ភាពស្រស់ស្អាតសម្រាប់នារីគ្រប់រូប នៅពេលយប់

មនុស្សគ្រប់គ្នាតែងប្រាថ្នាចង់ឱ្យមានភាពស្រស់ស្អាត និងមើលទៅឃើញក្មេងជាងវ័យផូរផង់រហូត ប៉ុន្តែតើមានមនុស្សប៉ុន្មាននាក់ដែលអាចថែរក្សាសភាពបែបនេះបាន? ដូចដែលគេបាននិយាយថា “ទីក្រុងរ៉ូមមិនមែន សង់ឡើងតែក្នុងមួយថ្ងៃទេ” បើអ្នកចង់មានអ្វីដែលជាការចាប់អារម្មណ៍ និងភាពស្រស់ស្អាតអ្នកមិនគួរមាន តែសមត្ថភាពធ្វើឱ្យស្រស់ស្អាតនោះទេ ប៉ុន្តែត្រូវតែមានម្យ៉ាងទៀតគឺ ភាពថិតថេរ។

ជំនួសឱ្យការចំណាយប្រាក់ច្រើនទៅការព្យាបាល ឬកែសម្ផស្សដែលមានសម្លៃខ្ពស់ និងតាមលក្ខណៈច្នៃប្រឌិត ទាំងនេះគឺជាវិធីដ៏ងាយស្រួលមួយ ដើម្បីធ្វើឱ្យអ្នកមានភាពស្រស់ស្អាតតាមបែបធម្មជាតិ។
មុនពេលដែល អ្នករៀបនឹងចូលគេង ចំណាយពេល 15 នាទីប៉ុណ្ណោះ ដើម្បីធ្វើឱ្យអ្នក មើលទៅក្មេង ហើយស្រស់ស្អាតជានិច្ច។

ការថែរក្សាជើង

តើអ្នកមានអារម្មណ៍ពិបាកដែរឬទេនៅពេលដែលអ្នកបំពេញការងារហត់ នឿយពេញមួយថ្ងៃនុ៎ះ? នៅពេលដែលអ្នកត្រឡប់មកដល់ផ្ទះវិញ អ្នកគួរត្រាំជើងរបស់អ្នកទៅក្នុងចានដែក ឬបាសាំងទឹកជាមួយទឹកក្ដៅឧណ្ណៗ ដោយលាយអំបិលក្រអូបមួយដៃ ក្រោយរយៈពេល 10នាទី រួចលាងសម្អាតជើងរបស់អ្នកជាមួយទឹក និងសាប៊ូធម្មតា។

ប្រសិនបើអ្នកមិនមានអារម្មណ៍ងងុយគេងនៅពេលនោះទេ គួរលាងសំអាត ជើងកខ្វក់ និងដុសសំអាតកែងជើង ប្រើឈើចាក់ធ្មេញសំអាតគែម និង ចង្អូរនៅជុំវិញក្រចកជើង ដើម្បីសំអាតធូលីដែលអាចមានកាន់តែច្រើន។ លាបក្រែមត្រជាក់ ឬក្រែមដែលផ្តល់ជាតិសំណើម នៅមុនពេលជូតសំអាត ជើងឲ្យស្ងួត។ ដូច្នេះអាចធ្វើឱ្យស្បែករបស់អ្នកទន់ល្មើយ និងអាចការពារ ពីចំណាប់អារម្មណ៍ពីអ្នកដទៃចំពោះជើងរបស់អ្នកទៀតផង។

លាង និងជូតមុខរបស់អ្នក

លាងសំអាតមុខរបស់អ្នកនៅមុនពេលចូលគេង គឺវាមានសារៈសំខាន់ណាស់ ហើយអាចសម្អាតធូលីកខ្វក់ដែលមានជាប់នៅពេលថ្ងៃ។ សូមលាងមុខរបស់អ្នកជាមួយនឹងទឹកត្រជាក់ ចំពោះអ្នកមានស្បែកស្ងួត ឬក៏ឆាប់ប្រតិកម្ម អ្នកអាចប្រើបានជាមួយប្រេងសំរាប់កូនក្មេង ឬក្រណាត់សើមសំរាប់សម្អាត បន្ទាប់មកលាបក្រែមជំនួយនៅពេលយប់។

