ព្រឹត្តិការណ៍នៃពិធីបើកកីឡាអូឡាំពិកដ៏អស្ចារ្យ និងគួរឱ្យចងចាំបំផុតនៅក្នុងប្រវត្តិសាស្រ្តពិភពលោក

ទស្សនិកជនទាំងអស់ហាក់កំពុងចូលរួមទស្សនា ក៏ដូចជាបង្ហាញនូវការកោតសរសើរចំពោះពិធីបើកកីឡាអូឡាំពិកឆ្នាំ 2024 នៅទីក្រុងប៉ារីស ជាមួយក្បួនដង្ហែដ៏អស្ចារ្យនៃទូករបស់អត្តពលិកតាមដងទន្លេ Seine។ ស្របពេលនេះដែល ប្រសិនបើយើងក្រឡេកទៅមើលប្រវត្តិសាស្រ្តនៃពិធីបើកកីឡាអូឡាំពិកកន្លងមក តើលក្ខណៈសម្បត្តិនៃពិធីនៅក្នុងឆ្នាំនេះអាចនឹងទទួលបានមេដាយមាសឬយ៉ាងណា?

ពិធីបើកកីឡាអូឡាំពិកមិនមែនគ្រាន់តែជាការសម្តែងប្រកួតប្រជែងកីឡា និងបើកបង្ហាញអំពីក្បួនដង្ហែរបស់ប្រជាជាតិនោះទេ។ ខណៈការប្រកួតកីឡាអូឡាំពិករដូវក្តៅលើកដំបូងបំផុត នៅឆ្នាំ 1920 ត្រូវបានប្រារព្ធឡើងនៅទីក្រុង Antwerp ហើយប្រជាជននៃប្រទេសបែលហ្ស៊ិកមានមោទនភាពដែលបង្ហាញអំពីឆន្ទៈរបស់ខ្លួនថាថា “បើទោះបីជាមានការបំផ្លិចបំផ្លាញដ៏ធំមកលើប្រទេសរបស់ខ្លួនក្រោយសង្គ្រាមលោកលើកទី1 ក្តី ប៉ុន្តែភាពភ័យរន្ធត់ទាំងអស់នៃជម្លោះមិនបានធ្វើឱ្យខូចស្មារតីរបស់ប្រជាជាតិពួកគេឡើយ” ។

ចូរក្រឡេកមើលនូវព្រឹត្តិការណ៍បើកការប្រកួតកីឡាអូឡាំពិកនៅក្នុងប្រវត្តិសាស្រ្តដែលគួរឱ្យចងចាំបំផុតខាងក្រោម ៖

ឆ្នាំ 1896: ក្រុមចម្រៀងដ៏ធំនៅ ទីក្រុងអាថែន

នៅថ្ងៃទី 6 ខែមេសា ឆ្នាំ 1896 ការប្រកួតកីឡាអូឡាំពិកទំនើបដំបូងគេបានបើកនៅក្នុងកីឡាដ្ឋាន Panathenaic នៅទីក្រុង Athens ដែលវាទើបនឹងជួសជុលថ្មីជាមួយថ្មម៉ាបពណ៌សក្បុស នៅចំពោះមុខអ្នកទស្សនាចំនួនទាំងអស់សរុប 80,000 នាក់។ អ្នកខ្លះស្លៀកពាក់បែបក្រិកបុរាណ និងអ្នកខ្លះទៀតស្លៀកពាក់ជាឈុត។ ព្រះមហាក្សត្រ បានប្រកាសបើកការប្រកួតកីឡា និងទំនុកចម្រៀងសាសនា ឬកំណាព្យដែលនិពន្ធដោយជនជាតិក្រិច Spyridon Samaras បន្ទាប់មកត្រូវបានច្រៀងដោយអ្នកចម្រៀង 150នាល់ អមដោយវង់តន្រ្តី Philharmonic ចំនួនប្រាំបួន។

