ព្រឹត្តិការណ៍កីឡាអូឡាំពិក ទីក្រុងប៉ារីស៖ តើមានអ្វីខ្លះនៅក្នុងភូមិអូឡាំពិកសម្រាប់អត្តពលិកគ្រប់រូប?

ព្រឹត្តិការណ៍កីឡាអូឡាំពិក ទីក្រុងប៉ារីសបានធ្វើការចាប់ផ្តើមបើកនៅថ្ងៃទី 26 ខែកក្កដា ក្រោយពីការបើកសម្ពោធកម្មវិធីដ៏វិសេសវិសាលរួចរាល់ ដោយគេឃើញរួមមានទាំងសង្វៀនកីឡាដ៏ប្រណីត និងការប្រកួតប្រជែងកីឡាជាច្រើន ព្រមទាំងភូមិអូឡាំពិកសម្រាប់អត្តពលិកគ្រប់រូបបានចោលការចាប់អារម្មណ៍ពីសំណាក់ទស្សនិកជនយ៉ាងខ្លាំង។

ភូមិនេះត្រូវបានឱ្យដឹងថាពុំអនុញ្ញាត្តចំពោះការចេញចូលដោយសេរី ការប្រមូលព័ត៌មាន ឬក្រុមទស្សនិកជនចេញចូលដោយសេរីនោះទេ ក្នុងគោលបំណងដើម្បីរក្សាសន្តិសុខ និងសន្តិភាពជូនអត្តពលិក។

យោងតាមគេហទំព័រផ្លូវការរបស់កីឡាអូឡាំពិកផ្ទាល់បានបង្ហាញឱ្យដឹងថា ភូមិអូឡាំពិកឆ្នាំនេះគឺមានអត្តពលិកស្នាក់នៅចំនួន 14,250 នាក់ក្នុងអំឡុងកម្មវិធីកីឡាអូឡាំពិក ឆ្នាំ 2024 ហើយត្រូវបានកំណត់ជាកន្លែងស្នាក់នៅរបស់អត្តពលិកចំនួន 8,000 នាក់ក្នុងអំឡុងពេលកីឡាប៉ារ៉ាឡាំពិក (ថ្ងៃទី 28 ខែសីហា ដល់ថ្ងៃទី 8 ខែកញ្ញា)។ បន្ថែមពីនេះ នៅភូមិតដ៏អស្ចារ្យនេះ ក៏មាននូវកន្លែងទទួលទានអាហារ គ្លីនិកពេទ្យ និងហាងលក់ទំនិញជាកន្លែងផ្សេងទៀត។

ជាសំណាងល្អសម្រាប់ទស្សនិកជនគ្រប់រូប ព្រោះថាអត្តពលិកកីឡារអូឡាំពិកជាច្រើនបានចាប់ផ្តើមបង្ហោះដើម្បីចងក្រងឯកសារនៃបទពិសោធន៍របស់ពួកគេនៅក្នុងភូមិដ៏ប្រណីតមួយនេះ ចែករំលែកនៅលើប្រព័ន្ធផ្សព្វផ្សាយសង្គម (Social Media) ដោយផ្តល់ឱ្យយើងទាំងអស់គ្នានូវទិដ្ឋភាពពិតរបស់ភូមិអូឡាំពិក។

• អាគារ និងបន្ទប់របស់អត្តពលិក

សម្រាប់ឆ្នាំនេះ បន្ទប់គេងទាំងអស់ត្រូវបានរចនាឡើងដោយយកចិត្តទុកដាក់បំផុតទៅលើអាកាសធាតុ។ នេះមានន័យថាគ្រែគេងទាំងអស់គឺជាក្រដាសកាតុងដែលបំពាក់ជាមួយពូកផលិតពី AirFiber របស់ក្រុមហ៊ុនពូកជប៉ុន Airweave។ ពូកនីមួយៗក៏មានម៉ូឌុលចំនួនបី ផ្តល់នូវកម្រិតនៃភាពរឹងមាំផ្សេងៗគ្នា។ គួរបញ្ជាក់ថា គ្រែគេងទាំងនោះនឹងត្រូវបានកែច្នៃទៅជាផលិតផលផ្សេងៗបន្ទាប់ពីហ្គេមអូឡាំពិកបញ្ចប់ទៅ។

 

View this post on Instagram

 

A post shared by jing quah (@jingwenquah)

• ម្ហូបអាហារ

នៅក្នុងសាលពិសារអាហារ អត្តពលិកទាំងអស់អាចសាកទទួលទាននូវរសជាតិនៃមុខម្ហូបអាហារមកពីជុំវិញពិភពលោក ដោយចាប់ពីម្ហូតបែបបារាំងរហូតដល់ម្ហូបបែកអាហ្រ្វិក។ អាហារត្រូវបានបម្រើតាមបែបប៊ូហ្វេនៅស្ថានីយ៍ផ្សេងៗ រួមទាំងហាងនំប៉័ង របារសាឡាដ ម្ហូបអាហារចម្អិនក្តៅ… ។

• គ្រឿងបរិក្ខារផ្សេងៗ

នៅទីនោះរួមមានអ្វីផ្សេងៗជាច្រើនទៀត មានដូចជាកន្លែងសម្រាកលំហែកាយ ហ្គេមសម្រាប់អត្តពលិកដើម្បីបន្ធូរអារម្មណ៍ ខណៈមជ្ឈមណ្ឌលសតិសម្បជញ្ញៈរបស់ភូមិផ្តល់នូវវគ្គសមាធិ (តាមរយៈកាស VR) និងសកម្មភាពលាបពណ៌តាមលេខ។ បន្ថែមនូវកន្លែងហាត់ប្រាណ 24 ម៉ោងក៏មានផងដែរ ដែលបំពាក់ដោយឧបករណ៍ទំនើបៗ និងទីកន្លែងសម្រាប់អត្តពលិកធ្វើការហ្វឹកហាត់។
អ្វីដែលជាដំណឹងល្អសម្រាប់អត្តពលិកស្រីនោះគឺ មានរួមបញ្ចូលទាំងហាងសាឡន ផ្សារទំនើប ការិយាល័យប្រៃសណីយ៍… ។

ជាលើកដំបូងក្នុងប្រវត្តិសាស្ត្រនៃកម្មវិធីកីឡាអូឡាំពិក ភូមិនេះក៏មានកន្លែងបណ្តុះកូនៗរបស់អត្តពលិក បានផ្តល់ឱកាសឱ្យអត្តពលិកដែលមានងារជាឪពុកម្តាយអាចចំណាយជាមួយកូនតូចៗដោយផាសុកភាព។