មកមើលក្រវិលប៉ុន្មានប្រភេទនេះ ធានាថាលែងពិបាក ក្នុងការជ្រើសរើសម៉ូតសម្រាប់ពាក់ទៀតហើយ

ក្រវិល ជាគ្រឿងលម្អខ្លួនរបស់ស្រ្តី ដែលមិនអាចខ្វះបាន នៅក្នុងចំណោមគ្រឿងអលង្ការ ទាំងអស់ដែលពាក់នៅលើខ្លួន។ ក្រវិល បានចេញម៉ូតជាច្រើនប្រភេទ មានទាំងប្រភេទមាស ពេជ្រ ផ្លាទីន និង គុជ ជាដើម។ យ៉ាងណាមិញ ប្រភេទក្រវិលដែលកំពុងទទួលបានការពេញនិយម ស្ថិតនៅក្នុង Trending មានមិនច្រើននោះទេ។

ខាងក្រោមនេះជាប្រភេទក្រវិល ដែលកំពុងពេញនិយម ៖

Gemstone Earrings

ក្រវិល​ត្បូង​ Gemstone ជា​ជម្រើស​មិនសូវឆើតឆាយពេក​ ប៉ុន្តែ​ស្រស់​ស្អាត។ ក្រវិលប្រភេទនេះត្រូវបានគេរចនាមកជាមួយនឹងពណ៌ រូបរាង មានភាពទាក់ទាញ។ ចំណែកប្រភេទត្បូងសម្រាប់ក៏មានច្រើនប្រភេទដែរ ដូចជា ត្បូងគ្រីស្តាល់ ត្បូងទទឹម និង ត្បូងកណ្តៀង។ បន្ថែមពណ៌ចម្រុះ ដើម្បីជួយលើកសម្រស់សម្លៀកបំពាក់របស់អ្នក ជាមួយក្រវិល Gemstone។

Threader Earrings

ក្រវិលម៉ូតនេះ​ មាន​ការ​ពេញ​និយម​ខ្លាំង​ណាស់​ព្រោះ​វា​មាន​លក្ខណៈ​ប្លែក​ស្អាត ហើយ​អាច​ពាក់លេងស្តាយ​បាន​ច្រើនទម្រង់។ ម៉ូតក្រវិល​នេះស័ក្តិសមសម្រាប់អ្នកចូលចិត្តលេងខ្លួនបែបហ្វេស្សិន។ ​អ្នក​ក៏​អាច​ពាក់វា​គេង​បាន​ដែរ ដោយមិនមានផលរំខាន និងមិនចាំបាច់ដោះចេញនោះទេ។

Pearl Earrings

ក្រវិលគុជខ្យង ​ត្រលប់មកវិញហើយ ជាមួយនឹងការរចនាម៉ូតបែបបុរាណ ប៉ុន្តែមិនសុាំភ្នែកនោះទេ។ គុជខ្យង ថ្វីត្បិតតែជាគ្រឿងអលង្ការបែបបុរាណ ប៉ុន្តែវាត្រូវបានគេយកមកច្នៃជាក្រវិល ដ៏ទាន់សម័យ និងផ្តល់នូវភាពថ្លៃថ្នូរដល់អ្នកពាក់ថែមទៀតផង។ ចំណែកគុជ​ក៏​មាន​ច្រើន​ពណ៌​ដូច​ជា ស ផ្កាឈូក និង​ខ្មៅ សម្រាប់លោកអ្នកជ្រើសរើស។

Huggies

ក្រវិល Huggie គឺជាក្រវិលមួយប្រភេទទៀត ដែលស្ថិតនៅក្នុងបញ្ជីក្រវិលបែបប្រពៃណី។ ក្រវិល​ទាំង​នេះ​ត្រូវបានគេរចនាមក ធ្វើឱ្យអ្នកពាក់មានអារម្មណ៍ស្រួល​ត្រចៀក និង មិនឈឺនៅពេលពាក់វាយូរ។

Oversized Yellow Gold Hoops

ក្រវិលមាសពណ៌លឿងគឺជាគ្រឿងលម្អខ្លួនដ៏សំខាន់មួយ ដែលត្រូវតែមាននៅក្នុងទូរគ្រឿងអលង្ការរបស់ស្រ្តី។ បុរាណ​មិន​ចេះ​ចប់​ដែល​បច្ចុប្បន្ន​កំពុង​មាន​ប្រជាប្រិយភាព​ខ្លាំង។ ក្រវិល​មាសនេះ ត្រូវបានគេរចនាវា​ឱ្យមានទំហំ​ធំ​ជាង​មុន​ ប៉ុន្តែវានៅតែរក្សាបាននូវភាពស្រស់ស្អាត។

Chain Link Earrings

ក្រវិលនេះ ជាប្រភេទខ្សែច្រវ៉ាក់ ដែលមានភាពទាន់សម័យ។ ក្រវិល​ទាំងនេះ​មាន​តំណភ្ជាប់​វែងៗ​ដែល​មាន​​រូបរាង​ឆើតឆាយ។ វាស័ក្តិសមសម្រាប់ការពាក់ជាមួយនឹងស្តាយលេងខ្លួនបែបយុវវ័យ ពិសេសសម្រាប់ការចូលរួមពិធីជួបលៀង ឫ ពេលដើរលេងកម្សាន្តជាដើម។

Colorful Statement Earrings

ក្រវិលប្រភេទនេះ ត្រូវបានគេរចនាមកមានលក្ខណៈទំនើប និងទាន់សម័យ។ ម៉ូតនេះ ស័ក្តិសមសម្រាប់អ្នកចូលចិត្តបន្ថែមត្បូងចម្រុះពណ៌ ដើម្បីជួយលើកសម្រស់សម្លៀកបំពាក់។ ការបន្ថែមពណ៌បែបឆើតឆាយ ក៏ជាវិធីងាយស្រួលក្នុងការបង្ហាញពីបុគ្គលិកលក្ខណៈរបស់អ្នក។

Traditional Diamond Studs

ក្រវិលប្រភេទនេះ ជាប្រភេទ ពេជ្រ ចរណៃ និងជា​ក្រវិល​ដែល​មនុស្ស​ស្រីស្រឡាញ់បំផុត។ ក្រវិលពេជ្រមួយឈុតនេះ នឹងក្លាយជា Trend ដែលមានការពេញនិយម មិនជិនណាយ ហើយតែងតែមានការរចនាម៉ូតថ្មីជានិច្ច។ ជាការពិត ​អ្នកនឹងមិន​អាច​មើល​រំលងពី​ពន្លឺ​នៃ​ត្បូង​ពេជ្រ​ដ៏​ស្រស់​ស្អាតមួយនេះបាននោះទេ។ មិនថាអ្នកពាក់វាទៅការិយាល័យ ឬចេញទៅដើរលេងកម្សាន្ត ក្រវិលពេជ្រមួយគូគឺល្អឥតខ្ចោះ៕