ខ្មែរ
English
នៅលើពិភពលោក មានភោជនីយដ្ឋាន រាប់មិនអស់ដែលបានបម្រើសេវាកម្មម្ហូបអាហារ ភេសជ្ជៈ ដល់ភ្ញៀវគ្រប់ស្រទាប់វណ្ណៈ។ ប៉ុន្តែលោកអ្នកមានដឹងទេថា ភោជនីយដ្ឋានលំដាប់ប្រណិត កម្រិតអភិជន គឺមាន តែ ១១ ប៉ុណ្ណោះដែលស្ថិតក្នុងបញ្ជីរបស់ MICHELIN Guide។
បារាំង
Alléno Paris au Pavillon Ledoyen — Paris
នេះគឺជាភោជនីយដ្ឋានដែលមានអាយុកាលចំណាស់ជាងគេ នៅក្នុងទីក្រុងប៉ារីស។ ស្ថិតនៅក្នុងតំបន់ដែលមិនសូវមានមនុស្សអ៊ូអរ អំណោយផលសម្រាប់ការបរិភោគអាហារដ៏ប្រណិត នៅក្នុងបរិវេណ សួនឧទ្យាន Champs-Élysées។ ទេសភាពនៅមាត់បង្អួចរបស់ភោជនីយដ្ឋាននេះ មានការផ្លាស់ប្តូរទៅតាមរដូវ ដោយទេសភាពមានពណ៌បៃតង នៅក្នុងរដូវក្តៅ និង រដូវផ្ការីក។ ទេសភាព នឹងមានពណ៌ទឹកក្រូច និង ក្រហម ឫ ពណ៌មាស នៅក្នុងរដូវស្លឹកឈើជ្រុះ។
Le Cinq — Paris
នេះជាភោជនីយដ្ឋានលំដាប់ប្រណិតបំផុត មួយទៀត ដែលស្ថិតនៅក្នុងទីក្រុងប៉ារីស។ ចូលមកដល់ខាងក្នុង គឺក្រាលដោយកម្រាលព្រំ សម្រាប់ទទួលភ្ញៀវចូលបរិភោគ។ ចំពោះមុខម្ហូបពិសេសនៅក្នុងភោជនីយដ្ឋាននេះ គឺជា បង្កង ដែលយកមកពី Dublin Bay អមជាមួយនឹងទឹកជ្រលក់ mayonnaise ហើយចុងក្រោយមាននំ pancakes សម្រាប់ធ្វើជាបង្អែមលាងមាត់។
អាល្លឺម៉ង់
Vendôme — Bergisch Gladbac, near Cologne
នេះជាភោជនីយដ្ឋាន លំដាប់ប្រណិតស្ថិតនៅក្នុងប្រទេសអាល្លឺម៉ង់។ ការរចនា ដេគ័រ នៅខាងក្នុងគឺមានភាពស្រស់ស្អាតដោយលាយបញ្ចូលនូវម៉ូតបែបបុរាណ ជាមួយនឹងសម័យ។ ចំពោះមុខម្ហូបពិសេស នៅក្នុងភោជនីយដ្ឋាននេះ ជាបង្អែម banana with caramelized peanut ice cream និង Valrhona Jivara spiced milk chocolate ganache។
ម៉ូណាកូ
Le Louis XV – Alain Ducasse à l’Hôtel de Paris — Monte-Carlo
នេះជាទីតាំងល្អឥតខ្ចោះសម្រាប់អ្នកដែលចង់រកកន្លែងសម្រាប់បរិភោគអាហារ លំដាប់ប្រណិត នៅ ម៉ូណាកូ។ អ្វីគ្រប់យ៉ាងនៅក្នុងភោជនីយដ្ឋានមួយនេះ ត្រូវបានតុបតែងទៅដោយពណ៌មាស។
ស្វីស
Restaurant de l’Hôtel de Ville — Crissier, just outside Lausanne
បានទៅលេងស្វីស នេះជាភោជនីយដ្ឋានលំដាប់ ដែលអ្នកមិនគួររំលង។ មេចុងភៅ Franck Giovannini បានដឹកនាំក្រុមចុងភៅ ចំនួន ២៥ នាក់ ដើម្បីចំអិនម្ហូបយ៉ាងពិសេសជូនដល់ភ្ញៀវ។ ម្ហូបដែលល្បីក្នុងភោជនីយដ្ឋាននេះ គឺជា Gala apple tart និង roasted hazelnut ice cream។
ចិន
Taian Table — Shanghai