ឆ្នាំ 1936: “Heil Hitler” នៅទីក្រុងប៊ែរឡាំង

នៅថ្ងៃទី 1 ខែសីហា ឆ្នាំ 1936, លោក “Adolf Hitler” បានបើកការប្រកួតកីឡាអូឡាំពិករដូវក្តៅនៅក្នុងទីក្រុងប៊ែរឡាំង ដែលជាការដាក់បង្ហាញឱ្យឃើញថា Nazi German ស្ថិតក្នុងរូបភាពដែលមានសេចក្តីសុខ សន្តិភាព និងមានការអត់ឱន។ Swastikas បានធ្វើការឃាំងច្រកទ្វារ Brandenburg នៅពេលដែលអ្នកគាំទ្រតន្ត្រីបានប្រកាសពីការមកដល់របស់ជនផ្តាច់ការទៅកាន់ហ្វូងមនុស្សអាល្លឺម៉ង់ 100,000 នាក់ ដែលបានសាទរជាមួយនឹងការគោរពរបស់ Nazi ព្រមទាំងសម្រែក “Heil Hitler” ។

ឆ្នាំ 1964: ការកើតឡើងវិញរបស់ប្រទេសជប៉ុន “Japan’s rebirth”

ព្រឹត្តិការណ៍អូឡាំពិកនៅទីក្រុងតូក្យូបានកត់សម្គាល់ឱ្យឃើញអំពីការវិលត្រឡប់មកវិញរបស់ប្រទេសជប៉ុនទៅកាន់ឆាកពិភពលោកក្រោយបរាជ័យ និងទទួលរងការបំផ្លិចបំផ្លាញអស់រយៈពេលជាងពីរទសវត្សរ៍មុន និងក្នុងកំឡុងសង្គ្រាមលោកលើកទី 2 ។ ជាមួយនឹងការតំណាងដោយការងក់ក្បាល បង្ហាញយ៉ាងច្បាស់អំពីនិមិត្តរូបសន្តិភាពនិយមរបស់ខ្លួន អ្នកជញ្ជូនភ្លើងពិលអូឡាំពិកចុងក្រោយគឺ Yoshinori Sakai ដែលជាអត្តពលិកកើតនៅថ្ងៃទី 6 ខែសីហា ឆ្នាំ 1945 ដែលជាថ្ងៃដែលគ្រាប់បែកបរមាណូត្រូវបានទម្លាក់លើទីក្រុងហ៊ីរ៉ូស៊ីម៉ា។

ឆ្នាំ 1984: បុរស Rocket នៅរដ្ឋ Los Angeles

កម្មវិធីត្រូវបានប្រារព្ធឡើងនៅកំឡុងសង្រ្គាមត្រជាក់ ដែលធ្វើពហិការដោយសហភាពសូវៀត និងសម្ព័ន្ធមិត្តបូព៌ាចំនួន 14។ ការបើកព្រឹត្តិការណ៍កីឡាអូឡាំពិកនៅទីក្រុង Los Angeles ឆ្នាំ 1984 ត្រូវបានរៀបចំឡើងដើម្បីបង្ហាញពីសមត្ថភាពនៃផ្នែកបច្ចេកវិទ្យារបស់សហរដ្ឋអាមេរិក។ នៅក្នុងដំណើរកម្សាន្តបែបអនាគតកាលបានទាក់ទាញអ្នកទស្សនារាប់លាននាក់ជាមួយការភ្ញាក់ផ្អើលយ៉ាងខ្លាំងដោយ “Rocket man” Bill Suitor បានហោះចូលទៅក្នុង Memorial Coliseum ដោយប្រើកញ្ចប់យន្តហោះអ៊ីដ្រូសែន Peroxide ។

