តាមកាសែត The Guardian អារ៉ាប៊ីសាអូឌីត នឹងហាមប្រាមគ្រឿងស្រវឹងនៅក្នុងព្រឹត្តិ្កការណ៍ World Cup ដូចប្រទេសកាតាដែរ

យោងតាមកាសែត The Guardian បានចេញផ្សាយថា ការប្រកួតបាល់ទាត់ពិភពលោកឆ្នាំ 2034 នឹងធ្វើឡើងនៅប្រទេសអារ៉ាប៊ីសាអូឌីត ដែលការលក់គ្រឿងស្រវឹងនឹងត្រូវបានហាមឃាត់នៅខាងក្នុងកីឡដ្ឋាន ដែលស្រដៀងនឹងគោលការណ៍ក្នុងអំឡុងការប្រកួតបាល់ទាត់ពិភពលោកឆ្នាំ 2022 នៅប្រទេសកាតា។

ទោះបីជា FIFA បានជំរុញឱ្យមានការលក់គ្រឿងស្រវឹងនៅក្នុងកីឡដ្ឋានមុនការប្រកួតបាល់ទាត់ពិភពលោក Qatar World Cup ក៏ដោយ ក៏ផែនការចុងក្រោយបានបរាជ័យដោយសារតែការប្រឆាំងពីរដ្ឋាភិបាលកាតា ដែលបណ្តាលឱ្យមានការខាតបង់ផ្នែកហិរញ្ញវត្ថុយ៉ាងច្រើនសម្រាប់អ្នកឧបត្ថម្ភធំនៃការប្រកួត។ ដើម្បីចៀសវាងស្ថានភាពនេះកើតឡើងដដែល FIFA មិនបានដាក់សម្ពាធអារ៉ាប៊ីសាអូឌីតឱ្យអនុញ្ញាតឱ្យមានការលក់គ្រឿងស្រវឹងលើកនេះទេ។

អារ៉ាប៊ីសាអូឌីតបានហាមប្រាមគ្រឿងស្រវឹងទាំងស្រុងចាប់តាំងពីឆ្នាំ 1952 ដោយលើកលែងតែហាងតែមួយនៅក្នុងទីក្រុង Riyadh ដែលលក់គ្រឿងស្រវឹងដល់មន្ត្រីការទូតដែលមិនមែនជាមូស្លីមក្រោមលក្ខខណ្ឌពិសេស។ សម្រាប់សាធារណជនទូទៅ ការកាន់កាប់ ឬប្រើប្រាស់គ្រឿងស្រវឹងអាចនាំឱ្យមានការពិន័យធ្ងន់ធ្ងរ រួមទាំងការផាកពិន័យ ការជាប់ពន្ធនាគារ ឬសូម្បីតែការនិរទេស៕