“𝐊𝐀𝐋𝐊𝐈𝐍 𝐕𝐈𝐒𝐇𝐍𝐔” ការដើរបង្ហាញម៉ូតសម្លៀកបំពាក់ស្នាដៃកូនខ្មែរ ប្រចាំឆ្នាំ 2025

អ្នកច្នៃម៉ូដសម្លៀកបំពាក់ល្បីឈ្មោះ របស់ប្រទេសកម្ពុជា គឺលោក អូលីវ៉ា គង់ បានបើក Show បង្ហាញនូវម៉ាកប្រេន ឈ្មោះ “𝐊𝐀𝐋𝐊𝐈𝐍 𝐕𝐈𝐒𝐇𝐍𝐔” ដែលជាការបង្ហាញដ៏អស្ចារ្យនៃវប្បធម៌ខ្មែរ និងសិល្បៈសហសម័យ។

𝐊𝐀𝐋𝐊𝐈𝐍 𝐕𝐈𝐒𝐇𝐍𝐔 គឺជាការបង្ហាញម៉ូតដ៏គួរឱ្យស្ញប់ស្ញែងនៃការរចនាម៉ូតចម្រុះ បញ្ចូល រវាងវប្បធម៌ខ្មែរ នឹងសិល្បៈសហសម័យ។

ការលាយបញ្ចូលគ្នានៃសិល្បៈហត្ថកម្មបុរាណ ជាមួយទំនើបកម្ម បានបង្កើតនូវរូបភាពនៃគួរឱ្យទាក់ទាញ បង្ហួតបង្ហាញពីវប្បធម៌ខ្មែរដ៏សម្បូរបែប ដែលអាចបោះជំហានឆ្ពោះទៅមុខ ដើម្បីប្រកួតប្រជែងនៅក្នុងពិភពម៉ូតលំដាប់ពិភពលោកនាពេលបច្ចុប្បន្ន។ វត្តមានតារាជាច្រើនរូប បានចូលរួមបង្ហាញម៉ូតនៅលើឆាកដ៏វែង អមដោយឈុតសម្លៀកបំពាក់ប្រណិត ដែលរចនាឡើងក្នុងគោលបំណងគោរពដល់បេតិកភណ្ឌសម្បូរបែបរបស់កម្ពុជា ។

គួរបញ្ជាក់ផងដែរ លោក អូលីវ៉ា គង់ – Oliva Kong អ្នករចនាម៉ូត និងស្ថាបនិកប្រេន 𝐊𝐀𝐋𝐊𝐈𝐍 បានរិះរកវិធីសាស្រ្ត គំនិតថ្មីៗ ច្នៃម៉ូតសម្លៀកបំពាក់ បង្ហាញពីអត្តសញ្ញាណរបស់ខ្មែរ ដើម្បីបង្ហាញជូនដល់មហាជនជាតិ និងអន្តរជាតិបានស្គាល់អំពីតម្លៃនៃសិល្បៈបុរាណ រួមបញ្ចូលជាមួយសិល្បៈសហសម័យយ៉ាងស្រស់ស្អាតបំផុត… ឈុតដែលចេញមកពីស្នាដៃរបស់លោកសុទ្ធសឹងតែប្រកបដោយភាពច្នៃប្រឌិតខ្ពស់ និងបង្កប់ភាពស្រស់ស្អាតយ៉ាងខ្លាំង។

ទស្សនារូបភាពម៉ូតខាងក្រោម…