ខ្មែរ
English
អាកាសយានដ្ឋានអន្តរជាតិ Hamad របស់ទីក្រុង Doha នៃប្រទេសកាតា បានជាប់ឈ្មោះក្លាយជាអាកាសយានដ្ឋានដែលល្អ និងទំនើបបំផុត ព្រមទាំងផ្តល់ផាសុកភាពជាទីគាប់ចិត្តសម្រាប់អ្នកដំណើរគ្រប់រូប ដោយបានឡើងកាន់តំណែងទីមួយ បន្ទាប់ពីអាកាសយានដ្ឋាន Changi ប្រទេសសិង្ហបុរីគ្រងមកជាប់រហូតដល់ 12 ដង ដោយយោងតាមទិន្នន័យបញ្ជីរបស់ Skytrax។
បន្ថែមពីលើចំណាត់ថ្នាក់ជាអាកាសយានដ្ឋានល្អបំផុតប្រចាំពិភពលោក អាកាសយានដ្ឋានអន្តរជាតិ Hamad ក៏ជាប់ចំណាត់ថ្នាក់ទី 1 នៅក្នុងប្រភេទផ្សារទំនើបដែលមានស្តង់ដារខ្ពស់ផងដែរ មានបរិយាកាសស្រស់ស្អាត និងទំនើបសកម្មនៅ មជ្ឈិមបូព៌ា ។
អាកាសយានដ្ឋានអន្តរជាតិ Changi របស់ប្រទេសសិង្ហបុរី បានបាត់បង់តំណែង ជាអាកាសយានដ្ឋានល្អបំផុតរបស់ពិភពលោក ប៉ុន្តែទោះយ៉ាងណាក្តី Changi នៅតែជាអាកាសយានដ្ឋានលំដាប់នៅក្នុងតំបន់អាស៊ី ហើយថែមទាងបានឈ្នះពានរង្វាន់ទៅលើសេវាកម្មអន្តោប្រវេសន៍អាកាសយានដ្ឋានល្អ។
គួរបញ្ជាក់ផងដែរថា Skytrax គឺជាអង្គការអន្តរជាតិពិនិត្យវាយតម្លៃទៅលើការដឹកជញ្ជូនតាមរយៈផ្លូវអាកាស ដែលមានមូលដ្ឋានផ្ទាល់នៅចក្រភពអង់គ្លេស។ ជារៀងរាល់ឆ្នាំ Skytrax តែងតែរៀបចំការស្រាវជ្រាវយ៉ាងទូលំទូលាយដើម្បីស្វែងរកព្រលានយន្តហោះ និងក្រុមហ៊ុនអាកាសចរណ៍ណាដែលល្អបំផុតនៅលើពិភពលោក។
ក្រោយការស្រាវជ្រាវថ្មីរបស់ Skytrax ក៏បានបញ្ចេញរបាយការណ៍ចុងក្រោយបង្ហាញអំពីអាកាសយានដ្ឋានប្រកបដោយលក្ខណៈល្អបំផុតនៅលើពិភពលោកក្នុងឆ្នាំ 2024 រួមមាន ៖
- ចំណាត់ថ្នាក់
1. អាកាសយានដ្ឋានអន្តរជាតិ Hamad ទីក្រុងដូហា, ប្រទេសកាតា
2. អាកាសយានដ្ឋានអន្តរជាតិ Changi, ប្រទេសសិង្ហបុរី
3. អាកាសយានដ្ឋានអន្តរជាតិ Incheon ទីក្រុងសេអ៊ូល, ប្រទេសកូរ៉េខាងត្បូង
4. អាកាសយានដ្ឋានអន្តរជាតិ Haneda ទីក្រុងតូក្យូ, ប្រទេសជប៉ុន
5. អាកាសយានដ្ឋានអន្តរជាតិ Narita ទីក្រុងតូក្យូ, ប្រទេសជប៉ុន
6. អាកាសយានដ្ឋានអន្តរជាតិ Charles de Gaulle, ទីក្រុងប៉ារីស ប្រទេសបារាំង
7. អាកាសយានដ្ឋានអន្តរជាតិ Dubai, ប្រទេសអារ៉ាប់រួម
8. អាកាសយានដ្ឋានអន្តរជាតិ Munich, ប្រទេសអាល្លឺម៉ង់
9. អាកាសយានដ្ឋានអន្តរជាតិ Zurich, ប្រទេសស្វីស
10. អាកាសយានដ្ឋានអន្តរជាតិ Istanbul, ប្រទេសតួកគី