ឆ្នាំ 2000: វីរបុរសជនជាតិដើមភាគតិចនៅ ទីក្រុងស៊ីដនី

នៅឯការប្រកួតសហស្សវត្សរ៍ក្នុងទីក្រុងស៊ីដនី តារាជនជាតិដើមកំណើត Cathy Freeman បានបង្ហាញពីបំណងប្រាថ្នាចង់ផ្សះផ្សាប្រជាជនអូស្ត្រាលី នៅកំឡុងពេលដែលនាងឡើងទៅកាន់ទឹកជ្រោះក្នុងទឹកធ្លាក់ ដើម្បីបំភ្លឺអណ្តាតភ្លើង។ រយៈពេល 10ថ្ងៃក្រោយមក នាងបានឈ្នះការប្រកួតវគ្គផ្តាច់ព្រ័ត្រប្រវែង 400 ម៉ែត្រ ទស្សនិកជនបង្ហាញការរំភើបបំផុត ខណៈនេះជាការប្រណំាងដ៏សំខាន់ចុងក្រោយរបស់នាង។

ឆ្នាំ 2008: ប្រទេសចិនបង្អួតអំពីអំណាចសកល

ការបើកព្រឹត្តិការណ៍ Beijing Games គឺជាពិធីបង្ហាញមុខសម្រាប់ប្រជាជាតិមានមហាអំណាចសកលលោកដែលកំពុងកើនឡើងយ៉ាងឆាប់រហ័ស ខណៈមានការប្រារព្ធវាយស្គរចំនួន 2,008 នៅក្នុងពហុកីឡាដ្ឋាន “Bird’s Nest” ទីក្រុង ប៉េកាំង។ កីឡាកាយសម្ព័ន្ធ ប្រជុំអ្នករាំ និងសិល្បករក្បាច់គុនជាច្រើននាក់បានបន្តនិទានរឿងនៃមហាកំផែងចិន ផ្លូវសូត្រ និងសេចក្តីស្នេហារវាងប្រទេសចិនជាមួយនឹងសិល្បៈក្បាច់គុន នៅក្នុងការបង្ហាញភាពដ៏គួរឱ្យស្ញប់ស្ញែងដែលបានបំបាត់ភាពចម្រូងចម្រាសផ្នែកនយោបាយ និងកង្វល់ញាំញី។

ឆ្នាំ 2012: Queen Elizabeth’s Skyfall នៅក្នុងទីក្រុងឡុងដ៍

ម្ចាស់ក្សត្រី Elizabeth II ចុងក្រោយបានដើរតួជាតួឯកនៅក្នុងព្រឹត្តិការណ៍កីឡាអូឡាំពិកនៃទីក្រុងឡុងដ៍ ដោយមានបង្ហាញខ្លួនជាមួយតារាសម្តែង James Bond និងលោក Daniel Craig នៅក្នុងខ្សែភាពយន្តអស្ចារ្យ គឺទ្រង់បានធ្វើការពីលើអាកាសចូលទៅក្នុងពហុកីឡដ្ឋានចុះពីឧទ្ធម្ភាគចក្រ។
Danny Boyle គឺអ្នកដឹកនាំរឿងឈ្នះពានរង្វាន់អូស្ការ នៃ “Slumdog Millionaire” និង “Trainspotting” មានកិត្តិនាមទទួលខុសត្រូវទៅលើ ការសម្តែងបង្ហាញអំពីប្រវត្តិសាស្រ្តរបស់ចក្រភពអង់គ្លេសជាមួយនឹងភាពកំប្លែងដ៏ច្រើនសន្ធឹកសន្ធាប់។ នៅក្នុងព្រឹត្តិការណ៍នៃកម្មវិធីនេះក៏បានរួមបញ្ចូលការលើកកម្ពស់ដល់សេវាសុខភាពជាតិ ដែលជាប្រភពមោទនភាពជាតិដ៏សំខាន់ – ក្មេងៗស្លៀកខោទ្រនាប់លោតលើគ្រែមន្ទីរពេទ្យយក្សចំនួន 320 ។