ក្រែម / ក្រែមការពារស្បែកស្ងួត

(ក្រែមរក្សាជាតិសំណើម) សម្រាប់លាបពេលយប់ ជាពេលវេលាដែលសមរម្យសំរាប់ផ្តល់នូវការព្យាបាល ជាពិសេសជាមួយនឹងក្រែមរក្សាស្បែកឲ្យមានសំណើម។ ប្រើប្រាស់ក្រែមប្រភេទនេះសម្រាប់លាបស្បែកឲ្យស ឬការពារឲ្យស្បែកមានសំណើមជាធម្មតា។ វាអាចធ្វើឲ្យស្បែករបស់អ្នក ស្រស់ថ្លាឡើងវិញ និងមានប្រសិទ្ធិភាពបំផុតសំរាប់ស្បែកដែលបានទទួលរងធូលីកខ្វក់ និងក្អែលក្នុងកំឡុងពេលថ្ងៃ។ វាជាការល្អផងដែរ បើអ្នកប្រើទៅ លើដៃ និងក។

សក់របស់អ្នក

ជាតិប្រេងមិនមែនជាថ្នាំសម្រាប់ពន្យារជីវិតសក់ទេ វាមានសារៈសំខាន់ដើម្បីរក្សាសក់ឱ្យស្ងួត និងធ្វើឲ្យសរសៃសក់ទន់តែប៉ុណ្ណោះ។ សូមលាបប្រេងលាបសក់ទុកចោលឱ្យបានមួយយប់ ហើយកក់សាប៊ូសម្អាតនៅពេលព្រឹកឡើងដើម្បីទទួលបាននូវលទ្ធផលល្អ។ កំដៅប្រេងបន្តិច (ដូចជាប្រេងអូលីវ ប្រេង អាល់ម៉ុង ឬក៏ប្រេងដូង) ដោយដាក់នៅក្នុងកំប៉ុងហើយកូរវាជាមួយ នឹងទឹកក្តៅ។

បន្ទាប់ពីប្រេងនោះមានកំដៅល្មមហើយ យកទៅម៉ាស្សាលើស្បែកក្បាល ដោយប្រើចុងម្រាមដៃរបស់អ្នកតាមចលនាវិលជុំ យ៉ាងហោចណាស់ឲ្យ បាន 8-10នាទី។ អ្នកអាចធ្វើពេលដែលអ្នកកំពុងតែដាក់ត្រាំជើងក្នុង ទឹកក្តៅឧណ្ណៗផងដែរ។

ចិតត្រសក់ស្តើងៗ

ចិតត្រសក់ស្តើងៗឲ្យហើយ ដោយទុកវានៅក្នុងទូទឹកកកទុកជាមុនជាការល្អ។ ប្រើវាទទេ ឬក៏លាយជាមួយទឹកការ៉ុត អាចប្រើវាលាបនៅខាងក្រោមភ្នែក ដើម្បីកាត់បន្ថយភាពខ្មៅជុំវិញភ្នែក និងស្បែកជីវជ្រួញ។

ប្រេងល្ហុង

សាកល្បងចាក់ប្រេងល្ហុងទៅលើរោមចិញ្ចើម និងរោមភ្នែករបស់អ្នក ពិសេសកន្លែងណាដែលមានរោមតិចតួច ព្រោះវាអាចជួយឱ្យរោមទាំងនោះដុសក្រាស់ និងវែង។

ការថែរក្សាបបូរមាត់

ទីបញ្ចប់នេះ លាបវ៉ាសឺលីននៅលើបបូរមាត់របស់លោកអ្នក គឺគ្រប់គ្រាន់ ណាស់ហើយ! គេងលក់រហូតនៅពេលយប់ រហូតដល់ពេលមានរងាវភ្លឺ ឡើង អ្នកនឹងទទួលបានភាពស្រស់ស្អាតបែបធម្មជាតិ!!