ទំនៀមទម្លាប់នៃការប្រាព្ធបុណ្យ Christmas ប្លែកៗទូទាំងសាកលលោក ដ៏សម្បូរបែប

ប្រាកដហើយ! រដូវកាលបុណ្យ Christmas គឺជាពេលវេលានៃការជួបជុំ ដែលពោរពេញទៅដោយភាពសប្បាយរីករាយ .. .

ប្រទេសជាច្រើននៅលើពិភពលោក បានប្រារព្ធពិធីបុណ្យ Christmas ក្នុងទម្រង់នៃវប្បធម៌ និងទំនៀមទម្លាប់រៀងៗខ្លួន ដោយ ពួកគេយោងតាមជំនឿ ឬឥទ្ធិពលរឿងព្រេងនិទានវេទមន្តក្នុងតំបន់នោះ។

ទំនៀមទម្លាប់នៃការប្រាព្ធពិធីបុណ្យ Christmas ប្លែកៗ ទាំង 7 នេះ នឹងនាំមកនូវភាពសប្បាយរីករាយដ៏សម្បូរបែប និងឆ្លុះបញ្ចាំងពីភាពអស្ចារ្យនៃការជួបជុំគ្នាក្នុងរដូវវិស្សមកាល ជាពិសេស ផ្តល់នូវការយល់ដឹងអំពីរបៀបដែលប្រជាជនតាមប្រទេសនីមួយៗទូទាំងពិភពលោកប្រារព្ធពេលវេលាពិសេសនេះ។

ប្រទេសអូទ្រីស “The Krampus Run”

ការប្រារព្ធពិធីបុណ្យ Christmas នៅប្រជាជននៃប្រទេសអូទ្រីស តែងតែរាប់បញ្ចូលការស្លៀកពាក់ជា Krampus ដើរដង្ហែរតាមដងផ្លូវ បង្កើតជាទស្សនីយភាពដ៏គួរឱ្យចាប់អារម្មណ៍។
Krampus គឺជាឥស្សរជនដុះស្នែង ដែលដាក់ទណ្ឌកម្មលើកុមារប្រព្រឹត្តរឿងខុសឆ្គងអំឡុងរដូវកាល Christmas។
ការប្រារព្ធពិធី Krampus Run ចាប់ផ្តើមនៅថ្ងៃទី 5 ខែធ្នូ ស្របពេលជាមួយនឹង ពិធីបុណ្យ St. Nicholas ។

ប្រទេសជប៉ុន “A KFC Feast”

បុណ្យ Christmas មិនមែនជា ថ្ងៃបុណ្យជាតិរបស់ប្រទេសជប៉ុនទេ ប៉ុន្តែប្រពៃណីមួយនេះបានជះឥទ្ធិពលយ៉ាងខ្លាំងដល់ប្រជាជនជប៉ុនទាំងអស់។ “A KFC Feast” ចាប់ប្រារព្ធឡើងតាំងពីឆ្នាំ 1970 ជាមួយឈុតអាហារពី Kentucky Fried Chicken (KFC) ដែលវាតំណាងឱ្យការជួបជុំ អាហារពេលល្ងាចពិធីបុណ្យ Christmas នៅប្រទេសជប៉ុន។

ប្រទេសន័រវេស “Broom Hiding”

ទំនៀមទម្លាប់ដែលនៅស្ថិតស្ថេរជាប់រហូតអំឡុងរដូវកាល Christmas ក្នុងប្រទេសន័រវេស គឺ “Broom Hiding” គឺជាការលាក់អំបោសនៅថ្ងៃ Christmas ដើម្បីមិនឱ្យមេធ្មប់ ឬវិញ្ញាណអាក្រក់ៗលួចយកនៅពេលយប់។ នេះជាអបិយជំនឿតាំងពីបុរាណមកម្លេះ ហើយវានៅតែបន្តរហូតមកដល់បច្ចុប្បន្ន ខណៈប្រជាជនប្រទេសន័រវេសនៅតែប្រារព្ធវា។

ប្រទេសអាល្លឺម៉ង់ “The Christmas Pickle”

ប្រជាជនអាឡឺម៉ង់នឹងធ្វើការខ្លះលាក់ត្រសក់ត្រាំក្នុងកែវរាងពងក្រពើ (Pickle) នៅក្នុងដើមណូអែលរបស់ពួកគេ ហើយប្រសិនបើនរណារកឃើញវានៅព្រឹកថ្ងៃបុណ្យ Christmas មុនគេ អ្នកនោះនឹងទទួលបានកាដូបន្ថែម។ វាគឺជាទំនៀមទម្លាប់ប្រវត្តិសាស្ត្ររបស់ប្រទេសអាឡឺម៉ង់ និងទទួលបានប្រជាប្រិយភាពបំផុត។

ប្រទេសហ្វាំងឡង់ “A Christmas Sauna”

នៅក្នុងប្រទេសហ្វាំងឡង់វិញ បុណ្យ Christmas ប្រាកដជាមិនមានអត្ថន័យនេះ ប្រសិនបើពួកគេមិនរាប់បញ្ចូលការស្ទីមសូណា។ ពិធីនេះត្រូវបានបញ្ចូលយ៉ាងជ្រៅនៅក្នុងវប្បធម៌ហ្វាំងឡង់ ដែលតំណាងឱ្យការលាងជម្រះភាពមិនល្អចោលក្នុងឆ្នាំចាស់ ហើយចាប់ផ្តើមឆ្នាំថ្មីៗជាមួយអ្វីៗដែលល្អ។

ប្រទេសអ៊ីតាលី “La Befana’s Visit”

La Befana’s visit គឺជាផ្នែកដ៏ពិសេសមួយ នៃការប្រារព្ធពិធីបុណ្យណូអែលនៅក្នុងប្រទេសអ៊ីតាលី ដែលវាបង្ហាញពីការបញ្ចប់នៃរដូវកាលវិស្សមកាល។ ពិធីនេះត្រូវបានចាត់ទុកថាជាអំណោយដ៏ពីមេធ្មប់ចិត្តធម៌ La Befana ព្រោះវិស្សមកាលនឹងត្រូវការពន្យារពេលរហូតដល់ថ្ងៃទី 6 ខែមករា ដើម្បី ការប្រារព្ធពិធីរបស់ប្រទេសអ៊ីតាលីមាន La Befana ដែលជាមេធ្មប់ដែលមានចិត្តសប្បុរសដែលផ្តល់អំណោយដល់កុមារ។

ប្រទេសមិចស៊ិកកូ “Las Posadas”

រយៈពេល 9 ថ្ងៃ មុនដល់ថ្ងៃ Christmas ទី25… ពីធីបុណ្យ Las Posadas នឹងប្រារព្ធឡើង ជាការបង្ហាញឡើងវិញនូវដមណើរស្វែងរកទីជំរករបស់ម៉ារី និងយ៉ូសែប។ ជារៀងរាល់ល្ងាច ក្រុមគ្រួសារទាំងអស់ចូលរួមក្នុងការដង្ហែ ច្រៀងបទភ្លេង និងកាន់ទៀន នៅពេលពួកគេទៅលេងផ្ទះម្ចាស់កម្មវិធី ដើម្បីជានិមិត្តរូបនៃការធ្វើដំណើរទៅកាន់បេថ្លេហិម។ ក្បួនដង្ហែនេះបញ្ចប់ដោយការទទួលអំណោយជាផ្លែឈើរូបរាងដើម Christmas និងផ្លែ Tamales ។