ខ្មែរ
English
Real Madrid គ្រោងនឹងចុះហត្ថលេខាលើកីឡាករនៅរដូវក្ដៅឆ្នាំក្រោយ ដោយកីឡាករ Savinho របស់ Manchester City បានលេចចេញនៅលើរ៉ាដារបស់ពួកគេ។
យោងតាម Caught Offside ក្លឹប Manchester City អាចនឹងត្រូវរំខានដោយមានការចាប់អារម្មណ៍ពីក្លឹប Real Madrid ទៅលើខ្សែបម្រើស្លាបរបស់ពួកគេគឺ Savinho ។ កីឡាករសញ្ជាតិប្រេស៊ីលទើបតែបានមកដល់ Etihad កាលពីរដូវក្តៅមុន ខណៈដែលក្លឹបយក្សរបស់អេស្ប៉ាញមួយនេះមានការកោតសរសើរចំពោះកីឡាករ Savinho ហើយចង់បានរូបគេនៅមុនរដូវក្តៅក្រោយ។
ផ្នែកខ្លះបានរិះគន់ថាចំពោះ Savinho គឺអសមត្ថភាពក្នុងការក្លាយជាផ្នែកសំខាន់នៃក្រុមរបស់លោក Pep Guardiola ហើយក្រុម Manchester City បានជួបការលំបាកសម្រាប់ការងារពាក់ព័ន្ធក្នុងរដូវកាលនេះ ខណៈដែលពួកគេបានស៊ូទ្រាំនឹងការលេងមិនល្អនៃការប្រកួតជាច្រើនដែលពួកគេពិបាកទទួលបានជ័យជម្នះ។
Savinho គឺជាមនុស្សម្នាក់ក្នុងចំណោមអ្នកដែលត្រូវបានរិះគន់ចំពោះការខ្វះខាតរបស់គាត់ ហើយពិតណាស់ការអសមត្ថភាពរបស់គាត់ក្នុងការស៊ុតបញ្ចូលទីនោះ។ ជាក់ស្តែងនៅក្នុងការប្រកួតនាពេលថ្មីៗនេះជាមួយនឹងក្រុម Leicester City ខ្សែប្រយុទ្ធ Manchester City វ័យ ២០ឆ្នាំរូបនេះបានស៊ុតបាល់បញ្ចូលទីជាលើកដំបូងរបស់គាត់សម្រាប់ក្លឹប ទោះបីជាគាត់បានជួយបញ្ជូនបាល់ឲ្យមិត្តរួមក្រុមបាន ៦លើក ក៏ដោយនៅក្នុងការប្រកួតទាំងអស់របស់គាត់។
ទោះយ៉ាងណាក៏ដោយ ឋានានុក្រមរបស់ក្លឹប Manchester City មានជំនឿលើខ្សែប្រយុទ្ធប្រេស៊ីលរូបនេះ ព្រោះពួកគេចាត់ទុកគាត់ជាកីឡាករដ៏សំខាន់សម្រាប់អនាគតរបស់ក្លឹប។ នៅអាយុត្រឹមតែ ២០ឆ្នាំ Savinho មានអាជីពដ៏វែងឆ្ងាយនៅពីមុខគាត់ ខណៈដែលមានការរំពឹងទុកពីអ្នកគាំទ្រសម្រាប់ខ្សែបម្រើស្លាបរូបនេះដើម្បីឈានដល់កម្រិត ដែលបានណែនាំដោយអតីតតារាឆ្នើម Riyad Mahrez ។
ក្លឹប Manchester City មិនមានគម្រោងក្នុងការពិភាក្សាណាមួយអំពីការផ្លាស់ប្តូរសម្រាប់កីឡាករវ័យ ២០ឆ្នាំរូបនេះទេ តែដោយលឺថានឹងមានទំនាក់ទំនងទៅកាន់ក្លឹប Real Madrid នៅមុនរដូវក្តៅក្រោយ។ ម្ចាស់ជើងឯក Premier League នឹងធ្វើឱ្យមានការលំបាកសម្រាប់ក្លឹបដែលចាប់អារម្មណ៍ក្នុងការចុះហត្ថលេខាលើកីឡាករដូចជា Savinho នេះ។ ទោះជាយ៉ាងណាក៏ដោយ ពួកគេក៏អាចនឹងត្រៀមខ្លួនរួចជាស្រេចក្នុងការលក់រូបគេផងដែរ ប្រសិនបើតម្រូវការតម្លៃរបស់ពួកគេត្រូវបានបំពេញនោះ។
Manchester City អាចលក់ក្នុងតម្លៃសមរម្យឬ?
Manchester City គឺជាក្លឹបដែលគេស្គាល់ថានឹងលក់កីឡាកររបស់ពួកគេក្នុងតម្លៃដ៏ត្រឹមត្រូវ ដូចដែលបានឃើញកាលពីរដូវក្តៅមុនជាមួយនឹងករណី Julian Alvarez ។ សម្រាប់ Savinho ពួកគេមិនមានការចាប់អារម្មណ៍ក្នុងការផ្ទេរខ្សែបម្រើស្លាបរូបនេះទេ ទោះបីជាមានការយកចិត្តទុកដាក់ពីក្លឹប Real Madrid ក៏ដោយ។
Savinho បានភ្លក់រសជាតិបាល់ទាត់អេស្ប៉ាញជាលើកដំបូងជាមួយនឹងរដូវកាលដ៏ជោគជ័យជាមួយនឹងក្លឹប Girona ហើយក្លឹប Real Madrid ក៏មានការកោតសរសើរតាំងពីពេលនោះមក។ ទោះជាយ៉ាងណាក៏ដោយ ពួកគេក៏នឹងគិតគូរពីចំណុចតម្លៃដែល ប្រសិនបើក្លឹប Manchester City អាចនឹងទាមទារ បើទោះបីជាពួកគេមានឆន្ទៈក្នុងការវិនិយោគក្នុងចំនួនទឹកប្រាក់ដ៏ត្រឹមត្រូវក៏ដោយ ប្រសិនបើកីឡាករប្រេស៊ីលរូបនេះត្រូវបានផ្តល់ជូនមែននោះ៕
