ខ្មែរ
English
នាថ្ងៃទី១៥ ខែសីហា ឆ្នាំ២០២៥ ស្ថានទូតឥណ្ឌាប្រចាំរាជធានីភ្នំពេញ បានប្រារព្ធខួបលើកទី៧៩ នៃទិវាបុណ្យឯករាជ្យជាតិឥណ្ឌា ដែលមានការអញ្ជើញ ចូលរួមពីរដ្ឋមន្ត្រី មន្ត្រីជាន់ខ្ពស់រដ្ឋាភិបាលកម្ពុជា ឯកអគ្គរាជទូត អ្នកការទូត និងភ្ញៀវកិត្តិយស ព្រមទាំងសមាជិកសហគមន៍ឥណ្ឌាមកពីគ្រប់មជ្ឈដ្ឋានទាំងអស់ នៅសណ្ឋាគារសូហ្វីតែល។
ការប្រាព្ធពិធីបានចាប់ផ្តើមជាមួយនឹងការបង្ហូតទង់ជាតិដោយ ឯកអគ្គរដ្ឋទូតឥណ្ឌា លោក Vanlalvawna Bawitlung អមជាមួយការច្រៀងបទភ្លេងជាតិ។ បន្ទាប់មក លោកឯកអគ្គរដ្ឋទូតបានថ្លែងសុន្ទរកថាដ៏ខ្ពង់ខ្ពស់របស់ប្រធានាធិបតីឥណ្ឌាទៅកាន់ប្រជាជាតិនាឱកាសនោះ។
ឯកឧត្តម ឯកអគ្គរដ្ឋទូតបានសង្កត់ធ្ងន់លើទំនាក់ទំនងអរិយធម៌ដ៏យូរអង្វែង និងទំនាក់ទំនងទ្វេភាគីដ៏រឹងមាំរវាងឥណ្ឌា និងកម្ពុជា។ ឯកឧត្តម បានកត់សម្គាល់ថាឥណ្ឌារីករាយដែលបានក្លាយជាដៃគូរមួយក្នុងកំណើនសេដ្ឋកិច្ចសង្គមកម្ពុជា និងការអភិរក្សបេតិកភណ្ឌរបស់កម្ពុជា ការកសាងសមត្ថភាពតាមរយៈអាហារូបករណ៍ និងកម្មវិធីបណ្តុះបណ្តាល គម្រោងផ្តល់ផលរហ័ស (QIP) កិច្ចសហប្រតិបត្តិការសកម្មភាពមីន និងការបង្កើនការចូលរួមសហការណ៍លើវិស័យការពារជាតិ។
ក្នុងឪកាសនៃប្រារព្ធខួបលើកទី៧៩ នៃទិវាបុណ្យឯករាជ្យជាតិឥណ្ឌា ឯកឧត្តម នេត្រ ភក្ត្រា រដ្ឋមន្រ្តីក្រសួងព័តមាន បានកោតសរសើរចំពោះការរីកចម្រើនដ៏គួរឱ្យកត់សម្គាល់របស់ ប្រទេសឥណ្ឌាចាប់តាំងពីទទួលបានឯករាជ្យ ដោយទទួលស្គាល់ការលេចចេញជាជើងឯកនៃការពឹងផ្អែកលើខ្លួនឯង និងជាតួអង្គសំខាន់ក្នុងកិច្ចការតំបន់ និងពិភពលោក។ ឯកឧត្តម រដ្ឋមន្រ្តី បានគូសបញ្ជាក់អំពីចំណងមិត្តភាពកម្ពុជា- ឥណ្ឌាដែលចាក់ឫសយ៉ាងជ្រៅ លើផ្នែកនយោបាយ ការពារជាតិ និងសន្តិសុខ ពាណិជ្ជកម្ម និងវិនិយោគ ទេសចរណ៍ ការអប់រំ កសិកម្ម សុខាភិបាល ការដោះមីន វប្បធម៌ និងការផ្សារភ្ជាប់រវាងប្រជាជន និង ប្រជាជន។ ឯកឧត្តម ក៏បានរំលឹកផងដែរនូវដំណើរទស្សនកិច្ចថ្នាក់ខ្ពស់សំខាន់ៗ រួមទាំងដំណើរទស្សនកិច្ច ផ្លូវការចំនួនបីរបស់សម្តេចតេជោ ហ៊ុន សែន ទៅកាន់ប្រទេសឥណ្ឌាក្នុងឆ្នាំ 2000 2007 និង 2018 ដំណើរ ទស្សនកិច្ចផ្លូវរដ្ឋឆ្នាំ ២០២៣ របស់ព្រះករុណាព្រះបាទសម្តេចព្រះបរមនាថ នរោត្តម សីហមុនី និងដំណើរ ទស្សនៈកិច្ចឆ្នាំ២០២៣ របស់សម្តេចមហាបវរធិបតី ហ៊ុន ម៉ាណែត ក្នុងតួនាទីជាអគ្គមេបញ្ជាការរងនៃ កងយោធពលខេមរភូមិន្ទ និងជាមេបញ្ជាការកងទ័ពជើងគោកកម្ពុជា។ លោកបានថ្លែងអំណរគុណយ៉ាង ស្មោះស្ម័គ្រចំពោះតួនាទីដ៏សំខាន់របស់ឥណ្ឌាក្នុងសន្តិភាព និងការកសាងឡើងវិញរបស់កម្ពុជាក្នុងអំឡុងដើម ទសវត្សរ៍ឆ្នាំ 1990 ក៏ដូចជាការបន្តគាំទ្រដល់កំណើនសេដ្ឋកិច្ចសង្គមរបស់ព្រះរាជាណាចក្រ ជាពិសេស តាមរយៈកម្មវិធីកិច្ចសហប្រតិបត្តិការបច្ចេកទេស និងសេដ្ឋកិច្ចឥណ្ឌា (ITEC) ដែលបានពង្រឹងសមត្ថភាព ធនធានមនុស្សរបស់កម្ពុជា។
នៅក្នុងការប្រារព្ធពិធីនេះទៀតសោត ក៏រួមមាននូវការសម្តែងវប្បធម៌ដ៏រស់រវើក ដូចជា ការសម្តែងរបាំប្រពៃណី ច្រៀងចម្រៀងស្នេហាជាតិ និងការសូត្រកំណាព្យដោយសមាជិកនៃជនភៀសខ្លួនឥណ្ឌា និងមន្ត្រីស្ថានទូត។ វិញ្ញាបនបត្រសរសើរក៏ត្រូវបានប្រគល់ជូនគ្រូយោគៈកម្ពុជាផងដែរ ក្នុងឱកាសនៃការទទួលស្គាល់ការរួមចំណែកដ៏មានតម្លៃរបស់ពួកគេចំពោះភាពជោគជ័យនៃ ទិវាយោគអន្តរជាតិលើកទី១១។
ព្រឹត្តិការណ៍នេះមិនត្រឹមតែអបអរសាទរសមិទ្ធិផលរបស់ឥណ្ឌាប៉ុណ្ណោះទេ ប៉ុន្តែក៏ជាចំណងមិត្តភាពដ៏ជ្រាលជ្រៅ និងយូរអង្វែងរវាងឥណ្ឌា និងកម្ពុជាផងដែរ។ ឯកអគ្គរដ្ឋទូតបានអញ្ជើញអ្នកមានវត្តមានក្នុងកម្មវិធីទាំងអស់ ដើម្បីចូលរួមជាផ្នែកនៃដំណើររួមគ្នានេះ ឆ្ពោះទៅរកទំនាក់ទំនងរវាងប្រជាជន និងប្រជាជនកាន់តែល្អប្រសើរឡើង និងកិច្ចសហប្រតិបត្តិការលើវិស័យសេដ្ឋកិច្ច។
