ម៉ូតសំលៀកបំពាក់​ក៏ស្អាត មនុស្សក៏មានមន្តស្នេហ៍ Lisa មានភាព​ទាក់ទាញខ្លាំង​នៅ​ទីក្រុងប៉ារីស

Lisa សមាជិកក្រុម Blackpink (ឈ្មោះពេញ Lalisa Manobal) បានធ្វើ​ឲ្យ​មាន​ការភ្ញាក់ផ្អើលយ៉ាងខ្លាំងមួយ នៅពេលដែលនាងត្រូវបានគេប្រទះឃើញនាងបានមកដល់កម្មវិធីគម្រប់ខួប 10 ឆ្នាំរបស់ Nicolas Ghesquière សម្រាប់ក្រុមហ៊ុន Louis Vuitton ក្នុងទីក្រុងប៉ារីសកាលពីយប់ថ្ងៃអង្គារ ។

វត្តមាន​របស់​សមាជិក​ Blackpink ដ៏​ស្រស់ស្អាត រឹត​តែ​មាន​ភាព​ទាក់ទាញ ពេល​នាង​តុបតែងខ្លួន​ដោយ​គ្រងអាវធំពណ៌ផ្កាឈូកតុបតែងលម្អដោយ​ម៉ូតផ្កា​ដ៏​ស្រស់ស្អាតបញ្ជាក់អត្ថន័យថា ផ្ការីកនារដូវក្ដៅ បូក​ជាមួយនឹងខោស្បែកខ្មៅខ្លី ខោជើងវែងជង្គង់ និងស្នប់រូបចម្លាក់ ផ្តល់ភាពទាក់ទាញ​មិន​ធម្មតា។

 

ដោយសារ​តែ​បែប​នេះ Lisa ទាក់ទាញ​ការ​ចាប់​អារម្មណ៍​ខ្លាំង ដោយ​នាង​បាន​ចូល​កម្មវិធី​ក្រោម​សំឡេងហ៊ោកញ្ជៀវ ហៅ​ឈ្មោះ​នាង​ចំ​ៗថា “Lisa Lisa…” ពី​ក្រុម​អ្នក​គាំទ្រ​របស់​នាងជាច្រើន។

Photo Credit: Kristy Sparow/Getty Images

គយគន់សម្រស់ និង​ម៉ូត​សំលៀកដែល​ផ្សំផ្គុំបានជាមន្តស្នេហ៍ឆាបយក​បេះដូង​អ្នក​គាំទ្រយ៉ាងសម្បើម៕