ខ្មែរ
English
ម្ចាស់ចម្រៀង “Water” គឺ Tyla បានងាកទៅយុគសម័យ VMAs ដ៏ល្បីល្បាញរបស់ Britney Spears ជាមួយនឹងលេងស្ទីលបែប Y2K នៅលើឆាកតន្រ្តី Coachella។
Tyla កំពុងធ្វើឱ្យប្រាកដថា វត្តមានរបស់នាងនៅឆាកតន្ត្រី Coachella គឺជាការបង្ហាញខ្លួនមួយដែលមិនត្រឹមតែជាការច្រៀងធម្មតាប៉ុណ្ណោះទេ ប៉ុន្តែគឺជាការសម្តែងដែលជាប់ចំណាត់ថ្នាក់កំពូលមួយ។ នៅសប្តាហ៍ទី 1 នាងបានឡើងឆាកជាមួយឈុតសំណាញ់ត្រីដែលបង្កប់ភាពស្មុគស្មាញ អមជាមួយខ្សែសង្វាក់ពណ៌មាសភ្លឺចែងចាំង បង្កប់ថាមពលដ៏ខ្លាំក្លារបស់នាង។ រីឯចុងសប្តាហ៍ទី 2 វិញតារាអាហ្រ្វិកខាងត្បូងរូបនេះបានលេងស្ទីលសម្លៀកបំពាក់ដែលមិននឹកស្មានដល់ ធ្វើឱ្យអ្នកគាំទ្រមានអារម្មណ៍ Déjà vu ។
អ្នកគាំទ្រគ្រប់រូបទទួលបាននូវអារម្មណ៍នឹករលឹក ដល់ស្ទីល Y2K ដែលជាពេលវេលាមិនអាចបំភ្លេចបានបំផុតរបស់វប្បធម៌ប៉ុប និងការសម្តែង MTV VMAs ឆ្នាំ 2001 របស់តារាចម្រៀង Britney Spears ។
សម្លៀកបំពាក់របស់នាងបង្ហាញ”ម៉ូតអាវទ្រនាប់ពណ៌បៃតង លាយពណ៌ស្វាយ ជាមួយនឹងខោខូវប៊យខ្លី និងមានខ្សែអំបោះរុំព័ទ្ធជុំវិញទ្រូង និង Piercing ត្បូងដ៏ចែងចាំនៅតំបន់ផ្ចិត មើលទៅពិតជា Iconic Style តែម្តង។
Tyla មិនមែនគ្រាន់តែ Cosplay សម្លៀកបំពាក់នោះទេ ពោលវាគឺជាការពាំនាំនូវអារម្មណ៍ស្រមើស្រមៃរលឹកឡើងវិញអំពីរចនាប័ទ្មតារាប៉ុបជំនាន់មុន និងរំលឹកអ្នកគាំទ្រថា ម៉ូត Y2K មិនត្រូវបានកប់ចោលទៅតាមពេលវេលានោះទេ។
