពិតជាត្រូវបានគេដាក់ការតាមដានជាពិសេសនៅក្នុងឆ្នាំនេះ ក៏ដោយសារតែតារាល្បីៗ និងនារីទាន់សម័យគ្រប់រូបជាបានចាប់ផ្តើមប្រើប្រាស់ក្រែមលាបបបូរមាត់ពណ៌ក្រហម (Cherry) សម្រាប់ការតុបតែងខ្លួនរបស់ពួកគេ។ បន្ថែមពីនេះ និន្នាការលេងស្ទីលពណ៌សក់ ក៏ចាប់ផ្តើមចាប់យកពណ៌ក្រហម Cherry ដើម្បីឱ្យមានការប្រទាក់ក្រឡាគ្នាជាមួយការតុបតែងមុខផងដែរ។
View this post on Instagram
មិនត្រឹមតែប៉ុណ្ណោះ អត្រានៃការស្វែងរកពាក្យគន្លឹះទាក់ទងនឹងនិន្នាការ “ពណ៌ក្រហម Cherry” ក៏បានកើនឡើងយ៉ាងខ្លាំងនៅលើប្រព័ន្ធអ៊ីនធឺណិត ដូចជា ការស្វែងរកពាក្យ “Dark Cherry Red” និង “Cherry Vibe” បានកើនឡើងរហូតដល់ 235% និង 300% លើកម្មវិធី Pinterest ហើយមាតិកាដែលទាក់ទងនឹងពណ៌ក្រហម Cherry ក៏បានកើនឡើងប្រហែល 325% ដែលនេះបានបញ្ជាក់ឱ្យឃើញថា មហាជនពិតជាចោលចំណាប់អារម្មណ៍មកលើពណ៌នេះមួយទំហឹង។
