ហេតុអ្វីបានជា សាលារៀនដាក់មុខវិជ្ជាហាត់ប្រាណជាផ្នែកមួយនៃការសិក្សា?

សាលារៀនភាគច្រើនតែងតែដាក់មុខវិជ្ជាហាត់ប្រាណក្នុងកម្មវិធីសិក្សា ដើម្បីជួយអោយសិស្សមានសុខភាពល្អ និងរីកចម្រើនល្អទាំងផ្លូវកាយ និងផ្លូវចិត្ត។ ក្នុងមួយសប្តាហ៍ ជាធម្មតាគេកំណត់ពី ១ម៉ោង ទៅ ២ម៉ោងឲ្យសម្រាប់សិស្សធ្វើសកម្មភាពហាត់ប្រាណនៅក្រៅថ្នាក់។ ការបន្ថែមមុខវិជ្ជាហាត់ប្រាណក្នុងកម្មវិធីសិក្សាមិនមែនគ្រាន់តែជាការបង្កើត ឬលេងសប្បាយប៉ុណ្ណោះទេតែក៏ជាផ្នែកមួយដ៏សំខាន់ក្នុងការអប់រំសុខភាព និងការអភិវឌ្ឍលើជំនាញរស់នៅក្នុងបដិបទសង្គមផងដែរ

តើមុខវិជ្ជាហាត់ប្រាណសំខាន់យ៉ាងណា?

១. ជួយអោយរាងកាយរឹងមាំ

ការហាត់ប្រាណជួយឲ្យឆ្អឹង សាច់ដុំ និងសាច់ដុំបេះដូងរឹងមាំ
ជួយបង្កើនថាមពល និងការរីកចម្រើនលើផ្លូវកាយ

២. សហការជាក្រុម និងគោរពច្បាប់

ក្នុងពេលលេងកីឡា សិស្សរៀនអំពីការសហការជាមួយគេ ការគោរពច្បាប់ និងចេះទទួលស្គាល់លទ្ធផល
ការធ្វើចលនាញឹកញាប់ជួយបង្កើននូវថាមពល និងខួរក្បាលសកម្ម ដូច្នេះការរៀនវិជ្ជាផ្សេងៗក៏ប្រសើរជាងមុន

៣. បង្កើតវិន័យនិងទម្លាប់ល្អក្នុងជីវិតប្រចាំថ្ងៃ

កុមារដែលមានទម្លាប់ហាត់ប្រាណតែងតែមានវិន័យ ខិតខំ និងប្រើពេលវេលាបានយ៉ាងល្អ
កុមារដែលបានហាត់ប្រាណជាប្រចាំ តែងយកចិត្តទុកដាក់បានយ៉ាងល្អិតល្អន់ ថែមទាំងបង្កើនប្រសិទ្ធភាពក្នុងការសិក្សាផ្នែកផ្សេងៗទៀត និងជួយពង្រឹងសមត្ថភាពផ្លូវចិត្ត និងការចងចាំផងដែរ។

៤. បើកឱកាសសម្រាប់សិស្សដែលចង់ក្លាយជាកីឡាករ

មុខវិជ្ជាហាត់ប្រាណអាចជាដំណាក់កាលដំបូងសម្រាប់សិស្សបង្ហាញសមត្ថភាព និងអភិវឌ្ឍស្នាដៃកីឡា
មុខវិជ្ជាហាត់ប្រាណអាចជាចំណុចចាប់ផ្ដើមសម្រាប់សិស្សម្នាក់ក្លាយជាកីឡាករដែលមានសក្តានុពល

សាលាមិនត្រឹមតែបង្រៀនអោយសិស្សខិតខំរៀន និងបង្រៀនទៅតាមមុខវិជ្ជាប៉ុណ្ណោះទេ ថែមទាំងបង្រៀនអោយខិតខំថែទាំសុខភាពផងដែរ។ មុខវិជ្ជាហាត់ប្រាណគឺជាផ្នែកមួយដ៏ចាំបាច់សម្រាប់ជីវិតក្នុងការរស់នៅប្រចាំថ្ងៃ។

ដូច្នេះ ចូលរួមហាត់ប្រាណទាំងអស់គ្នាដើម្បីសុខភាពអ្នក។