ខ្មែរ
English
Levi’s បានសហការជាផ្លូវការជាមួយកំពូលតារាចម្រៀងល្បីលំដាប់ពិភពលោក “Beyoncé” សម្រាប់យុទ្ធនាការ “REIIMAGINE” ដើម្បីអបអរដល់ការពង្រឹងភាពជាស្ត្រី និងនឹករលឹកឡើងវិញនូវរូបរាងដ៏លេចធ្លោបំផុតរបស់ខ្លួន។
នៅក្នុងជំពូកដំបូងនៃយុទ្ធនាការ Beyoncé គឺជាតួឯកសំខាន់នៅក្នុងខ្សែភាពយន្តខ្លីដែលត្រូវបានបំផុសគំនិតដោយ ការផ្សាយពាណិជ្ជកម្មពិសេសមួយក្នុងឆ្នាំ 1985 “Launderette” ។
ការចេញផ្សាយ COWBOY CARTER បទ “LEVII’s JEANS” របស់ Beyoncé គឺជាជម្រើសដ៏សក្តិសមសម្រាប់អបអរសាទរនូវទំនុកចិត្ត និងបង្ហាញអំពីភាពច្នៃប្រឌិតដ៏ពិសេសបំផុត ព្រមទាំងទាក់ទាញចំណាប់អារម្មណ៍ពីអ្នកគាំទ្រគ្រប់ៗរូប។ នៅក្នុងការផ្សាយទៀតសោត Beyoncé បានក្លាយជារូបតំណាងឱ្យ វិញ្ញាណរបស់ Levi’s នៅក្នុងរូបភាពដែលអស្ចារ្យមិនចេះចប់មិនចេះហើយ និងបង្ហាញអំពីឥទ្ធិពល អាវខោប៊យស្ទីលលោកខាងលិច ខោខ្លី 501 Original អាវរងារពណ៌ស និងខ្សែកពណ៌មាសក្រហមឆ្អិនឆ្អៅអមជាមួយនឹងអាវធំដ៏ស៊ីវីល័យ។
Beyoncé បាននិយាយនៅក្នុងសេចក្តីថ្លែងការណ៍ ថា “បទចម្រៀងរបស់ខ្ញុំ ‘LEVII’S JEANS’ គឺក្នុងគោលបំណងអបអរសាទរនូវអ្វីដែលជាឯកសណ្ឋាននិមិត្តសញ្ញាអាមេរិចកាំង ហើយវាធ្វើឱ្យប្រជាជនទាំងអស់ស្លៀកពាក់ដោយមានមោទនភាព។ ខ្ញុំមានកិត្តិយសខ្លាំងណាស់ក្នុងការសហការជាមួយ Levi’s® ដើម្បីបង្កើតរូបចម្លាក់តំណាងសហរដ្ឋអាមេរិក។ Denim on Denim តែងត្រូវបានគេប្រទះឃើញថា ទទួលបានការពេញនិយមលើបុរសតែប៉ុណ្ណោះ ដូច្នេះទើបយុទ្ធនាការនេះនឹងផ្លាស់ប្តូរផ្នត់គំនិតឡើងវិញ ពោលគឺបង្ហាញនូវទិដ្ឋភាពស្ត្រីក៏អាចលេងស្ទីលនេះដូចគ្នា។
