ថែសុខភាព​ក្នុងរដូវក្តៅនេះ! ហូប​តែ​ទឹកស្អាត ជួយ​យើង​ព្យាបាលជំងឺជាច្រើនទៅហើយ!

ការ​ទទួល​បាន​ទឹក​គ្រប់​គ្រាន់​ជា​រៀង​រាល់​ថ្ងៃ​គឺ​សំខាន់​សម្រាប់​សុខភាព​របស់​អ្នក។ ការទទួលទានទឹកគ្រប់គ្រាន់អាចជួយទ្រទ្រង់ដំណើរការរាងកាយអ្នក ទប់ស្កាត់ការឡើងកម្តៅនៃរាងកាយ និងការទល់លាមក ម្យ៉ាងអាចជួយការពារពីបញ្ហាគ្រួសក្នុងតម្រងនោម។ល។

រាងកាយរបស់មនុស្សមានផ្ទុកជាតិទឹកប្រមាណ​ប្រហែល 60% ។

អ្នកវិទ្យាសាស្រ្តបានធ្វើការណែនាំជាទូទៅ ថាអ្នកត្រូវផឹកទឹកឱ្យបានប្រាំបីកែវ 8 កែវ (237-ml) ក្នុងមួយថ្ងៃ (ច្បាប់ 8 × 8) ។

ខាងក្រោមនេះគឺជាអំណះអំណាងពិសេស

អត្ថប្រយោជន៍សុខភាពនៃការទទួលទានទឹកឱ្យបានគ្រប់គ្រាន់ ៖

1. ជួយបង្កើនប្រសិទ្ធភាពរាងកាយ
ប្រសិនបើអ្នកមិនបានរក្សាជាតិទឹកនៅក្នុងខ្លួនឱ្យបានគ្រប់គ្រាន់ទេ សរីរាង្គរាងកាយរបស់អ្នកអាចចុះខ្សោយ និងងាយទទួលរងជំងឺផ្សេងៗ។ ​ ការខ្វះជាតិទឹកអាចមានឥទ្ធិពលអាក្រក់ដល់សុខភាពយ៉ាងខ្លាំង ប្រសិនបើអ្នកបាត់បង់ជាតិទឹក 2% នៃសារពាង្គកាយរបស់អ្នក។ 

2. អាចជួយការពារ និងព្យបាលសភាពឈឺក្បាល
ការស្រាវជ្រាវបានបង្ហាញថា អាការឈឺក្បាលគឺជារោគសញ្ញាមួយក្នុងចំណោមរោគសញ្ញាទូទៅបំផុតនៃការខ្វះជាតិទឹកនៅក្នុងរូបរាងកាយ។ លើសពីនេះ ការសិក្សាមួយចំនួនទៀតបានបង្ហាញថា ការទទួលទានទឹកបានគ្រប់គ្រាន់អាចជួយបំបាត់អាការឈឺក្បាលចំពោះអ្នកដែលធ្លាប់ឈឺក្បាលញឹកញាប់។
3. អាចជួយកាត់បន្ថយការទល់លាមក
ការទល់លាមកគឺជាបញ្ហាទូទៅ ចំពោះនរណាដែលបញ្ហាមិនប្រក្រតីនៅក្នុង ពោះវៀន និងពិបាកក្នុងការបន្ទោរបង់។ ការបង្កើនជាតិទឹក ត្រូវបានណែនាំជាផ្នែកនៃការព្យាបាលបញ្ហានេះ ហើយវាត្រូវបានគេទទួលស្គាល់ថាពិតជាមានប្រសិទ្ធិភាពទៅលើបញ្ហានេះពិតមែន។

4. អាចជួយព្យាបាលគ្រួសក្នុងតម្រងនោម
គ្រួសក្នុងតម្រង់នោម គឺជាដុំគ្រួសថ្មតូចៗដែលបង្កឱ្យមានឈឺចាប់ ហើយវាកើតមានក្នុងប្រព័ន្ធទឹកនោម។ ការ​ទទួល​ទាន​ជាតិ​ទឹក​ខ្ពស់​បង្កើន​បរិមាណ​ទឹកនោម​ដែល​ឆ្លងកាត់​តម្រងនោម ដូច្នេះអ្នកនឹងមិនមានការឈឺចាប់នៅពេលបន្ទោរបង់ឡើយ ម៉្យាង អាចការពារអ្នកពីបញ្ហាតម្រង់នោមដូចគ្នា។
5. អាចជួយសម្រកទម្ងន់
ទទួលទានទឹកច្រើន ក៏ជាជំនួយក្នុងការសម្រកទម្ងន់។ ក្រោមមូលហេតុសាមញ្ញផ្សេងៗ គឺ ទឹកអាចជួយបង្កើនការឆ្អែត និងជម្រុញអត្រាមេតាបូលីសក្នុងរាងកាយរបស់អ្នក។