មូលហេតុនៃការជ្រុះសក់ និងសក់ស្តើង

ជាទូទៅ សក់របស់មនុស្សជ្រុះជារៀងរាល់ថ្ងៃចាប់ពី 50 ទៅ100សរសៃ អាស្រ័យទៅលើបរិមាណសក់ដែលអ្នកមាន ឬកត្តាអាយុ និងវដ្ដនៃការលូតលាស់សក់របស់អ្នក។

មូលហេតុសំខាន់ៗ រួមមាន៖

អាយុរកាលនៃសក់ ៖វដ្ដនៃជីវិតរបស់សក់ អំឡុងខែវិច្ឆិកា និងខែធ្នូ ជារៀងរាល់ឆ្នាំ សរសៃសក់នឹងវិវត្តមកដល់ចំណុចចុងក្រោយ ដែលជាហេតុបណ្ដាលឲ្យសក់ជ្រុះច្រើនជាងពេលណាៗទាំងអស់។

ជំងឺ ៖ បញ្ហាធំមួយទៀត គឺបណ្តាលមកពី ជំងឺរ៉ាំរ៉ៃ និងជំងឺក្រពេញទីរ៉ូអ៊ីត ឬប្រតិកម្មអាឡែហ្ស៊ីសរីរាង្គខាងក្នុង… ការឆ្លងបាក់តេរី ឆ្លងមេរោគនៃស្បែកក្បាល មេរោគផ្សិត ក៏អាចរំខានដល់ការលូតលាស់របស់សក់ផងដែរ។

កត្តាអាយុ ៖ មនុស្សដែលមានអាយុច្រើន គល់សក់ចាប់ផ្ដើមរួញស្វិត ធ្វើឱ្យជំហររបស់សក់ខ្លីជាងមុន និងចុះខ្សោយជាងមុន មិនយូរប៉ុន្មានគល់សក់ក៏ងាប់ ហើយសក់ក៏ចាប់ផ្ដើមជ្រុះមកទាំងដុំៗ។

ហ្សែន ៖ ជារឿយៗ គេសង្កេតឃើញថា អ្នកដែលមាន ឪពុក ម្តាយ និងបងប្អូនបង្កើត មានសក់ស្តើង ឬមានប្រវត្តិទំពែក ចំពោះបុរស អាចមានលទ្ធភាពប្រមាណជា 5០% អាចនឹងប្រឈមបញ្ហាដូចគ្នា ហើយបើចំពោះស្ត្រី អាចប្រឈមរហូតដល់ទៅ 7០% ។

មិនតែប៉ុណ្ណោះ មាន​កត្តារួមផ្សំមួយចំនួនទៀតដូចជា ៖
• ស្ត្រេស
• ការសម្រាកមិនគ្រប់គ្រាន់
• ការប្រើប្រាស់សាប៊ូកក់សក់ មិនត្រូវនឹងស្បែកក្បាល
• ការផ្លាស់ប្តូរសាប៊ូកក់សក់ញឹកញាប់ពេក
• បរិយាកាសក្តៅខ្លាំង
• កង្វះអាហារូបត្ថម្ភ
• ការគាប ឬកក់សក់ញឹកញាប់ពេក ក៏បណ្តាលឲ្យសក់ជ្រុះកាន់តែច្រើនផងដែរ