រូបភាពប៉ុន្មានសន្លឹករបស់អតីតតារាល្បី K-Pop កំពុងវាយលុកបណ្តាញសង្គមនៅកូរ៉េ

Minah អតីតសមាជិកក្រុមតារា K-Pop កូរ៉េ Girl’s Day បានធ្វើឱ្យប្រិយមិត្តដែលជាអ្នកគាំទ្រនាង មានការភ្ញាក់ផ្អើល ក្រោយពីបានបង្ហោះរូបភាពប៉ុន្មានសន្លឹកនៅលើគណនីបណ្តាញសង្គម Instagram។ Minah បានបង្ហោះរូបភាពដ៏សែនសិចស៊ី នៅក្នុងដំណើរកម្សាន្តរដូវក្តៅនៅក្រៅប្រទេស។

អតីតតារា K-pop រូបនេះ ពាក់អាវពណ៌បៃតង ជាមួយនឹងខោទ្រនាប់ពណ៌ស គេងសំដិលខ្លួន ហើយរូបភាពរបស់នាងកំពុងល្បីល្បាញពេញបណ្តាញសង្គម នៅកូរ៉េ។ ក្រៅពីឈុតនេះ គេក៏បានសង្កេតឃើញ Minah ដើរលេងនៅជុំវិញទីក្រុង ដោយយូរជាប់ជាមួយនឹងកាបូបមួយ ដែលមើលទៅសាមញ្ញ ប៉ុន្តែស្អាត និង សុីវិល័យ។

ក្នុងពេលបច្ចុប្បន្ន អតីតសមាជិកក្រុមតារា K-pop កូរ៉េរូបនេះ មានវ័យ ៣១ឆ្នាំ។ បើទោះបីជាមានវ័យច្រើនបន្តិចក្តី ប៉ុន្តែរូបរាង និងសម្រស់របស់នាងហាក់នៅក្មេងជាងវ័យ។ នាងបានចាប់ផ្តើមប្រឡូកនៅក្នុងវិស័យសិល្បៈជាមួយ Girl’s Day នៅអំឡុងឆ្នាំ ២០១០ ហើយក្រោយមកប្រជាប្រិយភាពរបស់នាងបានកើនឡើងយ៉ាងខ្លាំង នៅក្នុងស្រទាប់យុវវ័យដែលស្នេហាវិស័យ K-pop៕