Barcelona កំពុងសម្លឹងមើលការពង្រឹងតំបន់ប្រយុទ្ធរបស់ពួកគេ ហើយបានបង្ហាញចំណាប់អារម្មណ៍លើ កីឡាករ Erling Haaland

យោងតាមរបាយការណ៍របស់ Mundo Deportivo បានបង្ហាញថា បើទោះបីជា Robert Lewandowski នៅតែជាសមាជិកដ៏សំខាន់របស់ Barcelona ក៏ដោយ ក៏អ្នកគ្រប់គ្រងក្លឹបកំពុងស្វែងរកអ្នកស្នងតំណែងគាត់នៅទីផ្សារដោះដូរខាងមុខដែលវាជាគោលដៅថ្មីសម្រាប់អនាគតរបស់ក្លឹប។

Barcelona បានដាក់គោលដៅលើ Erling Haaland… ទោះជាយ៉ាងណាក៏ដោយ ថាតើ Haaland អាចនឹងចាកចេញពី Manchester City បានក្រោមមូលហេតុនៃកត្តាផ្សេងៗ រួមមានការបំពានផ្នែកហិរញ្ញវត្ថុដែលអាចបណ្តាលឱ្យក្លឹបត្រូវកាត់ចោលរឺយ៉ាងណា? ហើយនៅក្នុងករណីនោះ Barcelona នឹងមិនមែនជាក្លឹបតែមួយគត់ដែលចាប់អារម្មណ៍ក្នុងការចុះហត្ថលេខាលើ Haaland ទេ ព្រោះគាត់នឹងជ្រើសរើសក្រុមដែលអាចមានលទ្ធភាពក្នុងការទិញយកគាត់បាន។

លើសពីនេះ ខ្សែប្រយុទ្ធស៊ុយអែត Viktor Gyokeres បានបង្ហាញទម្រង់លេងយ៉ាងល្អនៅក្លឹប Sporting CP ដោយស៊ុតបញ្ចូលទីបាន 9 គ្រាប់ក្នុង 9 ប្រកួត នៅរដូវកាលនេះ។ ការលេងរបស់គាត់បានទាក់ទាញចំណាប់អារម្មណ៍របស់ Barcelona និងក្លឹប Premier League មួយចំនួនផងដែរ។

កីឡាករវ័យក្មេងម្នាក់ទៀតដែលត្រូវបានគេចាត់ទុកលេងបានយ៉ាងល្អនោះគឺ Benjamin Sesko មានទេពកោសល្យក្នុងការលេងបានយ៉ាងល្អរបស់ក្លឹប Leipzig។ ខ្សែប្រយុទ្ធសញ្ជាតិស្លូវេនីអាយុ 21 ឆ្នាំ បានបន្តកិច្ចសន្យារបស់គាត់នៅរដូវក្តៅនេះរហូតដល់ឆ្នាំ 2029 ដោយបដិសេធការផ្តល់ជូនពីក្លឹបធំៗដូចជា Arsenal ក្នុងគោលបំណងបន្តការអភិវឌ្ឍន៍ខ្លួនរបស់គាត់នៅ Bundesliga បន្ដទៀត។

ការលេងយ៉ាងល្អរបស់ Sesko សម្រាប់ Leipzig បានបង្ហាញពីសមត្ថភាពរបស់គាត់ ជាមួយនឹងតម្លៃខ្លួន ប្រហែល 65 លានអឺរ៉ូ ដែលធ្វើអោយគាត់ជាជម្រើសមួយ អាចធ្វើទៅបានសម្រាប់ Barcelona បើប្រៀបធៀបទៅនឹងតម្លៃផ្ទេរសម្រាប់ Haaland និង Gyökeres ។

ប្រភព ៖ NOWGOAL