ខ្មែរ
English
Collection របស់ Balmain នៅរដូវស្លឹកឈើជ្រុះ/រដូវរងាឆ្នាំ 2025-2026 បានផ្តោតសំខាន់ទៅលើភាពសាមញ្ញ និងមានផាសុខភាព ប៉ុន្តែមិនលះបង់ភាពឆើតឆាយ ។
Olivier Rousteing បានច្របាច់លាយបញ្ចូលគ្នារវាង ភាពស្ងប់ស្ងាត់ និងព័ត៌មានលម្អិតនៃម៉ូតនីមួយៗ មើលទៅពិតជាអស្ចារ្យ និងឡូយឆាយយ៉ាងខ្លាំង ហើយបានបង្កើតនូវរូបភាពអាវកាក់ធំត្រដាងស្លាប អាវយឺតរលុង និងឈុត Monochrome ដោយបញ្ជាក់ថា “Groutfit” គឺពិតជាអាចក្លាយជា “Couture” ។
នៅក្នុងកម្មវិធីបង្ហាញ ត្រូវបានបើកឆាកដោយវត្តមានរបស់អ្នករចនា ៖ បង្ហាញម៉ូត ជាមួយអាវយឺតពណ៌ខ្មៅ ដែលរចនាឡើងដោយស្បែក Peplum និងខោស្បែកទន់។ បំណែកនៃប៉ាក់នីមួយៗ បានបង្ហាញឱ្យឃើញនូវការរចនាឡើងដោយភាពស្មុគស្មាញ… មិនថាជាខ្សែដៃមាស ឬស្បែកជើងកវែង Bohemian នោះទេ សុទ្ធតែបង្កប់ភាពស្រស់ឆើតឆាយរៀងៗខ្លួន។
នៅក្នុង Show គេឃើញមានការបង្ហាញ ឈុតពណ៌ទឹកក្រូច ដែលឈុតនេះមានភាពលេចធ្លោជាងគេ… អមជាមួយនឹងការដើរបង្ហាញនៅលើវាយនភាព បានធ្វើឱ្យឈុតពណ៌ទឹកក្រូចនេះ ឆក់យកការចាប់អារម្មណ៍ទស្សនិកជនជាពិសេស។
លើសពីនេះ ក៏ការបង្ហាញនូវម៉ូត អាវស្បែកក្រឡាសេះបង្កង់ (Trench Coat) ឈុត Jumpsuit និងរ៉ូបមានក្រឡាពណ៌ឆ្នូត។
Olivier Rousteing បានឱ្យនិយមន័យ Collection ថា “ការស្លៀកពាក់ប្រកបដោយផាសុកភាព មិនមែនមានន័យថាត្រូវលះបង់ភាពឆើតឆាយនោះទេ, ភាពសាមញ្ញក៏អាចធ្វើឱ្យអ្នកមើលទៅស្រស់ស្អាត” ។
