លោក សេង ប៊ុនមៀង អ្នករចនាម៉ូតដ៏មានទេពកោសល្យ និងពោរពេញទៅដោយចក្ខុវិស័យច្នៃប្រឌិត

លោក សេង ប៊ុនមៀង កើតនិងធំធាត់នៅក្នុងប្រទេសកម្ពុជា លោកគឺជាកូនពៅក្នុងគ្រួសារ ដែលមានបងប្អូន៤នាក់។ លោក ប៊ុនមៀង បានសិក្សាផ្នែករចនាម៉ូដនៅសាលាវិចិត្រសិល្បៈ ហើយបានបន្តរការសិក្សាផ្នែករចនានៅ Bratislava រដ្ឋធានីប្រទេសស្លូវ៉ា និង និងពីវិទ្យាស្ថានរចនាអន្តរជាតិ Chanapatana ទីក្រុងបាងកក ប្រទេសថៃ ជាទីកន្លែងដែលលោកទទួលសញ្ញាប័ត្រផ្នែករចនាម៉ូត។

លោក ប៊ុនមៀង មិនគ្រាន់តែជាអ្នកច្នៃប្រឌិតដ៏សម្បូរបែប ដែលផ្តោតលើការរចនាសម្លៀកបំពាក់ដ៏ទាក់ទាញ ប៉ុណ្ណោះទេ ប៉ុន្តែលោកគឺជាអ្នកតស៊ូមតិសម្រាប់សិប្បករ LGBTIQA ក្នុងប្រទេសកម្ពុជា ដោយលើកតម្កើងសិទ្ធិ និងច្នៃប្រឌិតរបស់ពួកគេនៅក្នុងសហគមន៍ ព្រមទាំងប្រឈមនឹងឧបសគ្គនៃទស្សនៈអភិរក្សនិយមក្នុងវិស័យអាជីពកាត់ដេរកម្ពុជាដែលលក្ខណៈតូចចង្អៀតផងដែរ។

នៅក្នុងការរចនាម៉ូតរបស់លោក ភាគច្រើនលោកបានជ្រើសរើសពណ៌ Earthy Tones និងសម្ភារៈច្នៃម៉ូតគ្មានផលប៉ះពាល់ដល់បរិស្ថាន(Sustainable Materials) ដើម្បីបង្កើតម៉ូតដែលសម្របតាមរាងកាយអ្នកស្លៀកពាក់។ ការងាររបស់លោកឆ្លុះបញ្ចាំងពីភាពស៊ីជម្រៅនៃវប្បធម៌ចម្រុះ និងការតស៊ូដើម្បីពិភពលោកដ៏ប្រសើរជាងមុន។

លោក ប៊ុនមៀង បានរៀបចំតម្លើងស្នាដៃ តាមរយៈការរៀបចំព្រឹត្តិការណ៍បង្ហាញម៉ូត និងយកចិត្តទុកដាក់លើការលើកស្ទួយសិល្បៈកម្ពុជា។ តាមរយៈស្នាដៃរបស់គាត់ លោកចង់បញ្ជាក់ថា “អ្នករចនាម៉ូតអាចជាអ្នកផ្លាស់ប្តូរសង្គម” ដោយបញ្ចូលសារសំខាន់ៗអំពីភាពចម្រុះ និងនិរន្តរភាព។ ជាមួយនឹងភាពឧស្សាហ៍ព្យាយាម និងអារម្មណ៍ដ៏កក់ក្តៅចំពោះសិល្បៈ លោក សេង ប៊ុនមៀង បានបន្តដឹកនាំវិស័យរចនាម៉ូតកម្ពុជាឆ្ពោះទៅអនាគតប្រកបដោយភាពច្នៃប្រឌិត និងបានរួមចំណែកយ៉ាងសកម្មដល់ការអភិវឌ្ឍសង្គម។ ស្នាដៃរបស់គាត់គឺជាសារដ៏ខ្លាំងក្លាមួយអំពីសេរីភាព ភាពចម្រុះ និងការគោរពធម្មជាតិ។