ម៉ាកម៉ូតល្បីៗណាខ្លះ ដែលបានចូលរួមក្នុងឧស្សាហកម្មម្ហូបអាហារ? ហាងកាហ្វេ និងភោជនីយដ្ឋានចំនួន 4 ទទួលបានការចាប់អារម្មណ៍យ៉ាងខ្លាំង

ម៉ូត និងម្ហូបអាហារ រួមបញ្ចូលជាការរស់នៅក្នុងចង្រ្កានតែមួយ គឺមិនមែនជារឿងចម្លែកនោះទេ! ប្រិយមិត្តអាចក្រឡេកទៅមើលម៉ាកម៉ូតល្បីៗ ដែលបានចូលរួមនៅក្នុងឧស្សាហកម្មម្ហូបអាហារ រាប់ចាប់ពីតំបន់ Ginza ក្នុងទីក្រុងតូក្យូ រហូតដល់ប្រទេសសិង្ហបុរី ពិតជាបង្ហាញឱ្យឃើញថា មនុស្សជំនាន់ថ្មីកាន់តែស្វែងរកបទពិសោធន៍ថ្មីៗនៅក្នុងការរស់នៅ និងការសហការគ្នារវាងម៉ូត-ម្ហូបអាហារបានឈានដល់កម្រិតកំពូលនាពេលថ្មីៗនេះ។

ទាំងគុណភាព និងភាពច្នៃប្រឌិតនៃអាហារគឺគួរឱ្យភ្ញាក់ផ្អើល!

Saint Laurent

នាយកច្នៃប្រឌិត Saint Laurent លោក Anthony Vaccarello គឺជាអ្នកគាំទ្រអាហារស៊ូស៊ី! ដូច្នេះ នៅថ្ងៃទី 21 ខែកុម្ភៈ គាត់បានសហការជាមួយភោជនីយដ្ឋានស៊ូស៊ីដែលគាត់ចូលចិត្ត ដើម្បីបើកសាខាក្រៅប្រទេសដំបូងរបស់ Sushi Park នៅក្នុងហាង Saint Laurent Rive Droite ក្នុងទីក្រុងប៉ារីស ដែលមានឯកទេសខាងអាហារស៊ូស៊ី Edomae យ៉ាងពិតប្រាកដ។ ការតុបតែងផ្នែកខាងក្នុងហាង រួមជាមួយតន្ត្រីកំដរអារម្មណ៍ និងគ្រឿងសង្ហារិមទាំងអស់ត្រូវបានស្នើឡើងដោយលោក Anthony Vaccarello… បន្ថែមពីនោះ ចានម្ហូបអាហារ និងតុត្រូវបានផលិតដោយលោក Saint Laurent ផ្ទាល់។ មនោសញ្ចេតនានៃវប្បធម៌បារាំងជួបនឹងម្ហូបបូព៌ាបែបប្រពៃណី គឺជាការរួមបញ្ចូលគ្នាយ៉ាងប្រណិតបំផុត។

ទីតាំង ៖ 8, rue du 29 Juillet, 75001 Paris

Prada

Prada Caffè ដែលទើបនឹងបើកក្នុងប្រទេសសិង្ហបុរី មិនត្រឹមតែជាហាងកាហ្វេដំបូងគេនៅអាស៊ីប៉ុណ្ណោះទេ ប៉ុន្តែក៏ជាសាខាទី 3 បន្ទាប់ពីទីក្រុង Milan និងទីក្រុងឡុងដ៍ផងដែរ។ នៅពេលអ្នកឈានជើងចូលហាងភ្លាម អ្នកនឹងត្រូវបានស្វាគមន៍ដោយផ្ទៃជញ្ជាំងពណ៌បៃតងស្រាលរបស់ម៉ាកយីហោ ព្រមទាំងសាឡុង កៅអី និងកម្រាលឥដ្ឋពណ៌ខ្មៅ លាយស។
Prada Caffè ផ្តល់ជូននូវមុខម្ហូបអាហារ និងភេសជ្ជៈជាច្រើនមុខ រាប់ចាប់ពីអាហារពេលព្រឹករហូតដល់ស្រាក្រឡុកនាពេលពេលល្ងាច ដែលបង្ហាញពីភាពឆើតឆាយរបស់វប្បធម៌ប្រទេសអ៊ីតាលី។

ទីតាំង ៖ 2 Orchard Turn, ION Orchard, Singapore 238801

Dior

ខណៈពេលដែល Saint Laurent បាននាំយកម្ហូបអាស៊ីទៅកាន់ទីក្រុងប៉ារីស យីហោបារាំងដ៏សំខាន់មួយទៀតគឺ “Dior” បាននាំយកម្ហូបបារាំងបុរាណមកតំបន់អាស៊ីវិញ នៅហាង Sichuan Café Dior។ ពួកគេបានអញ្ជើញមេចុងភៅផ្កាយ 5 ឱ្យសហការគ្នា ដើម្បីបង្កើតជាស៊េរីនៃបង្អែមដ៏ឈ្ងុយឆ្ងាញ់ដោយប្រើប្រាស់ធាតុរឿងព្រេងនិទានផ្សេងៗពីប្រវត្តិសាស្រ្តរបស់ Dior ជាប្រធានបទ។

ទីតាំង ៖ Café Dior Taikoo Li Chengdu

Armani/Ristorante

ចាប់តាំងពីចូលក្នុងឧស្សាហកម្មភោជនីយដ្ឋានក្នុងឆ្នាំ 1998 អាណាចក្រម្ហូបអាហាររបស់ Giorgio Armani បានពង្រីកសាខារហូតដល់ចំនួន 24 ជុំវិញពិភពលោក។ ភោជនីយដ្ឋាននេះមានឯកទេសខាងម្ហូបបែបប្រពៃណីអ៊ីតាលី ហើយត្រូវបានស្នើឡើងដោយលោក Antonio D’Angelo មេចុងភៅប្រតិបត្តិនៃក្រុមហ៊ុន Armani Restaurants Group ។ ម្ហូបប្រចាំហាង គឺ Cannelloni Genovese ដែលមានរួមបញ្ចូលទឹកជ្រលក់សាច់គោ Stewed អស់រយៈពេល 6 ម៉ោង។ គ្រឿងសង្ហារិមរបស់ហាង Armani/Ristorante គឺផលិតដោយខ្លួនឯងពីស៊េរី Armani/Casa ។