នេះជាភោជនីយដ្ឋាន ប្រណិត ដ៏ល្បីល្បាញ នៅក្នុងទីក្រុងសៀងហៃ។ កន្លែងអង្គុយ មានចំនួនកំណត់ ចំនួន២០នាក់ និងមីនុយមុខម្ហូប ៨មុខ រៀបចំរួចជាស្រេចសម្រាប់ត្រៀមបម្រើភ្ញៀវ។ នៅរៀងរាល់ ៦ ទៅ ៨ សប្តាហ៍ម្តង មីនុយមុខម្ហូប តែងតែផ្លាស់ប្តូរថ្មីជានិច្ច ជាមួយនឹងជម្រើសបន្ថែម ម្ហូប ២ ទៅ ៤មុខ នៅក្នុង classics ឫ specials menu។ ម្ហូបត្រូវបានចំអិន និង រៀបចំយ៉ាងម៉ត់ចត់ ដោយចុងភៅជំនាញ។ រសជាតិ មិនសាប មិនប្រៃ ហូបច្រើនយ៉ាងណាក៏មិនទ្រលាន់។
ម៉ាកាវ
Alain Ducasse at Morpheus — Macau
នេះជាភោជនីយដ្ឋាន លំដាប់ប្រណិត ដែលម្ហូបបញ្ជាក់ពីរសជាតិអឺរ៉ុប កាត់អាស៊ី ដោយហេតុ ម៉ាកាវ ធ្លាប់នៅក្រោមអាណានិគមរបស់ ព័រទុយហ្គាល់។ ភេសជ្ជៈ welcome drink ជាស្រាសាំប៉ាញ Ducasse។ ចំណែកមីនុយមុខម្ហូប របស់មេចុងភៅ ត្រូវបានជ្រើសរើសពិសេស ចំនួន ៤ មុខ សម្រាប់ចំអិនជូនភ្ញៀវបរិភោគ។
សិង្ហបុរី
Zen — Outram
នេះជាភោជនីយដ្ឋានលំដាប់ប្រណិត មានទីតាំងស្ថិតនៅក្នុងដែនដីគុជអាស៊ី នោះគឺប្រទេសសិង្ហបុរី។ នៅពេលដែលដើរចូលទៅក្នុងភោជនីយដ្ឋាននេះ អ្នកនឹងមានអារម្មណ៍ថា ដូចបានធ្វើដំណើរឆ្លងទៅកាន់ប្រទេស ស៊ុតអ៊ែត។ ដេគ័រខាងក្រៅ ជាប្រភេទ shophouse ឆ្នាំ ១៩២៦ ដែលត្រូវបានគេចាត់ទុកជាប្រភេទសំណង់បេតិកភ័ណ្ឌ នៅតំបន់អាសុីអាគ្នេយ៍។ ចំណែកដេគ័រ ខាងក្នុងវិញ ប្រើប្រាស់គ្រឿងសិង្ហារឹមទំនើប Scandi។ ភោជនីយដ្ឋាននេះ បែកចែកជា ២ ជាន់ ដោយជាន់ខាងក្រោម ជាកន្លែងសម្រាប់ទទួលទានអាហារ ហើយមីនុយមុខម្ហូប មានចំនួន ៨ មុខ។ រីឯ ជាន់ខាងលើ ជាកន្លែងសម្រាប់ទទួលទានកាហ្វេ។
តៃវ៉ាន់
A Cut — Taipei
នេះជាភោជនីយដ្ឋានលំដាប់ប្រណិត នៅតៃវ៉ាន់ ដែលមានការដេគ័រ ពោលពេញទៅដោយ កែវស្រា បញ្ជាក់ថានៅក្នុងមីនុយ មានស្រា wine លំដាប់ៗ សម្រាប់ភ្ញៀវ។ ម្ហូប ដែលពិសេសប្រចាំភោជនីយដ្ឋាននេះ ជាសាច់គោ អាំង ដែលនាំចូលមកពីសហរដ្ឋអាមេរិក និង អូស្រ្តាលី។
ថៃ
Le Normandie — Bangkok
ភោជនីយដ្ឋាននៅថៃ មួយនេះ បានក្លាយជាគោលដៅសំខាន់ សម្រាប់អ្នកចង់រកកន្លែង បរិភោគម្ហូបបារាំង លំដាប់ប្រណិត។ ទេសភាពខាងក្រៅ ភ្ញៀវអាចអង្គុយមើលដងទន្លេ ចៅប្រាយ៉ា ខណៈកំពុងបរិភោគ ម្ហូបបារាំងរសជាតិដើម ដ៏ឈ្ងុយឆ្ងាញ់។ អ្វីដែលជាចំណុចពិសេសរបស់ភោជនីយដ្ឋាននេះ គឺ គ្រឿងដែលគេយកមកផ្សំនៅក្នុងម្ហូប ជាប្រភេទគ្រឿងល្អលេខ ១ បូកជាមួយនឹងបច្ចេកទេសចំអិនរបស់ចុងភៅ បង្កើតបាននូវមុខម្ហូប ដែលមានរសជាតិឆ្ងាញ់ជាប់ចិត្ត ដូចគ្នាទៅនឹងម្ហូបរសជាតិដើមនៅបារាំង។
សហរដ្ឋអាមេរិក
Jungsik — New York
ភោជនីយដ្ឋាន នៅក្រុងញូយ៉ក មួយនេះ ត្រូវបានគេស្កាល់ថាជា “New Korean”។ វាជាកន្លែងបរិភោគអាហារលំដាប់ប្រណិត ដែលមុខម្ហូបនីមួយៗ ចម្អិនយ៉ាងយកចិត្តទុកដាក់ ពីចុងភៅ រួមជាមួយនឹងសេវាកម្ម លឿនរហ័ស រសជាតិឆ្ងាញ់ ធ្វើឱ្យភ្ញៀវជាប់ចិត្ត មកម្តងហើយ ចង់មកម្តងទៀត៕
